[多圖多字]台灣單車環島-水浸嘅25公里
檸茶走檸
239 回覆
27 Like
3 Dislike
有啲嘢係要趁後生做
Day16 台東-玉里
騎行里數︰88 km
今日7點半就起身，因為去玉里都有啲距離，執好曬嘢8點出發，見到隔離街有間早餐鋪，順路入去食個早餐。
25蚊台幣，台東物價都幾低。
食飽就上路，萬里無雲。
轉入台9線，今日90%時間都會踩台9線，望落係平路實質係暗斜嚟
。
踩咗陣見到有個牌寫住轉右往卑南遺址公園，就好奇入去睇下。本身以為係戰後遺址，點知原來係原住民遺址。
8點9去到仲未開門，有個清潔嬸嬸見到我就問我係咪環島之類嘅問題，一聽到係香港人一條友嚟都係呢個反應-->
，呢十幾日基本上日日都係咁，所以都慣咗
。跟住佢就好熱心咁介紹公園有咩地方好睇，講咗陣佢就繼續做嘢我就跟佢介紹個路線參觀。
嬸嬸話佢喺度生仔
入口
入咗森林咁款
原住民嘅屋
好似係學打獵嘅地方
出翻台9線，踩極都係10 km/hr左右，以為自己爆胎，落車check一check又冇問題，於是上網check下坡度。
怪唔之得
好似平路嘅長命斜
一路都見到好多車友，有一大班人，又有單拖嘅，入一間7仔休息嘅時候見到一個單拖嘅車友，就行去r水吹，呢位車友叫阿堂，大陸嚟嘅，吹咗陣水就約定喺下一間7仔一齊食lunch。
終於到頂啦
跟住就一路衝落鹿野
乾曬嘅河
可惜時間唔啱，睇唔到熱汽球。
呢段台9線又名花東縱谷公路，名符其實就係喺縱谷入面嘅公路，可惜兩邊田地已經收割曬，唔係仲靚。
今日都成36度，所以有樹陰就停一停飲水，
喺呢度休息嘅時候見到一隊車隊經過，有部私家車吊住佢地尾，一來幫佢地運行李，二來確保佢地安全，咁樣算唔算豪華環島。
有冇發覺我影親相嘅地方都有樹陰
前面條橋個斜係咩事
過咗橋之後就到7仔，阿堂一早已經到咗。雖然佢都係踩mb，但係佢快我好多。求其食個雞扒飯就繼續上路，喺我極力推介之下佢決定同我一齊去伯朗大道，佢唔識去所以我帶路，但係佢跟到貼一貼你都咪話唔大壓力。
台9線同南橫公路交界處，過咗呢條橋就到伯朗大道。
收割曬了
招牌相
佢好中意影田
因為佢要去瑞穗，仲有好大段路，所以交換完line佢就行先。
金城武樹
影完一輪就繼續上路，去到下一間7仔撞到今朝撞到嘅豪華環島團，於是又去r水吹，除咗帶隊嘅幾個大人外，最大嘅都係讀緊初中，諗翻起自己十幾歲嗰陣都唔知做緊乜，雖則佢地啲行李有車幫手載，但係真心已經好勁
，真心好佩服佢地。
7仔外望
3點嘅時候仲有24公里
對面就係玉長公路，原本有諗過經呢條路出台11線，咁就又睇到山又睇到水，但係最後都係放棄，嚟環多次島好過。
農產品展示中心
好似ufo落嚟咁
影緊相嘅時候求先班細路都追到嚟，大家一齊休息，佢地係咁隊嘢食同舒跑俾我，又問元朗721發生咩事，有機會當然盡情宣傳，好好彩嘅係班細路都識講一國兩制信唔過，台灣都仲有希望
。既然咁啱key梗係要合照留念，之後繼續上路，我踩到上30 km/hr都追唔到佢地
，明明大家都係mb。踩多陣喺燈位追到，佢地目的地都係玉里，問我一唔一齊踩玉長自行車道去，如果唔係佢地我都唔知有條咁嘅路，呢條都係少數算靚嘅單車徑。
單車徑外望
又俾佢地放星星
好難得可以超速
就到玉里嗰陣開始落雨
於是搵個涼亭避雨，換拖鞋著雨褸，仲有1公里就到先搞啲咁嘅嘢，最後成身濕曬咁到民宿。翻到民宿問下阿堂一唔一齊住，因為啲雨都幾大下，要踩去瑞穗都有啲麻煩，不過佢已經過咗玉里，唯有頂硬上。今晚盛惠150蚊，民宿佈置到好古色古香，成間屋得我一個都咪話唔驚，相聽日補翻。
沖完涼又要去搵食，嚟玉里梗係要食玉里麵啦。
幾好咬口
食完又係周圍亂行嘅時候，不過玉里好細冇乜嘢行。
整翻杯蜂蜜檸檬下火，不過都幾難飲。
跟住去超市買蕉同宵夜翻去食。
咁樣睇電視你試過未
今晚都係早訓，因為聽日要踩90公里去花蓮。
騎行里數︰88 km
今日7點半就起身，因為去玉里都有啲距離，執好曬嘢8點出發，見到隔離街有間早餐鋪，順路入去食個早餐。
25蚊台幣，台東物價都幾低。
食飽就上路，萬里無雲。
轉入台9線，今日90%時間都會踩台9線，望落係平路實質係暗斜嚟
。踩咗陣見到有個牌寫住轉右往卑南遺址公園，就好奇入去睇下。本身以為係戰後遺址，點知原來係原住民遺址。
8點9去到仲未開門，有個清潔嬸嬸見到我就問我係咪環島之類嘅問題，一聽到係香港人一條友嚟都係呢個反應-->
，呢十幾日基本上日日都係咁，所以都慣咗。跟住佢就好熱心咁介紹公園有咩地方好睇，講咗陣佢就繼續做嘢我就跟佢介紹個路線參觀。嬸嬸話佢喺度生仔
入口
入咗森林咁款
原住民嘅屋
好似係學打獵嘅地方
出翻台9線，踩極都係10 km/hr左右，以為自己爆胎，落車check一check又冇問題，於是上網check下坡度。
怪唔之得
好似平路嘅長命斜
一路都見到好多車友，有一大班人，又有單拖嘅，入一間7仔休息嘅時候見到一個單拖嘅車友，就行去r水吹，呢位車友叫阿堂，大陸嚟嘅，吹咗陣水就約定喺下一間7仔一齊食lunch。
終於到頂啦
跟住就一路衝落鹿野
乾曬嘅河
可惜時間唔啱，睇唔到熱汽球。
呢段台9線又名花東縱谷公路，名符其實就係喺縱谷入面嘅公路，可惜兩邊田地已經收割曬，唔係仲靚。
今日都成36度，所以有樹陰就停一停飲水，
喺呢度休息嘅時候見到一隊車隊經過，有部私家車吊住佢地尾，一來幫佢地運行李，二來確保佢地安全，咁樣算唔算豪華環島
。有冇發覺我影親相嘅地方都有樹陰
前面條橋個斜係咩事
過咗橋之後就到7仔，阿堂一早已經到咗。雖然佢都係踩mb，但係佢快我好多
。求其食個雞扒飯就繼續上路，喺我極力推介之下佢決定同我一齊去伯朗大道，佢唔識去所以我帶路，但係佢跟到貼一貼你都咪話唔大壓力。台9線同南橫公路交界處，過咗呢條橋就到伯朗大道。
收割曬了
招牌相
佢好中意影田
因為佢要去瑞穗，仲有好大段路，所以交換完line佢就行先。
金城武樹
影完一輪就繼續上路，去到下一間7仔撞到今朝撞到嘅豪華環島團，於是又去r水吹，除咗帶隊嘅幾個大人外，最大嘅都係讀緊初中
，諗翻起自己十幾歲嗰陣都唔知做緊乜，雖則佢地啲行李有車幫手載，但係真心已經好勁，真心好佩服佢地。7仔外望
3點嘅時候仲有24公里
對面就係玉長公路，原本有諗過經呢條路出台11線，咁就又睇到山又睇到水
，但係最後都係放棄，嚟環多次島好過。農產品展示中心
好似ufo落嚟咁
影緊相嘅時候求先班細路都追到嚟，大家一齊休息，佢地係咁隊嘢食同舒跑俾我
，又問元朗721發生咩事，有機會當然盡情宣傳，好好彩嘅係班細路都識講一國兩制信唔過，台灣都仲有希望。既然咁啱key梗係要合照留念，之後繼續上路，我踩到上30 km/hr都追唔到佢地，明明大家都係mb。踩多陣喺燈位追到，佢地目的地都係玉里，問我一唔一齊踩玉長自行車道去，如果唔係佢地我都唔知有條咁嘅路，呢條都係少數算靚嘅單車徑。單車徑外望
又俾佢地放星星
好難得可以超速
就到玉里嗰陣開始落雨
於是搵個涼亭避雨，換拖鞋著雨褸，仲有1公里就到先搞啲咁嘅嘢
，最後成身濕曬咁到民宿。翻到民宿問下阿堂一唔一齊住，因為啲雨都幾大下，要踩去瑞穗都有啲麻煩，不過佢已經過咗玉里，唯有頂硬上。今晚盛惠150蚊，民宿佈置到好古色古香，成間屋得我一個都咪話唔驚，相聽日補翻。沖完涼又要去搵食，嚟玉里梗係要食玉里麵啦
。幾好咬口
食完又係周圍亂行嘅時候
，不過玉里好細冇乜嘢行。整翻杯蜂蜜檸檬下火，不過都幾難飲。
跟住去超市買蕉同宵夜翻去食。
咁樣睇電視你試過未
今晚都係早訓，因為聽日要踩90公里去花蓮。
打完文就繼續上twitter，大家都快啲開account
Day17 玉里-花蓮
騎行里數︰90 km
今朝大約8點半左右就出發，出發前影一影間民宿，因為睇得出老闆好用心佈置。
好古宅feel嘅房
波子機，不過唔知點樣開嚟玩。
老闆仲有兩部單車可以借俾住客踩
老闆娘整嘅飾物，想買嘅話要聯絡佢。
嘢飲嘢食自助，隔離有個兜俾你放錢入去，留意翻老闆一家唔喺住呢度，台灣人對人就係有種信任。
影完之後就出發，踩咗一，兩分鐘又翻出台9線，但係有段路維修緊，要兜路行。
白白行多咗3公里。
第一反應諗起有粒墨嘅家燕，是咪正常
準備上斜
晨早流流就要上斜，阿堂琴晚落住雨踩呢段路唔知咩感覺，btw啲雲幾靚。
舞鶴，山頂好多荼鋪，唔知係咪出名做茶嘅地方。
踩多陣又見到北回歸線啦，越嚟越唔想完
。
跟住一路衝落山到瑞穗，見到有個牌寫住咩瑞穗牧場關閉，所以就冇入去繼續直行。Check咗google map唔洗入市區都會有7仔，所以繼續喺外圍踩，大約踩多5公里就到咗7仔，因為啱啱爬完坡，所以都抖耐啲飲下嘢回氣。我有個習慣就係盡量唔入室內抖，因為怕吹冷氣吹到感冒，坐喺欄杆飲緊嘢嘅時候，有個徒步環島嘅離遠同我打招呼，咁照舊俾個手指公佢。坐多陣就出發，踩兩步已經追翻佢，咁就同佢平排同佢吹下水，佢係台灣人，好似打算行個幾月，咁我見琴日買咗4個蘋果食唔曬，就送咗個俾佢，因為徒步環島補給會更麻煩。之後就繼續去，沿路都鋪緊瀝青，之後去環島嘅巴絲唔洗踩爛路啦。
之後繼續踩多一段路，見到路邊有啲單車，踩過嘅時候心諗乜咁熟口面，醒起係阿堂嘅，即刻嚟過急剎，剎到部車都飄埋，原來單車都可以飄移。佢喺檔路邊賣飲品嘅休息緊，咁我都入去買枝嘢飲，又同老闆娘吹下水，基本上你去環島嘅大把人會聊你傾計。
Hea完後繼續上路，約喺下間7仔等。
條單車徑係廢嘅，寧願踩馬路仲舒服。
去唔到瑞穗牧場就買盒瑞穗朱奶頂住檔，不過同即場飲浸味應該差好遠。
食完就去同阿堂去隔離嘅花蓮糖廠睇下，我心目中嘅花蓮糖廠係整糖嘅，點知係住宿地方嚟，仲要幾貴下。
睇完就繼續上路，我叫阿堂行先，費事陣間喺後面推我推到我炒車。
花東縱谷嘅午後雷雨
踩多陣越落越大，搵棵樹避陣。
右手邊，望落幾好天
前面，其實落緊雨
等佢停雨之後繼續去，點知踩多陣又落。
停雨後踩到7仔，阿堂問我一唔一齊住，佢book咗新城嘅住宿，準備聽日踩蘇花，我拒絕咗，因為打算喺花蓮停，之後祝佢一路順風，佢就繼續去，我就轉入鳳林，因為見到有個校長夢工廠，好似幾得意咁。
鳳林鎮，又名校長鎮，因為佢出產好多校長。
見冇乜特別就繼續上路，仲未見到花蓮個牌
又要上橋，屎忽開花
見到呢個牌就好sad
踩呀踩
踩踩下嘅時候聽到有狗吠聲，心諗咬我呀笨，點知真係有兩隻狗喺右手邊衝出嚟
，貼住我隻腳係咁吠，最近嗰陣真係得10cm距離，情感上係好淆，但係理想話俾我聽要扮唔知繼續踩，好彩追咗一段路佢地走咗，後來鳥哥話冇俾狗追過唔好話自己環過島。
大約6點左右到民宿，100幾蚊港幣，設施好齊又乾淨，抵到爛。
沖完涼洗完衫隔離房有個女仔行出嚟，叫sally，傾咗兩句之後約埋去行夜市，但係去東大門夜市成3公里，佢又冇單車，好彩我同房阿希租咗機車，所以佢載sally，我踩車。冇咗行李踩車真係好爽，輕鬆跟住阿希尾，其實係因為佢揸得慢。
好似唱緊修練愛情
禿子跟著月亮走，我們跟著禿子走！
心諗你都痴線
開餐
行完夜市佢地就提議買啲啤酒薯片翻去食，我負責買啤酒，最後我仲快過佢地翻到。
開餐
3唔識7嘅人坐埋一齊梗係咩都吹一餐，不過一講到政治就跳曬掣，完全冇logic可言，啲台獨港獨出曬嚟，不過又唔怪得佢地，喺牆內俾人由細開始洗腦，所以嗱嗱臨扯開話題就算。咁啱sally打算聽日去太魯閣，於是就約埋佢聽朝去，阿希都俾我地成功遊說，所以聽日將會係3人太魯閣一日遊。傾到12點左右就散band訓覺準備聽日旅程。
騎行里數︰90 km
今朝大約8點半左右就出發，出發前影一影間民宿，因為睇得出老闆好用心佈置。
好古宅feel嘅房
波子機，不過唔知點樣開嚟玩
。老闆仲有兩部單車可以借俾住客踩
老闆娘整嘅飾物，想買嘅話要聯絡佢。
嘢飲嘢食自助，隔離有個兜俾你放錢入去，留意翻老闆一家唔喺住呢度，台灣人對人就係有種信任。
影完之後就出發，踩咗一，兩分鐘又翻出台9線，但係有段路維修緊，要兜路行。
白白行多咗3公里。
第一反應諗起有粒墨嘅家燕，是咪正常
準備上斜
晨早流流就要上斜
，阿堂琴晚落住雨踩呢段路唔知咩感覺，btw啲雲幾靚。舞鶴，山頂好多荼鋪，唔知係咪出名做茶嘅地方。
踩多陣又見到北回歸線啦，越嚟越唔想完
。跟住一路衝落山到瑞穗，見到有個牌寫住咩瑞穗牧場關閉，所以就冇入去繼續直行。Check咗google map唔洗入市區都會有7仔，所以繼續喺外圍踩，大約踩多5公里就到咗7仔，因為啱啱爬完坡，所以都抖耐啲飲下嘢回氣。我有個習慣就係盡量唔入室內抖，因為怕吹冷氣吹到感冒，坐喺欄杆飲緊嘢嘅時候，有個徒步環島嘅離遠同我打招呼，咁照舊俾個手指公佢。坐多陣就出發，踩兩步已經追翻佢，咁就同佢平排同佢吹下水，佢係台灣人，好似打算行個幾月，咁我見琴日買咗4個蘋果食唔曬，就送咗個俾佢，因為徒步環島補給會更麻煩。之後就繼續去，沿路都鋪緊瀝青，之後去環島嘅巴絲唔洗踩爛路啦
。之後繼續踩多一段路，見到路邊有啲單車，踩過嘅時候心諗乜咁熟口面，醒起係阿堂嘅，即刻嚟過急剎，剎到部車都飄埋，原來單車都可以飄移
。佢喺檔路邊賣飲品嘅休息緊，咁我都入去買枝嘢飲，又同老闆娘吹下水，基本上你去環島嘅大把人會聊你傾計。Hea完後繼續上路，約喺下間7仔等。
條單車徑係廢嘅，寧願踩馬路仲舒服。
去唔到瑞穗牧場就買盒瑞穗朱奶頂住檔，不過同即場飲浸味應該差好遠
。食完就去同阿堂去隔離嘅花蓮糖廠睇下，我心目中嘅花蓮糖廠係整糖嘅，點知係住宿地方嚟
，仲要幾貴下。睇完就繼續上路，我叫阿堂行先，費事陣間喺後面推我推到我炒車
。花東縱谷嘅午後雷雨
踩多陣越落越大，搵棵樹避陣。
右手邊，望落幾好天
前面，其實落緊雨
等佢停雨之後繼續去，點知踩多陣又落。
停雨後踩到7仔，阿堂問我一唔一齊住，佢book咗新城嘅住宿，準備聽日踩蘇花，我拒絕咗，因為打算喺花蓮停，之後祝佢一路順風，佢就繼續去，我就轉入鳳林，因為見到有個校長夢工廠，好似幾得意咁。
鳳林鎮，又名校長鎮，因為佢出產好多校長
。見冇乜特別就繼續上路，仲未見到花蓮個牌
又要上橋，屎忽開花
見到呢個牌就好sad
踩呀踩
踩踩下嘅時候聽到有狗吠聲，心諗咬我呀笨，點知真係有兩隻狗喺右手邊衝出嚟
，貼住我隻腳係咁吠，最近嗰陣真係得10cm距離，情感上係好淆，但係理想話俾我聽要扮唔知繼續踩，好彩追咗一段路佢地走咗，後來鳥哥話冇俾狗追過唔好話自己環過島。大約6點左右到民宿，100幾蚊港幣，設施好齊又乾淨，抵到爛。
沖完涼洗完衫隔離房有個女仔行出嚟，叫sally，傾咗兩句之後約埋去行夜市，但係去東大門夜市成3公里，佢又冇單車，好彩我同房阿希租咗機車，所以佢載sally，我踩車。冇咗行李踩車真係好爽，輕鬆跟住阿希尾，其實係因為佢揸得慢
。好似唱緊修練愛情
禿子跟著月亮走，我們跟著禿子走！
心諗你都痴線
開餐
行完夜市佢地就提議買啲啤酒薯片翻去食，我負責買啤酒，最後我仲快過佢地翻到
。開餐
3唔識7嘅人坐埋一齊梗係咩都吹一餐，不過一講到政治就跳曬掣，完全冇logic可言
，啲台獨港獨出曬嚟，不過又唔怪得佢地，喺牆內俾人由細開始洗腦，所以嗱嗱臨扯開話題就算。咁啱sally打算聽日去太魯閣，於是就約埋佢聽朝去，阿希都俾我地成功遊說，所以聽日將會係3人太魯閣一日遊。傾到12點左右就散band訓覺準備聽日旅程。LM
打大佬蘇花公路小心D 
我環完㗎啦
我3年前去，用左14日，平均都係20-30km/h，每日100km，真係極撚限，同埋市同市之間差唔多呢個距離。第一日由台中落嘉義，落車個下變撚左喪屍，攰到餓到見乜食乜
要根據返海線定山線
唔好亂轉
住其實四圍都有
係東北個邊行隧道同九份
好後悔miss咗個北塔
好想嚟多次完整
唔好亂轉
住其實四圍都有
係東北個邊行隧道同九份
好後悔miss咗個北塔
好想嚟多次完整
想去台灣 HEA 下沖下浪 潛下水
由宜蘭玩到落台東
租車點睇
由宜蘭玩到落台東
租車點睇
打算由宜蘭踩落台東?
租4碌 單車太慢 唔想用太多時間踩單車 主要想CHILL下玩下水
單車太慢 唔想用太多時間踩單車 主要想CHILL下玩下水好多人都會去四極塔，但我弱弱的淨係去左南極有啲地方值得遊下，留一日玩再出發個人認為一個月慢遊最弗下次好想去日本周圍轆
有啲地方值得遊下，留一日玩再出發個人認為一個月慢遊最弗下次好想去日本周圍轆北海道有條線
有時間都可以環瑞士
有時間都可以環瑞士
4個轆嘅話唔清楚咩價位，但係巴打記住申請咗國際牌先。
路線嘅話應該係宜蘭-->花蓮-->台東
由宣蘭去花蓮得兩個選擇，一係蘇花改一係蘇花公路，如果巴打想睇海嘅話一定係行蘇花公路。
由花蓮去台東都係有兩條路，台9線就係山線，喺山中間行，台11就係海線，沿住海岸線行，中間有台30線同台23線可以由山線轉海線/海線轉山線。
我知道有間民宿可以玩沖浪，巴打你要唔要
。路線嘅話應該係宜蘭-->花蓮-->台東
由宣蘭去花蓮得兩個選擇，一係蘇花改一係蘇花公路，如果巴打想睇海嘅話一定係行蘇花公路
。由花蓮去台東都係有兩條路，台9線就係山線，喺山中間行，台11就係海線，沿住海岸線行，中間有台30線同台23線可以由山線轉海線/海線轉山線。
我知道有間民宿可以玩沖浪，巴打你要唔要
日本都可以轆?
sd 黎睇下 最緊要多台妹