Day 0-1: 前進稚內
我唔係話搭巴士上機唔好
但我係好唔鍾意呢幾個要山長水遠去到中場先搭到巴士既閘口
剛剛睇返之前幾次旅行D相先發現
我好耐無坐過其他航空公司
UO624 HKG-HND
B-LED (A321)
今次派到個走廊位
其實我鍾意窗口多D
不過其實只要唔係中間位都應該心懷感激
雖然我都係訓唔到
穿過窗口位既大叔
影左唯一一張窗外景色
幾年前第一次黎日本都係搭呢班機
基本上個機場都無乜點變
見到雲層中既太陽都算係一個好開始
黎到羽田機場有4個幾鐘既空檔,唯有周圍參觀下
見到好多外國遊客對住售票機一頭霧水
京急個邊有專人協助
Monorail就無咁好服務
閘口基本上得1個站務員 唯有不斷行出行入
國際線去國內線有幾種方法
最簡單都係搭巴士
先去T1解決一個上次去東京買唔到既手信
(上次朝早10點幾已經話賣晒)
咁又係幾好食既
再去返T2 ANA既大本營
唔知係唔係我錯覺
我覺得ANA用個D Terminal好多都新同靚過JAL
自行check in行李
香港好似都推廣緊
再度印證手信未必一定要去到當地先買到
由落機時半睡半醒
到而家終於有胃口食早餐
不過其實都無乜選擇
揀返丸龜呢類連鎖店比較穩陣
食完仲有時間上天台睇飛機
一睇就知係ANA主場
直飛日本最北-稚內
平時每日一班 暑假加到兩班
NH571 HND-WKJ
JA618A (B763)
其實佢之前都飛過國際線黎過香港
班機有唔少長者 應該都係參加旅行團
以為佢暑假轉大機會好多人 其實又唔係好滿
可能因為用外國人優惠價買飛
空姐黎到我呢行識得自動轉台講英文
重要隔一陣主動過黎幫我refill蘋果汁
臨降落前見到稚內市區
得一條橋一眼睇晒的稚內機場
大堂都係一眼睇晒
基本上出閘後行五步已經可以離開個Terminal
離開機場搭巴士唔係直接去酒店
呢部觀光巴士係上次有巴打提起先發現
今次比較熱鬧 有 2 x 2 = 4位日本師奶同行
待續