Day 8 嘉義-台南
騎行里數︰70 km
今日照舊9點起身10點出發,之前台中識嘅謝大叔建議我4點出發,但係我覺得咁樣似折磨自己多過去緊旅行
。而自從識到佢之後,佢每朝都會send長輩圖俾我
,原來台灣都興長輩圖。
例子︰雖然幾好笑,但係其實都幾warm
老闆一家人一早就出咗街,帶佢個女去夏令營,所以我起身嘅時候間屋已經冇人。估唔到老闆買埋早餐同雨褸,老闆娘仲留咗張memo喺早餐隔離。
睇完嗰下真係好感動,冇人老奉要對你好,所以遇到啲對你好嘅人真係要感恩
。
雖然唔捨得,但係都係要走,落樓下攞車出發
休息完一日,叉滿曬電,屎忽亦都唔再怕痛,所以踩得幾順,都keep到20km/hr。踩咗陣就到北回歸線。
有個風嚟緊,又焗又熱。
一路都係沿台1線行,基本上由第3日開始已經唔洗點用google map,踩到11點嘅時候仲有57公里。
台南嘉義交界
大約12點開始肚餓,就轉入新營市區搵食。
冷麵加奶茶,都係20幾蚊港幣。
食食下7仔個阿姐就聊我傾計,話一聽我口音就知我香港人,又問下我踩到第幾日之類,越南下人情味開始越濃
善用食飯時間曬下條褲
天開始多雲
唔好落住呀
等我到台南先
台灣威而鋼
越嚟越黑
2點9左右到善化區,聽住歌踩真係好正。
沿路都有啲揸機車嘅大叫加油打氣,有時應唔切就比個手指公
除咗竹南之外另一個台灣啤酒產地,好似係
4點左右開始出翻太陽
7仔廁所,乜真係有人會咁屙咩
台南外圍已經開始塞車,開頭都乖乖地等,後尾等到唔耐煩跟住啲機車左攝右攝。
最愛夕陽踩車
一條40米長嘅橋都有咁長介紹
大約6點就到民宿,但係line電闆冇覆,on99企係門口等咗20分鐘先sd個門口密碼俾我。呢間民宿有十幾間房,而我住嘅係4樓尾房
,盛惠港幣150蚊。
幾大幾乾淨,不過冇水煲
沖完涼洗完衫又係時候搵嘢食,但係台南啲鋪頭好似幾早閂,8點都未夠已經好多拉閘,好辛苦搵到間,排骨麵加菜,120蚊台幣
,越往南物價越低
食完就周圍行下,台南啲建築好正,好似去咗歐洲咁。
行行下見到有間叫林百貨嘅嘢,諗住入去買啲補給,點知原來係景點嚟,賣嘅嘢都好高級,後尾上網check翻原來係古蹟嚟。
外望
入面部𨋢幾值得搭下,類似舊式工廈嗰種。
行完就去7仔買補給,因為冇水煲,唯有買枝2.2L
跟住睇新聞見到2日後將會打風,所以決定聽日直接踩去屏東休息一日。