[長氣多圖][不爛尾] 山梨富士山登頂之旅

係，暑假無咩必要都係唔好去日本

下年暑假係東京奧運

隨時街都無得你訓

飛都買唔到

要book東橫其實唔難

要同台狗爭有D難度

咁多間洗乜驚

DAY6.3 仙娥瀧 蓬來軒本店 甲府市役所展望台

纜車站停車站雖然好多車

但事實上山上面既遊客唔多
不過呢一帶D山都真係幾靚

纜車站1964年已經開業

超過半世紀
所以真係old school景點黎

夫婦神社

無入到去

然之後再行落去就係仙娥瀧既入口

呢頭成個沒落商店街咁
可能假日會比較熱鬧D掛

但有間舖頭竟然係擺完全唔關事既異形同鐵血戰士出黎



許願池

用扭旦形式抽D珠出黎再拋落對應既石壺

睇落去幾on9所以唔玩

日本四季分明

尤其係春秋同埋冬天
不過夏天就無分要都唔洗黎
熱到HIHI

真係諗唔明昇仙峽同水晶有咩關係


未來電話亭

唔知點樣打比未來既自己啦


蛙仙人


然後就落去睇瀑布

好彩無揀由下向上行
如果唔係都應該幾辛苦



其實瀑布次次都係睇落去幾靚
但影出黎就無乜特別
可能去親都係呢D蛇仔形掛
希望下次去萊茵瀑布會震撼D

估唔到呢度竟然都係名水百選之一

不過名水百選就無一百名城咁出名
如果又整個名水百選既印出黎睇怕又有排要去

讀賣新聞平成百景全國第二位

而第一位係同屬山梨既富士山

呢D岩石好似黑部峽谷既人喰岩咁



相比起瀑布
昇仙峽最靚既都係石頭
覺圓峰


我直頭覺得呢D比起富士山仲靚
真係無黎錯地方


係呢度點行都係望住呢舊石

石門

真係唔知D人點拋銀仔上去


如果渣車黎

呢度好似會有終點

昇仙峽雖然係觀光名勝
但餐廳並唔多
而我今日午餐就係呢個茶座到解決

全露天雅座

森山放題

石同川流就係自己面前

意境好靚
清靜優雅
不過就好熱同好多昆蟲

山邊店舖
就簡簡單單食個冷麵

已經好正

仲有囡囡做model

繼續都係覺圓峰




不過山下面D店舖就好似執晒咁


冷冷清清

昇仙俠溪谷酒店

個款就殘殘地
唔吸引人入住lor

全景地圖

其實就係行一個巴士站既距離

過埋車行既石門

就係終點green line昇仙峽站

竟然又遇到頭先一齊坐巴士黎
一齊上纜車站既人
其實呢度無幾多遊客
可能大家目的都係差唔多

然後打開連登
真係有人係河口湖出事

好彩當日有同伴幫手拎行李
我而家就係甲府
救佢唔到

番酒店沖涼休息
睇下新聞

連續三個風吹襲

完全食到正

真係好好彩我已經登完頂
預定下星期上山既就慘鳥

甲府係山梨黎講都算係最熱既地區了

仲有龍捲風

休息完就食晚餐
非常不幸既係
甲府周圍最高分果D餐廳全部都唔係車站附近
不過都叫做可以坐巴士去得到

多數都係幾分鐘車程
但如果要行又要行四個字時間

今晚食蓬來軒
同名古屋既鰻魚飯撞名
不過呢間係食支那麵

如果係平時有得選擇既話
我一定唔會揀去食支那麵
但呢一間蓬來軒係全甲府最高分既拉麵
咁就唯有試下啦

餐廳好多簽名


餐廳遠離市中心
但係人流都唔少



餐牌

完全唔知廣東麵即係點
咁就叫左個支那麵

同餃子

今次我真係對支那麵改觀
D麵係堅好食
感覺比起之後番東京食果間全日本第一既拉麵仲好食

食完無坐車走
因為想去埋市役所展望台
所以就周圍行下


甲府D商店街係完全無人行既

睇過有間甲州牛好似OK

但係最後都無食到

感覺好似去左紅燈區咁



市役所

夜晚已經無晒人

頂層十樓展望台

其實都幾多呢類市役所展望台
雖然唔算話好特別
但叫做免費夜晚有野可以行下

咁又真係無乜特別

夜媽媽都睇唔到呢D山

不過佢將D山畫係玻璃上面又幾特別

個天就一直行雷
不過影唔到


甲府無乜夜景
落番去地下都仲有甲府市既介紹



避難用既食品

其實都只係九點左右
但條街已經無乜人
作為一個縣廳又好似真係靜左少少

DAY6 完

個麵有幾好食呀
成個夜嗚拉麵咁款
食湯底？

麵同叉燒都好食

下個月行開嗰頭試下
信你

唔好食唔好怨我

IMAX哥推介實屬佳品 我不懷疑

無咩味覺
食乜都差唔多

個山景真係幾靚

支那麵其實似拉麵定油麵, 未食過

甲府本身內陸夜晚就係靜

d麵幼身d

直頭可以同松江宮崎呢d一戰

DAY7.1 武田神社 奧藤本店

其實尋晚已經轉左酒店
原本一plan黎甲府就係住東橫inn甲府2號店

不過因為為左睇煙花先係呢度住多晚
甲府站總共有兩間東橫
2號店就係小作對面
離車站兩三分鐘距離
而另一間一號店就係甲府城外面
遠D不過有穿梭巴士接送亦都平D
今次會係度住兩晚
所以聽日先離開甲府

而尋晚同伴就去左琵琶湖煙花大會
感覺好似好熱鬧
而且D煙花亦都無咁單調
可惜我就去唔到了

第一次終於可以訓到連早餐都食唔到
係甲府站外面有個武田神玄像


甲府既最後一日
先去武田神社
坐巴士可以直達門口

神社對出既馬路
武田通

武田神社


武田神社範圍好似幾大
但可以參觀既地方幾乎就集中係中心點

而武田神社既另一個名係武田氏館跡

亦即係躑躅崎館

曾經係武田信玄出生同居住既地方
而後來起左甲府城
實際就廢左躑躅崎館
屬於100名城之一
但係我又唔記得左帶書仔黎

而家只係一神社


不過參拜既人相對地多


同尋日去甲府城既人流係無得比

除左普通既繪馬

仲有件風林火山繪馬
足足賣貴一倍
不過我都買左呢一塊
寫番D香港加油之類既野
呢頭無咩支那人
應該唔會比支那雞活埋

其實好快行完
所以去埋寶物殿


呢部舞獅已經玩壞左

300YEN入場

入面唔比影相
都係睇下刀刀劍劍
唯一可以影既就係呢個信玄公像


武田氏館配置圖

御用水井


好多日本人會揀係神社舉行婚禮

而我
都係鍾情南阿蘇既天文台

唔係本丸
而只係一片草地

武能殿

有件廢老係台上面練習緊
可能之後會有接演

因為呢種曾經都係座城堡
亦都會有護城河


神社對面有間手信店

入面有自稱排第一既信玄雪糕食
不過因為巴士就到
所以無食到

山梨交通既巴士可以用IC卡

好方便