[世紀大和解]我地終於得到藍絲認同
https://lihkg.com/thread/1283548/page/1
其實黃藍分歧，本質上只有一個範疇：政治。
喺其他民生範疇，所有香港人原則上都應該同一立場。例如：
1. 點解屯門大媽咁討厭？
2. 點解無全民退保（保障廢老）？
3. 點解急症／專科門診要等咁耐（咩人睇最多醫生）？
4. 點解起人工島唔加生果金交通津貼綜援？
5. 點解公屋輪咁耐？
6. 點解樓價咁貴？
呢啲議題，如果無建制派長時間分化黃藍絲，其實絕大部分香港人立場可能大同小異。
藍絲最憎政治。我諗緊一個「政治放兩旁、藍黃為民生」嘅計劃。黃絲可唔可以搞大量文宣／長輩圖，甚至遊行集會，講明唔講政治，只爭取民生。
中老年人成日覺得自己好重要。文宣甚至可以「坦誠」咁講，呢啲議題無佢哋支持唔得，所以黃絲年輕人懇求／邀請佢哋為自己、為民生發聲。再做盡啲，有部分長輩圖可以係出自「一群有反省嘅黃絲」，「而家只想講民生」（但當然唔係真）等等。
如果搞得成一個遊行（咩議題唔重要，但長者醫療可能最易搞），所有人都戴藍絲著淺色衫，但係向政府施壓，都幾得意。
齋係長輩圖攻勢做個開始都得！
呢個運動目的係：1) 減少兩方敵對範疇；2) 令大家有共同議題，可以打開話題；3) 大家如果有一定溝通，就算建制不斷分化，佢哋部份人屌年輕人都可能無咁大力；4) 呢啲民生問題其實都值得 address。
行唔行得通？
今次反送中連理念懸殊嘅和理非同勇武都互相體諒，我就唔信搞呢班思想單純嘅藍絲唔惦！
純拋磚，有無得諗？
