[長氣多圖][不爛尾] 山梨富士山登頂之旅

我同fd分別都plan緊去山陰
所以岩岩有睇返你山陽山陰，好有幫助

DAY2.1 富士山景觀特急 ほうとう不動

酒店係公寓式
每層只有兩間房
細細座
早餐都要另外食
最後一朝早
就去埋すき家食完先走

其實我都係第一次去
原來入座坐低叫野食
埋單出去counter找數
即係同茶餐廳一樣玩法

雖然話鰻魚飯係幾吸引

但尋日先食完
黎到呢D傳統快餐店
都係想食番牛肉飯

加埋隻強我已經好滿足

由新宿去河口湖既方法有好多
當然我都係想坐番鐵路
除左而家新開既富士回遊可以由新宿直達河口湖之外
最傳統既方法都係由新宿坐JR到大月站
再係大月站轉富士急行線去河口湖站
而富士急行呢條鐵路線總共有四架特別列車
富士山景觀特急
富士登山電車
富士山特急
同埋湯馬仕20周年記念號

今次去呢程就BOOK左富士山景觀特急
而如果咁岩係星期六日
第一卡就會升級成為甜品餐車
每人4000YEN
預約果時仲要入晒全名同出生日子


首先要坐JR到大月站
幾乎全部都係特急列車
呢程車坐得仲耐過富士急行線果段路

點知一去到月台就出事
同時間出現既並唔係我地坐既甲斐路5號
而係前一班車
最後我地班車遲左成三個字先到

而轉車時間亦都只係得三個字左右
咁樣係車上面都打成輸數PLAN下要坐下一班富士急行線到河口湖


呢班甲斐路號同NEX又有D唔同
頭頂會有紅黃綠三粒燈

根佢既說法

紅燈既座位可以任坐
而黃燈既就係即將有預約既人會上車
綠燈就係呢個人已經有人預約左坐緊
鄉下仔去得少東京知識水平真係低D

咁啦
最後真係過左鐘先到大月站
點知月台見到有職員係度鳩叫
大概估到可能同架景觀特急有關
見到有人跑
我地又跟住跑
拎住張車紙一邊揮動
職員就即刻比我地過晒閘
一邊拖住行李
一邊又要避開月台既人流
結果我一入左車卡
車門就即刻關左
再望下後面
E
人呢
入到車先發現
我地五個人
得三個人上到車
有兩個係月台跟甩左
結果佢地就真係要坐頭先睇左果班普通列車到河口湖
蝕撚晒

因為我原本係book五個人
佢比左張六人大台我地
甜品已經一早擺左係台面

每人跟多杯野飲
成張英式下午茶D臺咁款
原本係好美好
但五缺二又好似有D空洞咁
而且趕頭趕命上車
心情都仲未平復晒

慢慢食完個甜品
車程又去左一半
終於可以好好咁睇下呢卡車
我地大台獨佔隻三隻車窗

兩個毒撚位都幾寬落


不過都無毒撚走過黎坐

上車之後一共收到五張車飛

背面係座位表

我地就坐左12-16既位

車上面有紀念品賣

但唯獨就係無鎖匙扣
最後買左疊postcard諗住上山寄
亦都好彩係度買左
因為最後上到山
郵局原來無postcard賣
真係就只係寄得出呢幾張

每個座位就有個禮物袋可以拎走

入面有兩件蛋糕
我拎左上山用左黎補充體力
都幾實用

杯墊


其他兩人座同四人座


小賣部


觀光火車特有既印台



行行下見到另一架觀光火車

富士登山電車
回程就坐左呢一架走

話明呢架叫做富士山景觀電車
當然唔少得窗外既富士山

服務員姐姐仲好親切咁走過黎指住座山叫我地影
不過入到黎河口湖
基本上你身處何地都可以見到呢座舉世聞名既山架啦

另一架湯馬仕火車


最後就經過富士急遊樂場

黎到河口湖
除左登富士山之外
我最想就係去左玩過山車同鬼屋
但係佢地落山住一晚就會離開河口湖
無辦法一齊去玩
獨撚一個我亦都唔想入去玩
唯有帶住個遺憾走

話咁快就到達總站

結束列車之旅

終於可以影一影個外觀


一號指定席車卡

即係我地頭先坐果卡

另外二同三卡都係自由席


入面就只係普通座位

補番特急錢就可以坐到

呢個站月車都幾多車泊左係度



車頭相

2016年全新登場

終於到達河口湖站

原本想問下睇下兩位坐唔到既可唔可以退番錢
不過職員唔係話唔識就係叫你搵番JR
咁即係無啦

車站入面有好大間手信店
入面有好多紀念品買
其中當然有必買既金剛杖

仲有迷你版
不過經過連日觀察
河口湖車站係仲貴過係五合目買既
所以想買金剛杖既留番出發前係五合目買就得
而且有更多size選擇

河口湖亦有電話可以比你CALL旅館接車

仲有教埋你點打同埋主要旅館既電話

不過車站出面仲有個觀光案內所
入面有職員係可以幫你打埋電話
然後係出面10號巴士站等車
方便過你自己打電話

等齊所有人就終於係河口湖食第一餐
河口湖其實都無咩高分既餐廳
車站對出就只有呢間不動高過3.5分

入面算大
我地七個人都唔係等左好耐就入面
最最最重要既係裡面有得擺行李

咁就唔洗特登去左旅館放低行李先再出黎食飯

話說ほうとう係山梨縣既特色食物
係類似手打烏冬之類既存在
不過天氣實在太熱
我地都每人叫左個冷麵

再加多兩個ほうとうshare
ほうとう真係好熱好大碗
仲要有個專用墊放


如果一個人真係未必食得晒

臨尾走果時見到有人唔記得拎支打狗棍走

不過上面咩印都無
唔知有無上到山呢

續

吉原先岩你wor清

果次第一次毒遊
都仲未熟悉要點玩

食物係高汁既，但鋪頭入面熱到冇心情食，一路燒一路抹汗

佢真係間間餐廳都熱到好似無冷氣咁

朋友 : 我們不是隊友嗎
點解要揼低我哋
樓主三個人食五份甜品Fat fat
有冇幫佢哋打包？

好有心機，G持

唔比打包呀
最後收走左
淨係可以拎個禮物袋走

Thx

留名

忍野八海可以唔洗去勁多大陸旅行團
反而冰穴唔錯，入面勁凍

分享未

想問下其實可以係邊度買到100名城冊？

而家連百水名選都想去埋

同朋友分開左之後佢地有去冰穴
一諗到入面零度都爽YY
如果唔係夜晚有煙花都想去

無去過唔識分享

係amazon買啦
仲有續100名城同歐洲100名城

早晨如果係日本買，要係邊度搵

等得幾日咪 amazon ship 去便利店
唔等得即刻要咪睇下大垣 紀伊國屋

感謝哂

可以去書店搵下
不過上次係甲府睇過唔係好覺眼
而家amazonjp做緊買5本書免運費
可以一戰

建議買日本100名城公式ガイドブック呢本
有本別冊可以拆出黎專for給印
唔洗帶晒成本書去