(慢速更新) 由最北到最東 北海道普通列車之旅

睇下巴打既遊記真係可以舒緩心情

下星期去坐臨時特急[二世古]由札幌經由山線落函館，坐普通車應該要一日

其實坐內陸機計埋出入機場都要3個幾鐘
坐super北斗其實差唔多

https://www.jrhokkaido.co.jp/CM/Info/press/pdf/20190712_KO_niseko.pdf

唔係super 北斗，係行函館本線，要5個半鐘

係北海道睇緊你呢個遊記

都係差個半鐘姐山線真係幾正

行得好慢

旭川除左動物園仲有乜

Day 2
途中下車之旭川


今日目的地係富良野
本來可以接駁到前一班車 8點前去到
但去到應該好多食肆都收晒 倒不如係旭川食左野先


旭川市既吉祥物
雖然拉麵係出名
但整D麵係對手上面真係好咩...


旭川車站附近出名既拉麵店都唔少
其中山頭火、梅光軒都有唔少分店
咁就諗住試下呢間少見D既青葉
點知.. Closed


最後都係返黎山頭火排隊


非常國際化
日文、英文、殘體對照


黎到旭川都係叫返醬油拉麵
不過坐係counter位
聽到叫鹽味同醬油既大約係50/50左右
味道黎講.. 好老實我已經唔記得


旭川市街道分佈好四正
諗起京都都係差唔多咁既樣


食完麵已經七點
好多鋪頭都已經收工
所以想行街都無得行


平時好少食羊肉
之前都有諗過去試成吉思汗
可能要留返下次


有個女仔係酒吧門口唱歌


既然街無咩可以行 最好都係去行AEON
不過呢度隨時係我聽得最多廣東話同普通話既地方之一
我懷疑AEON裡面有一半都係遊客
買左少少零食就走 排隊比錢都排長龍


好大張banner
JR北係富良野觀光呢方面都放好多資源
又開晒特別列車


旭山動物園對於旭川黎講真係算好有代表性


行到差唔多時間係時候搭車
見到2輛編成仲以為可以坐得舒服D


741D キハ150-2
旭川20:38→富良野21:46
就算係總站都淨係開前面第一道門


呢張相係落左一半人之後先影
全車都係學生 佢地D袋又好多都鬼死咁大
基本上唔好講話有位坐
要搵個位比我同個gip好好地企都唔容易


仲要冷氣唔涼...


富良野線 全線除左起點同終點之外
就得兩個站係有人站


經過1個鐘終於到達富良野站
其實呢D學生都幾慘
每日搭1個鐘火車返/放學
Miss左一班車又有排等


車站職員已經收工
所以落車時司機已經查票


用係Hostel個lounge食啫喱作為Day 2既總結
Day 3係瘋狂賞花日

Day 2 完
待續

love the penultimate and the third from last photos. I've commissioned an artist to paint a watercolour painting of each of them. I've just got out of an onsen and am towelling off. There's a pageant of which the final round will take place next month in hokkaido. Aiko seems very likely to enter the final round I would think.

12月就出發去助養因鐵，好期待

12月好似冇入場卷買了

lm

Day 3


介紹返今次富良野呢間Hostel Tomar
因為附近無乜平酒店選擇
所以都係揀返Hostel
不過環境算係幾好
離車站亦唔遠


行去車站期間見到呢間Mini神社
用埋自動售賣機賣繪馬同御守
真係唔放過搵錢既機會


富良野站
一個典型既小站
站內仲有一個小小既烏冬檔


車站前面都擺左兩盆薰衣草做裝飾
配合返主題


剛剛有列車到站
落車既大部分都係學生


樓梯都有裝飾
但呢個風景好似距離呢度都有幾個車站咁遠...


726D キハ150-1, キハ150-7
富良野8:12→美瑛8:44


遲左少少起身
唯有係車上開餐


富良野站係根室本線同富良野線交會點
所以站內都有好多軌道


開車無幾耐就進入富良野線單線路段


遠望富田農場
一陣會返黎


好快就到美瑛站
今日第一個景點.. 仲要轉車


兩邊月台唔係正對面而係打斜既


呢個車站建築好有歐洲小鎮feel
利申未去過歐洲


如果唔想好似我咁等巴士同埋行行行
可以join 半日觀光團 就係呢度有得報名
裡面當然都有手信賣


一見到呢座就令我諗起小樽運河旁邊既建築物
結果佢原來係道の駅
係市區中心既道の駅都比較少見 (好似係)


歡迎打卡


呢度好多屋上面都有一個年份
但睇落佢地既樓齡真係唔似
到底呢個年份到底係咩意思?


巴士唔係站前停車場上車 要行返出大路
都算準時到站
等巴士既人比我想像中多
好彩上到車車尾仲有位坐


當日係7月 3連休前一日既星期五
撞正假日的話真係可能上唔倒車


車窗風景
其實同尋日搭火車都有D相似


到落車時就有D麻煩
因為要逐個逐個比錢
有D遊客無拎整理券 有D無散紙要唱
搞左好幾分鐘先落到車
但我要坐35分鐘之後班車返落山


我好似無講我去邊
不過都好容易估

(待續)

美瑛都諗緊join 半日團定自己坐巴士好

富良野都咁歐式,以為小樽先有

如果暑假去的話join巴士團應該都係為左去四季彩之丘
唔join就只可以行半個鐘過去
唔係個個接收到

唔係個個接受到

點解不推文要限1分鐘一次

Day 3
白金青い池


只可以單向行走 大部分人都好聽話
其實唔同角度望埋去好似都無乜分別
所以都無必要行返轉頭再睇


天氣唔好令到睇落無想像中咁靚


有倒影先影到比較明顯既藍綠色


Zoom近D睇 其實有D似個D比化學品污染既河


青池既盡頭
高過旁邊條河 水係唔會流出去


起緊個觀景台
但係呢個位望青池好似會有樹擋住
唔知係用黎睇咩


話晒都係一個著名景點
人潮當然唔少得


現場有賣青池特別版青色雪糕
剛剛放大張相發現係波子汽水味


由於時間有限 無行小賣部就出左去等車返美瑛站
原本個站似乎唔係呢度 唔知點解變左臨時站


回程車窗 菜田


汲取之前教訓 今次揀左車頭位坐
好順利第一個落到車


車站前有人賣雞蛋糕
不過趕時間 唔係都可以買D試下


富良野線平時1-2小時一班
暑假期間雖然有加班 不過都要睇準時間做人


9451D ふらの・びえい号
キハ183-1501
美瑛11:00→美馬牛11:09


呢部富良野美瑛號係用黎輔助Norokko慢車號
不過特色欠奉所以乘客都唔係太多
用既係キハ183舊特急車輛 不過只收普通票價


沿途風景1
美瑛川個告示牌咁熟口面


放大
乜咁似JR北D站名牌


沿途風景2
唔同顏色植物砌埋圖案都係美瑛風景特色


美馬牛到達
本來車站係無人站
不過可能因為暑假 請左個保安
防止亂過鐵路


雖然出口同候車室係旭川方向月台


不過好多人都係富良野方向月台直接行出去後面出站
要去四季彩之丘都係行後路近D

(待續)

Push

日本都有雞蛋仔

其實唔係雞蛋仔
應該係蛋糕仔

坐完5粒鐘山線特急二世古落函館，中途站有得落車幾分鐘買下野食

過左長萬部要待避好多車，慢過super 北斗成粒鐘，不過都算係體驗下北海道的大面積

單線無辦法
好似加班北斗都要兜路行砂原線
不過你班車仲慢過遲一班由長万部開嘅S北斗就慘D

試埋SOYA先喇