(慢速更新) 由最北到最東 北海道普通列車之旅

https://youtu.be/wfMuN1dg_K4

一日稚內→新青森

Day 3


美馬牛站落車相信好多人都係去四季彩之丘
之前查咗大約要行半個鐘
但行出車站無幾耐就見到呢個牌


點知行前多少少就見到佢
令人懷疑頭先個牌係租單車檔嘅陰謀


無端端有人係屋企養羊?


由車站行出大路後就見到好多呢D原野風景


有時用中文既角度睇日文漢字會覺得好好笑
例如呢個好似隨時有小朋友飛出黎咁


美馬牛小學校
似乎另一面會靚D


用四種語言寫明唔入得


附近農田個D就係大大隻中文字...


其實我都唔肯定到底呢D係種緊野嘅田
定係純粹用黎裝飾




終於黎到
雖然無乜人好似我咁行過黎
但渣車同旅行團既都唔少


一入門口就係賣野既地方
好難想像生食粟米


我都係食返D普通野...
薯仔好香


入左門口望下右手邊就見到...
係呢D合家歡地方擺檔好有反差


四季彩之丘既兩隻大吉祥物 (?)
呢隻男仔比較近入口 所以比較受歡迎


女仔放係另一邊 附近係團體影相區
所以比較少人走埋去影相


如果唔想行可以搭車
不過呢度佔地其實唔大
純粹行既話10分鐘都行得完


行前少少就有一小片薰衣草田...

(待續)

Lm

一日坐6,7小時已係極限

Day 3

睇花為主 就唔打咁多字啦
(其實係唔知打咩好)


薰衣草
比起其他地方其實唔係好多




幾有氣勢




上空有飛機飛過




水車一路噴水
我估係費事比風吹起太多沙塵?


天氣麻麻但都唔少人


有部分地方都未開花




紀念品店 佔左一大部分都係薰衣草


竟然有熊肉同鹿肉


彩之丘正對面就有呢間烏冬店
好似都係屬於佢地既


求其叫 味道都唔錯
不過唔夠飽


行返車站
試下行另一條路


好似D Wallpaper先會見到的風景


美馬牛小學校 正門
結論係學校出面係影唔到靚相


車站附近既路口
呢個牌好似都有相當歷史


保持得幾好既一個無人小站


日本唔少無人站都有有心人放低呢D記事簿
呢度都唔例外


色彩繽紛可愛型鏟雪車?


搭車繼續往南..

(待續)

好期待道東嗰part連登好似冇乜人出過道東遊記

日本馬肉都有，有咩出奇

其實只係去咗釧路同根室
道東有好多地方都冇去到

我好想去網走，破冰船

Day 3


列車再往南 黎到上富良野站


遇到富良野美瑛慢車號
機車部分今年轉左新顏色


上富良野附近呢個景點無其他咁出名
參觀既人數比起其他少好多


經過一間屋門口擺滿晒呢D公仔..
係咪有咩特別原因? 四季彩之丘附近都有間屋有擺類似既野


應該估到我去緊邊


由車站行過來大約15分鐘
扣左來回既時間只有30分鐘係呢度停留


入口未開始上山已經有薰衣草噴水池歡迎大家


唔知點解無端端有個心


行上山頂既小徑
兩旁都有花做裝飾


由山上望落黎都幾突出


不過呢D都唔係重點
黎到呢度主菜又係薰衣草


有人特登黎影婚紗相
無去八卦 唔知係咩國家既人?


愛之鐘
遊客真係比較少 如果唔係一定排長龍影相


唔同區域生長既速度都唔係好同
不過似乎多數都未開晒


忽然間又見到一個心
呢個地方都係適合情侶黎多D


揀D薰衣草顏色比較靚既地方影相
呢張有D似Windows D Wallpaper


望返上山上就見到唔同區域唔同色


一路講話上山落山
因為呢個薰衣草園係一個斜坡上面
所以望出去可以望到山下既風景


轉左呢個角度
D顏色即刻有D淒涼既感覺


時間緊迫 轉眼又返到車站
似乎呢度附近有溫泉 不過唔係好興旺


車站售票處下午3點已經拉閘收工


頭先見到既慢車號回程了
基本上唔係特登去等佢
只係富良野線班次咁無想像中咁多
好大機會會搭到


2卡自由席 1卡指定席
比起類似既釧路濕原慢車號
呢部比2卡自由席真係搞手只求打個和


車內 其中一邊係望向窗既座位
另外影到好似好通風咁 其實係有玻璃的
應該有得開 但我唔識


另一邊就係卡位
有張枱仔係中間 不過好似無乜用


搭左1個站 6分鐘就落車
所以都無乜參觀過內部仲有無乜特別野

(待續)

唔怪得咁多女鍾意話去富良野美瑛

Day 3 (打極都未完)


雖然北海道有好多木板車站
但我相信呢個係最多人上落既一個


以為一落左車就會見到富田農場
點知仲要行


四語廣播


如果唔係沿路有指示牌
都好大機會蕩失路


去到仲搵左一陣入口
一開頭淨係見到車路入口 無行人路
最後行前多一段路先見到


富田農場對面開左D餐廳同賣蜜瓜既舖頭
唔知係咪有仇


一入到去見到既唔係花
而係賣小食既攤檔
除左切件蜜瓜同蜜瓜雪糕之外仲有呢個蜜瓜包


裡面有蜜瓜醬餡
味道其實就普普通通啦 無乜Surprise


都係返去賞花實際D
不過一日睇得太多好似都已經無咩驚喜


當然唔少得一大片既薰衣草




雖然係暑假旺季
可能因為只係假期前既星期五
而時間又已經四點幾
場內既遊客其實唔算好多
想影相一D困難都無
同一D大城市既景點相差好遠


想帶返屋企既 呢度都有D收割左既薰衣草賣
不過好似唔拎得返香港(?) 所以都係算


呢D化妝品護膚品就買得喇 不過價錢都唔平


唔係所有區域都可以行入去 呢度就係攔起左
可能呢D花比較矮 容易整爛?


另一邊有間屋仔就係做提煉薰衣草精華
離遠已經聞到香味


當然可以將香味買走


蒸餾完之後既殘骸就係咁

待續

Day 3 (仲係富田農場)


隔左一條馬路就係後山
後山最多既依然係薰衣草


眼花未?


由於後山真係山
行上去個view會闊好多
仲會見到火車軌 好彩既例如我仲可以見到火車


越行越上 遊客越來越少
亦都可能因為時間唔早了


後山既另一邊
唔知呢D係咩草 而家睇落好似好柔軟咁


呢邊就有比較多唔同種類同顏色既植物


配埋遠處既山景又係Wallpaper之選


對面就係同富田農場不和既蜜瓜店
唔知係咪咁所以起到個圍欄咁高


落番下面發現連商店都開始收舖
場內D舖頭唔係同一營業時間
所以有部分會早D收


而家先見到呢個打卡熱點
即刻自拍返兩張先


賣蜜瓜雪糕個檔已經收左
又唔想食薰衣草味 唯有買返原味
不過食落無乜特別


連對面蜜瓜舖都收工
時候唔早係時候撤退啦

(待續)

lm

月台都好似女多過男

推

推

一日上野 —> 稚內

既然推左上黎就update下

Day 3 (終於完)


由於唔係所有車都會停薰衣草花田站
所以遲走就要行去比較遠既中富良野站搭車


途中會經過呢度..
又係寫大字呢招


中富良野町營薰衣草園
不過睇落都仲有少少疏落 未去到好盛開


唔想行上山的話可以試下坐吊椅上山
根據官網話可以睇到十勝岳風景
應該同頭先富田農場山上睇到的差唔多


去到車站附近
連路牌都係薰衣草色


渠蓋當然都係薰衣草


中富良野站
雖然係去中富良野地區同富田農場既重要車站
不過都係無人站
反而車站有部分位置做左觀光案內所


吉祥物 - 佢叫Lavender妖精


站名有富良野三個字的都有三個站
第一次黎記得要搞清楚D地理位置
如果唔係搭錯車都幾煩


依然係キハ150 今次係1號車
737D 中富良野18:50→富良野18:59


番到富良野站
富良野站有2 3 4 5號月台 偏偏無1號
而最近車站出入口呢條路軌係無月台
即係點都要行天橋先上到車 唔知點解會咁設計


番Hostel坐左一陣 係時候要食野
基本上夜晚都唔會期望有好多選擇
最後黎左呢間好多旅遊書都有介紹既「唯我獨尊」


成間舖就係一間木屋 (張相係食完佢準備收舖時影)
今次坐上層 要經過條又高又窄既樓梯上落
都真係好有特色


紙皮Menu
最簡單當然係叫最出名既野


奄列香腸咖哩飯
奄列係滑同好食既 不過條自家制香腸就有D鹹
同埋價錢都唔平 大約1500Yen
值唔值就見仁見智


咁夜大部分舖頭都收晒
去Seicomart買完聽日早餐就番Hostel
今次住既Hostel唔係開左好耐
設備都仲好新
樓下有餐廳 觀光案內 仲有手信賣


Reception隔離就係一個Open Area
有D人鍾意坐呢度 不過我唔明 上床坐唔係仲舒服D咩


Day 3 終於打完
Day 4 又係大移動日

(待續)

1500好似貴左少少

無月台因為佢係留置線
富良野駅應該有兩條留置線，1同6番線

用最接近出口條線做留置線好浪費

認得你個名
勁

條腸好頹廢

Day 4


724D キハ150-10
富良野8:12→美瑛8:44
又係搭番同一班車
遲左出門口 差D追唔到
好彩車站職員知道我追車幫我叫住架車等埋我


再一次黎到美瑛
前一日只係去左青池 今日去下美瑛其他景點
一早知道呢日會落雨 所以全部都係D去唔去都無所謂既地方


黎到北海道唔飲奶好似好浪費
飲到一半先發現原來呢盒係500mL
唔怪得飲咁耐都未飲晒


跟住Google Map既路線行 話大約行半個鐘
點知行左15分鐘之後條路變成咁


好彩條路真係行得到唔係掘頭路
行多十幾分鐘一路上斜終於見到呢座三角形


北西之丘展望公園
雖然落緊雨 時間又好早
都仲有少量既遊客係度


呢一帶有個名叫拼布之路
大概應該係D田一格格唔同色拼成一塊布咁既意思


三角形展望台下面都有一個小小花園
(好似又有薰衣草)


你匿係汽水機中間做乜野


觀光案內所 太早所以未開門
睇落附近都無乜特別 就準備走人


之後走緊既時候就見到呢個牌


再望下原來個邊有棵樹


行埋去睇下有乜特別 棵樹真係好高


Ken & Mary之木
因為拍過一個廣告而到今日旅遊書都有介紹


可以做一個比例尺睇下棵樹有幾高
睇完樹就啟程去下一個景點

(待續)