[IVE]香港專業教育學院2019新生入門攻略(1)黑警死全家

第一次知原來21歲就可以報，因為佢個網全部都話要咩基礎文憑/5條2
但唔讀FD直接HD會唔會話好難跟進度？
定其實冇乜關係
另外照你咁講如果數底差，得翻社工揀？
因為我聽人講工程係最易搵到工

咁請問知唔知商科Hd對出黎翻工有冇幫助？定好難搵工

我見工程同It係最多人話易搵工/有用
但我自己數理差好驚讀唔掂
比較偏向商科零售，但又驚讀出黎完全冇用，變左垃圾

講真讀完商科HD出黎都係做文員仔,sales,
你以為真係俾間公司你管理咩
工程同IT都叫做專業少少,
點都好過讀商科呢類吹水科

出黎做野你就明白,擁有專業同少人識既能力先至維持到自己既價值

明白你嘅睇法，所以好想知道工程嘅數學需求大唔大？
或者咁講，中學數學考得2係咪基本上冇可能讀得掂
因為我亦有見過人話易過中學好多，就算文科底都可以handle
商科畢業同中六畢業出黎做文員仔，個薪金分別大唔大？我自己搵緊12k-13k

我會考數學得e去讀工程HD都畢到業,其實唔太難
測驗考試大部份計數題都俾埋公式你,
你上堂留心聽書就識代番堆數字入去督計數機就搞掂

利申:其實我計數機都唔係幾識用

咁聽你講數學差都唔太驚
咁想問下你係讀工程邊一科？可唔可以講下大約讀啲咩？
同埋你出到黎搵咩工？
我自己睇好電腦及電子工程HD，呢科數學要求高？搵到食？

9月hd year1 想搞政府資助但未有學生證點算？用學費單ok?

我讀bse,風火水電咩都讀少少,
讀完又有得拎電工B牌,
有牌出黎做物管工程部好輕鬆,
出面根本只係請個電牌,個人只係贈品
所以有牌之後係工搵你,唔係你搵工

Sorry bse係咪即係屋宇裝備工程學高級文憑？
我啱先爬過啲post話呢科係偏向概念/背嘢比較多？反而數學算少？英文會唔會好深奧
有個牌係咪入政府部門都會易啲，
同埋若果入你所講嘅物管個行 起薪會有幾多？唔該曬

其實IT同工程真係好過Ba 同酒店好多
但係我中學都drop 左m2
對數學冇乜信心
IT見到code都驚
所以冇諗過
冇用又唔會既
始終hd係用黎升職而唔係睇起薪點


我覺得對讀書唔叻既人黎講，有冇興趣讀真係好大分別
如果入唔到政府工，你係諗住做鋪頭最大粒或者區域經理？

其實我個人冇咩特別興趣/想讀，只係希望讀一科出到黎係會容易搵到工，同埋彌補翻我冇full cert嘅缺憾
冇諗過畢左業要做大粒，我唔介意由junior做起，我而家都係做緊啲data entry低賤工.
只係而家主要confuse緊兩個問題
1.讀商科出到黎唔夠degree黎冇認可，同中六冇分別？
2.讀工程會唔會本身要數學/英文好勁，以及畢業出黎多唔多就業機會。
Sor我都知我好多嘢問，但自己一個諗到好迷惘

留名先 中六後讀咗一年工程fd 再讀兩年EE HD今日拿成績表 想要hea住讀書嘅生活我應該可以解答你
因為我都係hea下hea下就畢業 無諗過衝gpa利申：gpa接近3

你讀完一年未完轉科再讀?

有冇師兄讀緊 thei既醫療護理

師兄我想了解下工程大概係讀啲咩
數學同英文需唔需要好強
另外係咪只要夠21歲就可以直接報HD

工程你上ive官網都見到曬 但大部分人都係選擇 土木電機機械 當然屋宇裝備都唔差 只係香港工程最光輝搵錢個年代已過 如果想靠工程發大財應該好難 新興嘅環境工程。。我覺得你讀依科要諗諗後路 同埋工程你邊科都好 出嚟做野要有on site心理準備 見好多同學想齋坐office

因為你問HD 我就講下EE學咩 簡單program，autocad畫圖，電學原理 咩電子電阻電溶電感
之類，電學公式（電壓=電流電阻)，計算cable，發電機/火牛/電力裝置運作/轉換/運算（DC電/AC電)，仲有practical tranning 有3個sem 要你落手駁下電線玩下控制圖之類 做完要寫報告（青衣世界級張sir 教得幾好)
之後sem4有得選科 睇你中意咩啦 有控燈/鐵路/智能控制/樓宇服務/數學m2...etc 最後一個sem5就會出去intern或者留校做濕9比賽 我建議一定前者 出下去拿經驗睇人臉 讀EE係會比其他科讀多啲野 少好多休息時間 不過你得到學問都唔少
主科tutorial lab lecture 頭3個sem一定日日都有 除非做曬lab 通常每科得5個lab 每個sem 2~3主科 當然你可以搵隊友組隊大家參考下功課 仲有頭2個sem有工程數學 5個sem都有英文 ，其餘SDD，普通話唔係每個sem都有

我個人認為數學個底比較重要 雖然有公式有計數機 但本身邏輯理解好係有著數 英文差其實唔太大影響 好多係為職業/修讀主科而設計課程 英文唔會難去邊 肯記肯背ez pass
miss/sir一定有雞精俾大家 唔洗怕

唔關年齡 你要記住ive係合法學店
你學歷有5條2或者相關就可以報讀
成績唔太差基本上都收硬 我2年前報EE都有F班

讀AME悔終生

請問BSE有咩數讀呢？？同埋physics 方面又要讀d咩？

依家仲係sem3，仲有下年要讀，但係唔想繼續讀呢科

咁可能要用返中六去報 因為你真係得張DSE可以報 或者打電話去vtc問 一定答到你

可唔可以講下年長生同正常入學有咩分別