[長氣多圖][不爛尾] 山梨富士山登頂之旅

日出好靚

天氣好
兩日都無落過雨

之前去親都有雲阻住

緊係有 shuttle la
下呂站搭過去
唔係邊個有本事拎住行李上半山

我真係行過去...
冇乜行李， 同埋早到行下街先

行上去咁本事
我對下呂既印象剩係得車站同旅館

今宵天空個 public pool 好細 又俾 d 花草遮住
冇咁多野睇
但食完飯返房見到個景真係 dum 一聲

DAY5.1 富士登山電車

原本我以為真係會訓死
但發覺一天光
都係會自然醒
不過平時住溫泉
我都會趁無人好早落去浸
但係今日實在太累做唔到

今朝起身
除左真係好撚酸
發覺隻眼都開始出現問題
睇野睇唔清
好似變左有幾百度近視咁
自從做左lasik之後我都係第一次發生呢種事
咁都無辦法唯有頂硬上
希望聽日會好番啦

起床之後終於見到對面座富士山

呢間溫泉既價值所在
但可能唔夠早起身
無逆富士

傳說中係平平浪靜既朝頭早
係可以睇到呢個畫面

不過我都唔算係好介意
咁樣都滿足了

呢度可以一邊望住富士山一邊浸腳

同樓下個露天溫泉一樣

早餐係自助餐
但係個質素就非常唔錯

落地玻璃一樣係對正富士山


除左有山梨麵條

仲有即叫即炸天婦羅

飲品選擇都幾多

早餐黎講就幾滿足


到番房執野已經見到富士山頂唔見左

今曰原本計劃有好多
最早前既諗住夜晚係鐘山住一晚
全日行程就會包括去新倉山淺間公園,冨士淺間神社同忍野五湖行下
但因為呢一日係甲府果邊會有神明花火大會
臨出發前幾日
我就改左係甲府住多一晚
不過因為煙花關係周圍都無房
被迫要花成千蚊住cheapcheap酒店
咁最後就只有plan左去新倉山淺間公園
然之後就坐富士登山電車出番大月走
但係新倉山淺間公園位於小山上面
落山第二日又再行山
我都覺得自己好撚痴線
最後既最後
又放棄埋呢個行程
即係最後係河口湖
除左坐登山電車就再無行程
輕鬆一日都唔錯既
而且為左富士急樂園
我呢生人都一定會再黎多河口湖一次既
呢D景點就等將來既我去完成

門口風鈴鈴

話說秀峰閣外面有塊空地
係對住河口湖同富士山
即係我地露台望出去個景
偶爾會有路人係度玩
check out完未有shuttle接出去河口湖
就係行出去睇下

就已經見到有三條on9仔唔知係度做乜撚

後面就係秀峰閣

相比起洞爺湖湖邊既酒店
呢度都算細間
而我諗眼見好似千有私人足浴或者私人風呂既房全部都起係最低既二樓
可能咁樣私隱度會高D

而家已經再望唔到富士山山頂

唔知係山上面既人係點呢
係度企左陣已經曬到仆街
今朝一起身
就發覺自己雙臂同頸部全部燒傷晒
而家見到太陽其實都有D驚

坐接駁巴士出番去河口湖站

過左兩日都仲係咁多人
RED LINE即係河口湖周遊巴士

不過對面7號站上富士山就好少人等車

諗起尋日係度等車去酒店果陣
有個鬼婆話佢今日會即日來回富士山
我唯有祝福佢

車站外面有架電車可以影下相

然之後
就要同上山既同伴分別
佢地去關西
而我就會繼續留係山梨
又再次變番毒遊了

富士登山電車

網上book位只限去到大月站
但其實係車站只需要比200yen
你鍾意係邊度落車都得

車站都有介紹富士山證書

其實五合目已經可以免費有得搞
但尋日落山實在太過趕
搞唔到

河口湖站都真係泊左幾多車

仲有搭唔到既湯馬仕列車

而另一邊月台
就係今日要坐既富士登山電車

第一卡

富士急行logo

第二卡

雖然寫晒咁多車站上去
但其實富士登山電車只係會停留6個車站

然之後
好神奇既事出現了

係第二卡車完結之後
竟然駛住左另一架普通車卡
好似格格不入咁

登山電車雖然係觀光列車
但係全車自由席
任坐
咁我就簡左第一卡向窗既雙人座位

車上面無行李架
我見都唔係好多人就擺係格離算


第一卡車廂

多數係四人座位




感覺好似第二卡靚少少


同埋有小賣部


但我見佢遲遲都唔肯開始賣野
到我終於留意到佢開始營業又話鎖匙扣賣晒

富士登山列車只有頭先果張好簡陋既乘車證
就無好似富士山view特急果種紀念車飛

介紹書仔就有本

背面可以給印

咁就集齊左兩本介紹書


不過富士登山列車本書係日文
而富士山view特急就係英文
唔知富士山特急果一架有無呢

窗外面係河口湖站既停車場

要同河口湖講再見了
登山電車只有六個站

全程唔夠一個鐘

入黎既時候可以望到富士山越黎越近
咁離開既時候其實係無乜野睇既
就係HEA住到大月站

如果要去新倉山淺間公園就要係下吉田站落車

聽聞車站可以搵職員寄存行李
實際我無去到唔清楚

不過呢個車站都幾多野睇

仲見到view特急經過

倉見山登山案內

而家見到山都不了


一個鐘好快就過
過說上車之前搵唔到人幫手影相
諗住去左大月站可以搵到人掛
點知到達大月站係咁撚樣

因為係富士登山列車再加普通列車
成架車仲長過月台
突左出長想影都無機會
第一次無辦法同觀光列車合照

呢個就係前兩日係同伴走失左既月台

當時一邊係富士山view特急
而另一邊係湯馬仕號
同伴係好似上左去湯馬仕號

富士急行同瑞士matterhorn gotthard bahn係姐妹鐵路

由1991開始

已經超過25年了

matterhorn gotthard bahn呢條鐵路好似係去策馬特
可惜我下一次去瑞士並唔係經過呢個幾出名既地方
所以大概無緣乘坐呢一條鐵路

富士急行同JR站兩個月台就係以呢個閘口隔開

當日我就係揮揮手上既富士山view特急預約飛就咁沖過左

大月站
今日氣溫36度

係落山之後既呢幾日
我每一日都行到全身濕晒
從未試過去旅行會去到咁辛苦
就算之前試過去四十度既地方
都無而家咁辛苦
真係走出去行兩日已經係熱到仆街

大月站有個休息室

唔單只多人到仆街
仲係熱到仆街
不過臺上面舊石就唔知咩玩法

今次又係坐呢架特急去甲府

由大月去甲府

只需要半小時車程
其實普通車都只係慢少少
但價錢平一半
不過呢班係最接近轉車既班次
所以我就book左呢一班
早D去到準備今晚花火大會都係好事黎既

富士山特急

同富士山view特急一樣
都係第一卡指定席要加錢先坐得
但其實第一卡並唔係好似富士山view特急一樣係特色車廂
所以坐唔到都並唔係太大損失

續

河口湖去甲府肯定係搭巴士方便
不過我都知你想搭鐵

"下次去瑞士..."
富貴到呢

事先預約？

你話不了架嘛

好似白川鄉點燈果期下呂仲有煙花睇

好多溫泉旅館個溫泉都好細

其實係我唔知有巴士去
後尾係甲府個巴士站先見到有直去
不過中午無班次
所以唔算話好蝕