93 Like
36 Dislike
有心無默
2017-03-20 06:39:49
「Fiona?」我聽完好意外,再望向老陶,「點解你會同佢一齊?」
「我只係好好彩俾佢哋救咗先。」老陶無辜咁講,「之後當然係幫手救Kathy佢哋……」
雖然落機嗰刻已經覺得Fiona唔喺機入面,
但嗰陣都係估佢係去咗搵病毒,點諗到佢會係羽姬佢哋嘅救星?
「Fiona救完我之後即刻幫我打咗枝針,幾秒之後我終於郁得返。
但旁邊班無臉人馬上就注意到有唔妥,即刻衝上嚟想殺死我哋……
本來真係以為走唔甩,直到我……」羽姬垂低頭望向手槍,「……
開咗一槍,佢哋就即刻企哂喺度,之後仲開始撤退。但並唔係因為驚,而係有其他原因……」
講到呢度,羽姬突然將目光放到我身後。我即刻轉身,
見到有三個人喺遠處行緊過嚟……阿琪、Lincoln同埋Fiona。
「太好喇。」阿琪見到我即刻感觸起嚟,「我哋五個總算可以聚集返……」
羽姬見到其他人之後就冇再交代落去。我並冇急於追問,
反正仲有其他疑問可以等其他人解答:
「我到底同你哋失散咗幾耐?」
「已經八個鐘。」回答我嘅係Lincoln。「呢段期間真係發生咗好多事……」
「見我哋出哂事,我諗飛機裡面班人應該都冇出到嚟喇?」
「嗯……」羽姬點了點頭,「Fiona,既然Rex已經返到嚟,
老陶嘅狀況又已經好返少少,咁我哋而家應該點做?」
「當然係返去飛機裡面。」Fiona回應,「因為我哋已經搵到病毒。」
見到Fiona望住我,有一刻仲以為佢已經知道我成為咗「啟示病毒」嘅載體。
但我錯了……繼續聽佢講落去,先意識到事實好似係另一回事。
「阿琪佢……」Fiona繼續講落去。
「……將會係我哋解開詛咒嘅關鍵。」
周子瑜_쯔위
2017-03-20 08:23:01
Katie
Alcantara
2017-03-20 08:27:18
有文呀
一路順鋒
2017-03-20 19:27:46
依個係咪無默媽出道以黎最少正評反應最差既一個故
HomeLess
2017-03-20 19:48:43
HomeLess
2017-03-20 19:50:23
依個係咪無默媽出道以黎最少正評反應最差既一個故
應該係太耐先有文
瑞士汁男
2017-03-21 11:55:29
依個係咪無默媽出道以黎最少正評反應最差既一個故
應該係太耐先有文
其實個人覺得好睇過西營盤
如果出快啲應該同其他兩個絕故差唔多
Lemontree
2017-03-21 12:47:40
周子瑜_쯔위
2017-03-21 13:21:08
其實無默媽你係絕1已經諗晒個大方向同世界觀?
民建聯好假既肥仔
2017-03-23 00:31:38
有心無默
2017-03-23 03:24:10
「咩話?」我聽完當然係好驚訝。「你哋已經搵到病毒?」
「冇錯,我哋仲搵到藥幫去佢。」Fiona望向老陶。
唔通,阿琪同我一樣都成為咗病毒載體?但如果係咁嘅話,
係咪代表病毒並唔只一個?佢哋係唔係同我一樣都遇到文啟猶?
「你哋快啲過去幫佢打枝止痛針,跟住我哋就要即刻出發。」Fiona繼續講落去,
「雖然而家睇落好似好安全,但難保隻『嘢』會再次出現。」
Lincoln一聽完,即刻拎住手上面袋藥走到老陶面前,喺裡面抽出一枝針。
「等我過去幫手先。」有救護知識嘅羽姬都即刻過去幫手。
「隻『嘢』……即係咩?」我問Fiona。
根據佢哋嘅神情判斷,應該係比無臉人更加恐怖……
我腦海裡面第一個閃起嘅念頭係一隻類似異形咁嘅怪物。
「Rex,我哋邊行邊解釋喇。」Fiona回答,
「有機會嘅話,我都想聽下你出到去之後遇到啲咩。」
等到羽姬幫完老陶打針之後,我哋就立即開始行動。
因為老陶身型比較大份嘅關係,所以我都幫Lincoln手一齊扶起佢。
「辛苦哂你哋喇……」老陶感激咁講。
「唔洗講咁多,唔係你我哋一早已經冇命。」Lincoln認真咁講。
行咗一小段路後,我已經急不及待開口追問落去:「所以呢,搵到病毒係乜嘢一回事?」
「我諗頭先Kathy應該有同你交代咗一部份?」Fiona反問,「你哋講到去邊度?」
「講到你哋喺行李交流區俾班無臉人包圍,最後因為羽……
Kathy開槍所以所以班人撤退……」我諗返起頭先揸車嚟嘅時候見到嘅大規模撤離情景。
「正確嚟講佢哋走嘅主要原因唔係因為槍聲,
而係槍聲會吸引到喺度守護住病毒嘅某種邪惡生物。」
有心無默
2017-03-23 03:24:46
雖然Fiona係用呢個名詞,但由我角度聽返嚟就即係等於怪物……
呢刻我聽完其實一啲驚訝都冇,既然呢度係無臉人嘅世界,
就算再有其他更怪異嘅生物都唔應該覺得稀奇。
「嗰隻嘢好快就出現喺我哋面前,就算用槍都解決到佢。
所以只可以走……走到中途我哋去到一個分叉路,阿琪佢突然有個諗法。」
「我覺得我哋應該返轉頭。」阿琪接著講,
「因為分流區到有部機,
我嘅直覺覺得嗰部機裡面係有我哋需要嘅嘢。」
相信直覺──呢個係當時「矛盾」所同佢講嘅嘢。
「最後,由我嘅同伴一個去引走隻嘢。」Fiona繼續講,
「我哋就搵另一個通道返轉頭。終於去到嗰部機面前,
喺裡面發現到一個銀色盒……正正就係裝住『啟示病毒』嘅盒。」
聽到呢度我即刻望一望Fiona,感覺佢呢套裝束係冇可能裝到一個盒子,
其他人都唔似係拎住。唔通係佢嘅同伴拎走咗?咁就解釋到點解佢唔喺度……
而佢嘅同伴,係咪就係之前飛機廣播嗰個男人?
「但我哋冇任何喘息機會,因為下一刻隻怪物就返轉頭。
因為係需要破解機關先可以拎走個盒,所以老陶為我哋爭取時間……」
「結果就搞成而家咁……」老陶強擠出一個微笑。
「最後又係靠阿琪,靠佢先可以成功拎走個盒。」
阿琪聽到呢度臉色沉咗一沉,睇嚟過程並唔係Fiona所講咁輕描淡寫。Lincoln應該都知道發生咩事,因為佢都係一樣望住阿琪,一臉擔心。
「……亦係佢令我哋知道得個盒係唔夠,要打開個盒仲需要一條鎖匙……
條鎖匙仲曾經同我哋擦身而過,所以而家要返去嗰度搵返。」
呢度開始就同文啟猶所講嘅嘢吻合了。但我始終都係唔明……
咁係咪即係病毒真係有多於一個?定其實我喺的士所見到同聽到嘅嘢都係假?
只係有佢想誤導我令我產生混亂?
講到呢度,其實我哋已經行到去閘口……已經可以見到飛機就喺外面。
或者,我唔應該再諗咁多,只要返到去「桃園機場」搵到條鎖匙,所有嘢都會有定斷。
「咁而家個病毒喺邊度?」踏上空橋,我趁返去之前問清楚,「你哋頭先又點解會喺旅客登記區?」
有心無默
2017-03-23 03:25:07
但就喺下一瞬間,走喺前面嘅Fiona停低咗腳步,阿琪同埋羽姬都係一樣。
因為佢哋都注意到一樣嘢……正確嚟講係一個人,
呢刻軒少佢瞓咗喺艙門前面,臉朝向地,認得出主要係因為佢嘅髮型同外套。
「軒少!」見狀,阿琪下意識衝上去。
「唔好呀!」Lincoln好大反應想叫停佢。
但太遲了,因為下一瞬間,就有個身影喺艙門後面閃出嚟。
而阿琪因為Lincoln嘅大嗌擰返轉頭望,反而製造咗機會俾呢個人從後偷襲佢……
……係阿響。唯一慶幸嘅係,佢冇殺死阿琪,只係捉住咗佢。
隨即,軒少慢慢企返起身……
「得手喇……」阿響同佢講,「估唔到會咁順利。」
(待續)
Forever_Once
2017-03-23 03:26:28
有文
唔L記得咗
2017-03-23 09:58:40
嗰隻嘢好快就出現喺我哋面前,就算用槍都解決到佢。
係 就算用槍都解決唔到佢?
亂咁尼
2017-03-24 12:33:34
lm
live 左
黑椒牛丸河
2017-03-25 10:32:45
種伏
2017-03-25 21:12:31
故呢
HomeLess
2017-03-26 22:22:39