[多圖多字]台灣單車環島-水浸嘅25公里

239 回覆
24 Like 3 Dislike
2019-08-22 11:00:32
[波羅的海之路] 聽日無論幾膠一定都要去,因為我地可能會改變世界!
- 分享自 LIHKG 討論區
https://lih.kg/dHGiNS
2019-08-22 13:45:16
唔理膠唔膠,做左先知有無用
2019-08-22 13:57:51
冇錯
2019-08-22 15:37:46
823 人鏈
824 機場
2019-08-22 16:30:23
你名
係咪當年整走鬼村逃個作者
2019-08-22 16:45:50
唔係
2019-08-22 21:18:42
Day 14 旭海-太麻里 [Part 1]
騎行里數︰69 km
琴晚訓得唔太好,因為成晚都落雨同行雷。鬧鐘set咗6點起身,因為打算踩100公里到台東,但係6點起身嗰陣心諗hihi啦,出面落緊狗屎,於是訓多個鐘再算。7點嘅時候基本上啲雨係冇細過,仲越落越大,嗱嗱聲check天文台,天文台預測10點先會停雨,咁唯有10點先出發。但係10點出發基本上冇可能入黑前到台東,所以決定踩到太麻里,book完民宿就出去食早餐,早餐係包埋嘅,食幾塊牛油麵包加幾杯咖啡再加幾碗菜,預備足夠體力打壽卡。
食完早餐仲落緊雨。

還掂冇嘢做,幫部車打下氣睇下電視hea到夠鐘。去到10點,又真係停咗雨,咁就嗱嗱聲出發。

一轉出民宿就係199甲起點,亦都係今日最辛苦嘅路。
7公里爬升280米

壽卡我嚟啦

祝君旅途愉快

一過咗呢個位就開始爬坡,踩咗幾百米已經瘋狂出汗,大腿肌肉到扯到好行,唯有每500米停一停。

天雨路滑,時刻保持安全車速小心駕駛

5%嘅坡,聽落好細,踩落就知好甘。

仲有5公里

有啲驚馬騮會搶嘢食,好彩最後冇事。

開始有啲陽光

爬呀爬

仲有2公里!

踩多幾百米就開始落斜,終於有時間俾肌肉放鬆。
唔經唔覺已經喺山入面


199甲尾聲

11點4左右終於踩完

緊接住嘅就係199縣道,大約12公里爬200米,理論上係冇199甲咁辛苦,但係唔知點解踩落好似冇乜分別。

仲有12公里就到頂啦

踩到東源村嘅時候見到有5個環島嘅食緊飯,都冇特登行過去打招呼,因為真係太攰。


唔知咩花,好香。

出太陽了


望住路牌個數字一路減落去就係唯一嘅動力,11,10...,2.5

係好辛苦,但個景都好正。

就喺前面啦

12點51分終於到南迴公路最高點,海拔460公尺嘅壽卡,歷時2個鐘51分鐘。

第一時間幫部車影張寫真

等咗一陣有個機車大哥停低休息,咁就順路叫佢幫我影張。抖咗陣回完氣就開始落山,因為唔係假日所以都唔算多車,大部份時間都可以喺正中間行,務求用最快速度入彎,話雖如此,始終彎太多,快極都係40 km/hr左右,落緊山嘅時候啱啱幫我影相嘅機車大哥俾個手指公我,咁好自然就俾翻個手指公佢,雖然唔知佢睇唔睇到。一路落山見到對面線都有唔少環島嘅上緊山,有啲仲要徒步嘅,講真,我真係好配服徒步環島嘅人,踩車都叫有風唔太熱,行路真係唔敢想象。印象最深有一對環島母女推車上山,個女望落似係小學生,連小學生都環島,睇緊呢篇文嘅你仲豫疑啲咩
上山3粒鐘,落山3個字就搞掂,一落到山就有間7仔,嗱嗱臨去開飯,無論單車,私家車,咩車都好,大家都喺度休息,因為呢個係唯一一個休息點。食完飯hea咗陣出去攞車嘅時候,啱啱喺東源村食飯嘅5人環島團都嚟到,今次終於有機會r水吹,原來佢地都係初中生,仲要有2個女仔,佢地今日目標係台東,感覺上佢地係幾fun嘅人,可惜我要繼續行程唔可以傾太耐,互相打完氣之後我就出發,佢地就食飯,之後行程都係慢慢碌博有機會俾佢地追到,可惜呢次係唯一一次見面,都係最後一次,而呢種場景基本上日日發生。
繼續行程,經歷咗西部嘅逆風而家終於順風。

出到海邊了

藍色嘅海

南迴公路坡度,基本上就係又上又落。



踏上這無盡旅途

唔好落雨呀大佬



整路,前面單線雙程行車,每邊等5分鐘。踩呢段路都幾大壓力,啲貨車巴士都貼住你咁去,因為佢地都冇位避,隻手西一西就,後尾有個貨車司機跟我尾幫我擋住後面啲車,唔該曬你呀


南迴公路真係一條好靚嘅公路,個景可以令你咩煩惱都冇曬,唔講咁多,直接po圖。






影張j圖
2019-08-22 22:00:27
Day 14 旭海-太麻里 [Part 2]
騎行里數︰69 km

繼續去圖


大約4點9就到多良車站,費事推車上去,所以泊部車喺馬路就算。

台灣最靚嘅車站


啱啱有火車經過,淨係影到車尾

繼續行程,睇住個咁嘅景,又諗起個trip已經過咗半,忽然之間唔想翻香港。

左轉入金崙間7仔食個下午茶。

睇住個夕陽,聽住7仔播緊嘅向日葵盛開的夏天,唔知點解sad sad地

食完就繼續行程

左轉出翻台9線





條路好似通落海底咁

南迴海天一線


如果你問我再去台灣會去邊,我會話台東,去完真係翻唔到轉頭。
大約6點半就到民宿,盛惠500台幣。

諗住去問老闆娘邊度沂涼嘅時候聽到佢用廣東話講緊電話,跟住就相認了。老闆娘係投資移民,過嚟開民宿享受退休生活,揀太麻里就係因為夠靜,而且鄰居之間好有人情味。沖完涼就去食飯,因為附近冇餐廳7仔,所以朝早book民宿嗰陣老闆娘已經問搭唔搭食。
100蚊台幣,抵到爛啦。

食完飯老闆娘就問去唔去睇原住民啲節慶,咁梗係打死都話好啦,另外2個台妹都話去,嚟旅行就係想體驗當地生活,咁等老闆娘洗完碗就出發。冇嘢做就梗係撚下狗,老闆娘養咗2隻狗,兩隻都係流浪狗,喺沙灘執翻嚟。呢兩隻狗最特別嘅地方就係你一行出廳佢地就會行過嚟蹺實你隻狗,你摸到佢地覺得舒服先比你走
我當然好樂意撚狗啦

跟住幫老闆娘攞垃圾出大馬路等垃圾車嚟,其間都傾咗好多嘢,佢話佢地呢條村啲人出街都唔會鎖門,隔離左右種菜種多咗又會送俾大家,可惜呢啲情景唔會喺香港見到。倒完垃圾就去睇表演了,老闆娘唔敢揸叫小幫手揸

去到發現已經完咗,咁啱抬起頭見到成個天都係星,老闆娘就建議去海邊睇星,於是大家去買啲薯片啤酒就出發。一行五人加兩隻狗就咁行出海邊,冇任何路燈淨係靠手機照明,咁順路梗係認識下大家,小幫手係讀社工,兩個台妹一個叫jessica一個叫阿昕,兩個台妹係識嘅,嚟太麻里完全係即興,而我嚟太麻里係因為落雨要縮減行程,呢啲就係緣。跟住一路隊啤酒一路睇星,乜話題都吹下,喺香港從來未見過咁多星,所以真係好中意一啲遠離大城市嘅地方。
好盡力影,不過淨係影到最光嗰粒,要親身落場先感受到

玩到10點左右就翻民宿,早啲訓準備聽朝睇日出。
2019-08-22 22:00:47
823 人鏈
824 機場
2019-08-23 00:07:28
2019-08-23 10:08:45
823 人鏈
824 機場
2019-08-23 10:09:07
當年我用左15日
好值得去既
2019-08-23 10:45:45
跟你一世嘅回憶
2019-08-23 10:54:52
係呀,5年前既事啦,下年想去
2019-08-23 12:16:14
去啦隔咗5年應該好多嘢都唔同咗
2019-08-23 12:26:21
突發2pm 陳淑莊記者會 揭女示威者警署被凌辱
https://lih.kg/1497556
- 分享自 LIHKG 討論區
2019-08-23 16:27:53
[整理]女被捕者被迫脫光衣物搜身凌辱
https://lih.kg/1497905
- 分享自 LIHKG 討論區
2019-08-23 22:03:42
做完人鏈再追post
2019-08-23 22:46:32
多謝支持
2019-08-23 23:54:59
抱歉,樓豬今日有啲忙,所以暫停出文一日
2019-08-24 21:12:01
Day15 太麻里-台東
騎行里數︰30 km
太麻里,又名日出之鄉,一場嚟到又冇落雨當然要去睇日出,於是5點左右起身踩車出海邊。
未日出,但係已經好光。

隔咗陣jessica同阿昕都揸機車到,老闆娘兩隻狗就跟住嚟,但係點解係跟台妹唔係跟我。等日出冇嘢做就梗係吹下水,不過啲國語廢到成為笑點
太多雲,睇唔到個太陽。



跟住jessica同阿昕走先,我就等多陣,兩隻狗喺度玩沙唔肯跟佢地走
等多陣先到少少太陽

跟住準備踩車走,但係兩隻衰嘢唔肯走,又呃又氹先肯跟我走,後尾老闆娘話唔洗理佢地,佢地自己識翻屋企
兩隻衰嘢

5點50分開始出太陽

翻到民宿繼續訓,訓到10點左右起身,因為今日淨係踩到台東,所以可以慢慢嚟。之後一路都係慢慢執嘢,嚟到太麻里會俾佢嗰種慢活嘅節奏影響到,做咩都好他調。原來11點要check out,但係老闆娘話冇乜所謂,所以喺度hea多陣影下相,而jessica同阿昕好明顯都係唔想走,於是一齊去影相。


去到12點阿昕問食唔食嘢,咁我冇乜所謂,佢地話想去金崙一間原住民開嘅餐廳試下,大約7公里遠,我踩車去起碼半粒鐘,但係佢地得一部機車,呢個時候老闆娘就話借部機車俾我,話唔超速就冇人查你,其實好想試下,不過都係唔夠膽。最後jessica車我,阿昕揸老闆娘部車。
連登仔最憎嘅女司機,但係如果係台妹你又坐唔坐

金崙嘅餐廳

成個trip最貴嘅一餐,260台幣。燒肉啲汁好正,不過碗飯大碗到食唔曬。

食完之後就翻民宿,大家都喺本薄都寫啲嘢,類似ocamp寫嘅龜背,但係真摯好多

寫完之後大家一齊影張相,抄牌,搞得嚟都2點,喺目送完jessica同阿昕之後我都起程。

由於係順風,所以踩得好爽,平路都可以keep住25咁去。





直行經台11線入台東市區

仲有13公里

二段左轉中

田園間踩車



碌到5點左右到民宿,今日呢間好似100蚊港幣左右,同房有2個男仔,整體環境幾乾淨,而老闆娘幾後生同埋好索,不過冇圖

因為9點先開冷氣,所以沖完涼就踩架車出去搵嘢食。
第一站去鐵花村

入面賣啲嘢我冇乜興趣,反而幾有興趣聽下人唱歌,因為入面有啲音樂人擺檔,不過啲歌我一首都唔識




啲燈係幾靚,每盞燈都畫咗啲嘢,同埋寫咗啲祝福嘅字句。
入面有條路軌

跟住去到一間老闆娘推介嘅炸雞鋪,點知一排就排咗個半鐘

炸雞加杯百香果,係幾好食,但係為咗佢排個半鐘就

食完之後諗住踩出河濱公畏吹下風,點知夜晚係唔開燈的。

見已經hea到過9點,就踩翻民宿,一入到大廳已經見到個個埋曬堆小圈子撚緊貓,冇錯,老闆娘養咗七隻貓。住青旅就會有呢啲缺點,遲咗埋堆就冇嘢好玩,所以我say完hi都入翻房準備訓,因為聽日目標係90公里外嘅玉里,所以要早啲起身。
唔經唔覺已經踩咗3份2個台灣,真係好唔想翻香港
2019-08-24 21:26:39
又有位手足爆眼
機場見
2019-08-24 22:00:28
明日香港

【終極大核彈!!!】【斷正】監控燈柱操作界面 中共監視香港大計 香港即將玩完
- 分享自 LIHKG 討論區
https://lih.kg/afkassU
2019-08-25 16:53:30
9月1機場
2019-08-25 17:32:48
好青春
五年前都去過
吹水台自選台熱 門最 新手機台時事台政事台體育台娛樂台動漫台Apps台遊戲台影視台講故台健康台感情台潮流台上班台財經台房屋台飲食台旅遊台學術台校園台汽車台音樂台創意台硬件台攝影台玩具台寵物台軟件台活動台電訊台直播台站務台成人台黑 洞