(慢速更新) 由最北到最東 北海道普通列車之旅

十勝奶好似仲好飲

d 天氣差到呢。

後日出發北海道

Day 4


ぜるぶの丘
一個唔算好出名既景點
可能附近都有其他類似既選擇


地方唔係太大 每隻色既花數量比較少
影出黎可以影到多D顏色
本來想話呢個係彩虹色 但發現D次序唔啱


就係大馬路旁邊 渣車黎非常方便
所以就算天氣唔好都有少量散客


又見到飛機


本來有個展望台
話可以望到隔一個山頭既Ken & Mary樹
不過唔知點解無開


場內另一邊係向日葵園
不過今日呢個天氣...
只能夠睇到呢個四面八方亂指既情況


沿路行返落美瑛站方向
基本上同其他小鎮一樣人影都唔多個


美瑛選果
各大旅遊書都會介紹
好似點都要黎睇下咁


有餐廳 (太早未開門) 同小食店


土產
主要係當地蔬果同米


散步返美瑛車站大約10分鐘
本來預左搭唔到Norokko慢車號所以慢慢行
點知架車又Delay
變成我剛剛望住佢開走趕唔到


結果又搭返同Day 3同一班車
又係キハ183


尋日去過既上富良野薰衣草園


落車
又去多次富田農場

(待續)

Day 4續


尋日經停車場入場
忽略左旁邊都有個入口
玻璃屋係餐廳


又係薰衣草


剛好遇到唔知乜蜂


係北海道唔同地方都見過呢D真空包裝既薯仔
呢D仲已經有調味
唔通係用黎就咁成個食


一場黎到都買返舊蜜瓜食
不過味道實在好普通


天然山水 不過我唔敢飲
亦都唔見有人飲


其實今日唔係為左行富田農場
而係想行佢死對頭蜜瓜店


黃色皮係青肉
反而綠色皮先係赤肉


寫明可以送去香港
主要係因為其他國家多數都唔比生果入境
不過連埋運費都幾貴


當然有散買
早知黎呢邊買一舊赤肉一舊青肉可以試下有咩唔同


唔少得就係雪糕
仲可以買半個蜜瓜再加雪糕
不過應該要幾個人一齊先食得晒


另一邊就有賣各種蜜瓜甜品
有時間可以係出面露天茶座High Tea


小朋友想同大蜜瓜玩遊戲


薰衣草花田站 就係用鐵架搭個台咁簡單


今次搭普通列車 每年只有7月份三連休個幾日會停呢個站
729D キハ150-9
ラベンダー畑 12:32 → 富良野 12:43


應該係呢幾日先會拎到既整理券


沿途風景 其實我都唔記得自己影緊乜


好快又返到富良野站
距離下晝要搭班車 時間大約有個半鐘


停係站內兩列Lavender Express特急既用車
彩虹呢列個外表幾新淨都呃得下人
其實係1992年製造 到而家已經27年


Crystal Express 就比彩虹舊多3年 1989年製造
但可能顏色關係 個外表就殘好多
最後係剛剛9月正式退役


原來富良野係北海道正中心


車站內既麵檔
日本好多車站裡面都有呢D設施
10分鐘解決一餐再搭車


仲有一個鐘 去搵野食先

待續

唔係夕張所以普通？

Day 4 再續


今次睇啱呢間拉麵 評分都OK
後尾睇返原來新千歲機場都有分店
去到發現雖然條街周圍都無人 但呢度都係要等位


味噌拉麵 (加蛋)
雖然事隔三個月我已經唔記得自己食過咩
但印象中都係好食既


Furano Marche市集
本來準備食完去行下買下野 等左陣位搞到有D趕
最後只能快速轉個圈


今次經常見到呢種車厘子
之前黎日本都無乜印象 可能季節關係


薯蓉冬甩? 唔知係咩但好似幾好食
不過已經食飽左

本來想買少少手信
不過三連休星期六既人潮真係唔可以睇少
最後都係宣告撤退


衝返Hostel拎行李搭車
如果走左架車就好麻煩
9631D キハ40-1788
富良野14:19→東鹿越15:04


天氣涼涼地 開少少窗就夠
再開多就好大風


唔知用黎做咩 升高左既一排屋


「釧路方面乘車口」
呢條根室本線以前真係可以一車直到釧路
不過自從幾年前比颱風打斷左
JR北海道亦唔打算整返
唯有就要轉多兩次


火車通車終點: 東鹿越站
附近好似咩都無
唔係鐵路斷左既話應該都係D無人上落既小站


前路就係一堆雜草


東鹿越到新得一段要轉搭巴士
雖然係3個站 但其實相隔都幾遠
車程超過一個鐘


經過幌舞站


其實係電影鐵道員既拍攝場景
借左呢個車站黎做左D改裝
順勢變埋旅遊景點


真正個站名縮埋一角
不過點都好 而家都唔會再有火車到站 站名係咩都無所謂了


去新得呢段路基本上都係山路
唔知幾時開始周圍都好大霧


無端端路邊有一舊野? 影相用?


原來兜左上山上一間Resort停站
不過無人上落


兜兜轉轉終於到新得
我相信如果有火車搭應該會開心好多


新得町120周年紀念

時間有限 加上拎住行李
就無去附近行下喇 入車站準備轉車

待續

個個車站都好爛

Day 4
最後一篇


呢塊牌自從斷線之後右邊個一半就廢左


車站裡面有一間小小既舖頭賣當地特產
呢個架上面好多蕎麥麵


都有一間小小食堂
不過我好懷疑呢個站既乘客人數真係養得起佢?


日劇宣傳品 之後search返先發現係播映當中既晨間劇
故事背景就係北海道十勝一帶 所以有好多宣傳


好簡單既月台顯示板 係北海道呢D小站都幾普遍
上面兩格分別係 新千歲空港‧札幌方面
同 富良野‧滝川方面


2553D キハ40-1766
新得16:35→帯広17:30
唔係太多人搭 但都有2両


我比較想搭呢部


開車後沿途天氣都係咁...


古惑的天橋
樓梯有蓋但上到天橋無蓋係咩玩法


到帶廣唔駛一個鐘
比起之前搭長途車 好似好快就到咁
見到職員換路線牌 原來之後我搭去釧路都係同一部車


帶廣站個設計好特別 大堂中間係一條長通道
結果1 2同3 4號月台係比條通道完全分開既


車站既商場分布係車站既兩邊
黎緊要搭長途車 買定D野食先


睇黎有車站職員D手工藝幾勁


キハ40既世界


臨上車先發現原來頭先既2両編成已經拆開左
得返1輛開去釧路 結果要同人share卡位

2531D キハ40-1755
帯広17:58→釧路21:15


雖然呢班車係長途車
不過多數人都係搭幾個站就落車


好快車上人數就得返個位數


池田站 停車20分鐘
大把時間落車行下 出站吸埋紀念印章都得


池田葡萄酒廠算有名
車站外直情整左個開瓶器做地標


時間差唔多 拎返個飯出黎先
帶廣最出名當然係豚丼


新鮮熱辣 肉片唔會太薄有咬口
其實係車上食都有D尷尬
驚人地聞到太香會打我


十弗站 又叫10$站 因為外型有D似


浦幌站 停車6分鐘
距離係帶廣開車大約個半鐘 已經坐到有D呆滯


搭到天黑都未到


天黑晒之後無野好影
所以直接飛去個幾鐘之後 終於到達釧路
第一個感覺係比我想像中先進
有扶手電梯 有閘機


各方向尾班車都準備開出

唔知幾時開始落雨
跟住就係帶住行李擔住遮係大風大雨之中衝去5分鐘步程既東橫Inn
一片混亂既情境

Day 4完
待續

有晨間劇夏空都帶唔到好多遊客黎

隔咗一個月追得返更新
期待後半段旅程

LM

lm

Day 5


朝早食完東橫Inn簡單既早餐就出發去車站
釧路東橫Inn算係少有有shuttle bus既分店
直接送到車站門口


車站貼滿花咲線既Poster


2 3月台同4 5月台中間有一度門
搞到度門後面好似另一個神秘世界咁
連設備都差D
4 5月台係無扶手電梯


5627D キハ54-521
8:18釧路→9:11厚岸


今日呢班車因為假期加到2両編成
咁啱兩部車都有特別圖案
前面呢部522就係動畫魯邦三世
因為作者係道東出世 所以特別合作左呢部彩繪車


車內唔知點解換左新特急型座位


後面呢部就係花咲線設計


座位就只係換左個皮


離開市區忽然見到有一排太陽能板
北海道咁大地方都幾適合


無幾耐就進入荒郊野外
連電話都收唔到


臨到站終於離開叢林見到海


係去根室之前先係中途停一停先


剛才搭既521 原來另一邊係紅色


厚岸最出名就係蠔
連甜品手信都要做返呢個樣


第一個目標就係魚協直賣店
但好似同平時唔係好同咁既


原來又係趁假期有特別活動
仲有燒蠔放題 不過好似無人幫襯


鐵砲汁 100 Yen
放左好多件蟹腳 雖然全部得殼 但好鮮味


店鋪內部有賣新鮮水產, 冷凍貨同乾貨
見人地D遊記都無咁熱鬧
相信今日係有活動先咁多人


經常見到呢D包裝既海產寫住生食用我都好懷疑
真係可以生食?


要食梗係食新鮮既
揀好之後先拎單比錢
之後就可以成碟拎去座位區處理


座位區旁邊有提供微波爐, 保鮮紙, 開蠔刀
食後感係證明只要新鮮既海產
就算就咁叮熟都好好食

待續

新鮮蠔都要叮叮

It's a good bet that the yen will continue falling over the next four weeks so you may as well vacation in Japan at Christmas. I enjoy visiting the annual winter carnival on Christmas eve where I go on the thrill rides and eat sushi soaking up the nice christmassy atmosphere. The sun has been dazzlingly bright the whole week so you might just as well have a good long soak in an outdoor onsen soaking up the sun. In fact I've just got out of an onsen and am towelling off♨️♨️

回想第一次去釧路
見到一個城市咁鄉下真係好大衝激

早幾日去完根室，好享受果種天黑之後四野無人嘅寧靜

放低左一排係時候繼續update

Day 5 續


上次講到去到掛滿彩旗既厚岸魚協食左新鮮蠔同蟹味噌湯


離開魚協 經過火車軌
唔講仲以為係已經荒廢


行上山上呢個道の駅


少不免要影下大頭相


地下有小食店同賣手信
結果發現手信店裡面有唔少奇怪手信
例如呢個牡蠣Rusk (乾麵包)
到底係形狀似定味道似


燒牡蠣風既糖...


2樓係餐廳 有燒烤 西餐 日式
當然唔少得就係蠔, 蠔同蠔


唔... 滿座要等45分鐘


有團體預約


算 反正唔係好餓 出去睇下風景好過


厚岸大橋
連接厚岸湖缺口既兩邊


呢個道の駅唔止係一般休息站
仲有唔少人係特登黎參觀


係日本間唔中就會出現一D莫名其妙既英文...


原來有捷徑可以橫跨路軌直接返火車站
樓梯旁邊有一條斜坡方便可以推單車上落


氏家待合所 根室本線上都幾出名既駅弁
提早預約可以係月台上取貨
本來諗住睇下有咩食 點知一入到去店員就同我講20分
雖然我聽唔明其他 但就快要搭車走 所以都係放棄


車站裡面既國泰寺木碑 應該都有D歷史故事
不過我就無深究了


3629D 快速ノサップ キハ54-514
厚岸11:59→根室13:22
回歸平常只有1節車廂 都仲有少量空位
有一班外國人係途中某個站(唔記得邊個)落左車
好好奇佢地去邊


無乜趣味既窗外風景


睇到海既時間只係少數


無驚無險到達根室
大家落車第一時間都係不斷影相
無他既, 難得黎一次


日本最東端之街
呢個牌應該有D歷史


溫度18度睇落好似無乜特別
但我去旅行既日期係7月中


日本最東端有人の駅
講到咁複雜 因為爭少少佢唔係最東端車站
唯有隔硬搵返個銜頭


好似北海道有好多車站個外觀都好類似
頭先既厚岸站都差不多


去納沙布岬既巴士係按照火車到站時間
所以落火車一出站巴士就會standby
係時候喇喇林買飛上車

待續

厚岸餐廳都滿座

期待繼續更新

差啲就要祝樓豬全家生癌不得好死
好彩無爛尾
加速
遊記好睇啲相好靚

Day 5 續


基本上好多由火車落黎既乘客都上左呢班巴士
始終根室最出名既都係日本最東呢個頭銜


經過45分鐘車程終於黎到納沙布岬
同宗谷岬周圍都係最北乜乜唔同
呢度周圍都只係提住北方領土


北方領土資料館當然要比大家抒發下對北方領土既訴求


我實在唔係好記得點解會有呢兩隻模型
可能係介紹北方四島既生態?


呢度都有俄文


海邊有一個突出黎既平台
呢度應該係最東點啦?


連呢條柱都掛住北方領土


當然周圍唔少得大大小小既標語


仲有好多青蛙


穿過停車場既另一邊有另一個突出黎既地方
原來係燈塔
後來發現呢邊先係最東


正當行近呢個燈塔想影相之際
原來後面仲有乾坤


原來燈塔後面仲有一間觀鳥用既小屋


又真係有鳥飛過


望向頭先個平台
最東點係邊點 可能都無人關心
最重要都係北方領土


好啦 原來仲有人記得呢度係本土最東端


行左入附近一間手信鋪
可能季節關係
今次去北海道好似周圍都見到昆布


竟然呢度都有鐵路紀念品賣


連吉祥物都係同北方領土有關


而家查返先知道呢座叫做四島のかけ橋
顧名思義我估係象徵日本同四島既連結之類既意思?


下面仲有個火
可能Keep住團火 真係有一日可以拎得返


呢個電話亭係少有同北方領土無關既建築
反而唔知點解係流冰


時間關係 其實仲可以行耐少少去睇下D展覽
不過搭遲一班車就好遲 所以都係要上車離開


除左搭巴士之外其實仲有觀光團
不過要參加第一團去納沙布岬既話
一係要住一晚根室 一係要搭最早5點幾既JR由釧路出發

待續

人多過稚內咁多