騎行里數︰90 km
晚霞
又回到最初的起點
第三次踩上關渡防潮堤
洲美橋
踩到呢度發覺有條河濱自行車道可以去士林，咁一於試下，還掂西門町都係士林方向。
隨手亂影，估唔到效果幾好，利申唔識影相。
踩踩下條自行車道發覺冇出口上翻路面，兜嚟兜去都喺河邊，一係就抬成百級樓梯上翻馬路，唯有問下人可以點上去。見到有個嬸嬸，佢就教我行前少少有車路可以上翻路面，所以有咩問題真係唔好怕問，台灣人會好樂意幫你。
踩多幾百米見到嬸嬸講嗰條路，終於上翻路面。
入到台北市中心你前後左右都係機車，不過踩咗咁多日已經冇乜感覺
。
踩到一個路口發覺冇嗱嗱入咗一條上高速嘅線，由見到標示到上高速路口得幾十米距離，就咁我就中咗伏
，有車牌都知急剎會仲危險，唯有慢慢碌入路肩等冇車再cut出去，但係繁忙時間基本上冇可能等到冇車，好彩有部私家車幫我單檔等我出翻唔係上高速條線，為咗答謝俾個5佢，但係唔知台灣司機明唔明。8點半左右到民宿，340蚊兩晚，有雪櫃電視加獨立洗衣機，仲要行幾分鐘就係西門町，不過衛生真係好差，隻茶杯係冇洗過，同埋有香薰都冚唔到間房有浸異味，部電視都係壞，不過見佢有洗衣機就算啦。
西門町食嘢幾貴下，見有間算正常嘅牛肉麵就狗衝。
行好耐搵到間40蚊台幣嘅豆腐花
食完就買啲宵夜翻民宿食，pm老細諗住問下佢部電視有冇得搞，但係到我check out嗰日佢都冇覆我，後尾睇翻啲comment一律都係衛生差同老闆唔會覆機
。冇電視睇唯有嘆住啤酒睇youtube成個trip唯一一次整親嘅地方就係徒手開啤酒
，永遠買完枝裝先醒起冇開瓶器𠝹開咗忽肉
。
。
。跟住鳥哥又問下香港啲嘢，本來諗住佢住台北又自己做老細應該係嗰啲想穩定生活嘅人，點知佢都好支持香港，都好理解我地唔係暴徒
。傾咗半粒鐘左右就走人，臨走前舉起部車影幅相先走，好似係招牌動作嚟
。
。基本上每日都會感受到台灣人嘅熱情，以前可能香港人都係西口西面，但係經過呢幾個月發覺原來香港人都好高汁
，我係香港人呀hi
。我覺得一條友環島可以主動啲去識當地人，一班人嘅話恐怕會變咗圍爐，當然各有各玩法啦。最辛苦嘅話我諗係頭幾日，始終未踩過長途車，但係當你身體慢慢適應到你就會開始享受
