鄺仔覆蓋率仲高過簡迪
幫傳統飯民拉返啲分
只希望佢地今個星期日咪撚再拎個籌款箱出嚟
民陣好似話個日籌款 都係需要為所有因反送中議題而被捕/受傷的人士 提供支援
Figo Chan 講到明民陣星期日會籌錢,聲稱係籌畀義士。又係時候講下啲大家可能唔記得嘅嘢。
提提大家,當日長毛掛張Banner Г毋忘劉曉波,釋放劉霞」,結果劉霞去咗德國,有人問返長毛幾時畀返啲錢劉霞,長毛嘅回應係 #從來無話幫劉霞籌款。 即係當日你哋以為係幫劉霞嘅錢,其實係入咗長毛同社記袋。
當然,當中有無一啲係真係畀咗中國嘅義人呢,可能真係有嘅。 中国紅十字會幫災民籌咗一百萬,都可能有一個幾毫係畀咗災後重建㗎,係咪? 問題係你仲會唔會捐畀中国紅十字會呢,自己諗下。
仲有,唔好唔記得,6月9日夜晚,喺班衝嘅年輕人,係畀潘小濤姚松炎呢啲人話係共諜係鬼係攪事 #有人知道黑衣人的來歷嗎 #古靈精怪,而喺佢哋畀人打到死嗰陣,民陣飯民仲喺屋企瞓緊覺數緊錢,任由呢班年輕人孤單同渣作戰。
都唔好唔記得,嗰班後生仔之所以要食咗橡膠彈布包彈催淚彈同警棍,完全係因為飯民無做好代議軍士監察政府為市民爭取發聲嘅職責,尸位素餐30年。 所以,對於香港攪到今日咁,飯民責無旁貸。
仲難聽啲講句,64同69兩日,佢哋前後都已經籌咗兩轉錢,仲唔夠咩? 真係咁為啲後生仔感到心痛嘅,嗰班尊貴嘅立法會議員,每個月收緊9萬8同好多額外津貼,拎啲出嚟幫啲細路,好難咩? 點解要眾籌? 仲要籌完唔知會唔會效法長毛咁一個屈尾十話 #我無話係幫班黑衣人籌款?
市民幫義士買物資,都係真金白銀自掏荷包,因為佢哋係真心想幫抗爭者做啲嘢,所以唔會同你講「我買紗布同生理鹽水畀義士洗咗5舊水,你畀返錢我」。 但社記係會同你講「我哋印咗幾多張海報,請你哋補貼返印刷費畀我,10蚊1張」(69遊行真實對話)。
佢哋係咪真係有心幫/爭取,定只係為咗籌款自己fat fat,自己諗清楚。
最後,如果真係想幫班後生,我寧願你捐畀星火,又或者有能力就聘請因政治迫害入獄嘅義士,甚至係企出嚟擋喺佢哋前面。
而唔係畀錢民陣同飯團食人血饅頭。
Too simple sometime naïve,有錢嘅直接買嘢俾前線好過啦