BEN LAMAR GAY - DOWNTOWN CASTLES CAN NEVER BLOCK THE SUN
https://intlanthem.bandcamp.com/album/downtown-castles-can-never-block-the-sun
Electronica/ Avant Garde Jazz
以前, 對唔熟
International Anthem既我而言
Ben Lamar Gay總係好熟口面, 一google 哦 原來佢係
Fly or Die入面既cornetist, 係
Bottle Tree入面既編排, 兩隻碟唔算好展示到佢既音樂本色, 對佢印象唔深, 不過成熟d諗：咁好正常, 安份守己就得, 你唔係主角
然後, 當一位做左七年配角既人係2018年有機會做主角, 我會點形容依張被談論得非常多既作品呢？一個字：古怪, 佢除左玩jazz 仲係hip hop/ electronica/ poetry/ 更甚係好玄既experimental artist, 七年既創作時間入面, 去過巴西生活, 學習當地風土音樂, 同過極多極多既先鋒爵士樂手合作過, 做過關於音樂既講師, 大碟其中一個古怪既地方係來自於佢依張又靚又豐富既CV, Gay心花怒放式向你展示音樂變形怪既多面性, 即使係某類音樂, 傳統上, 夾起上黎會有沖突
咁你可以想像下佢會俾d咩你
係混合左彷如時光隧道既ambient音效, 夾雜住少少少少free jazz既modern classical?
係似rap似pop, 一邊beat boxing一邊吟唱soulful voice既electro funk?
係糅合左極簡主意, 但又偏要你載歌載舞既afro-beat?
係有輕工業音樂既打擊感同節奏 係重重複複旋律入面加入free improv 既上癮電音毒歌?
係去模仿Rammelzee同K.Rob既聯名名作
Beat Bop, 用小提琴去調味同提高格調, 配以大量電音/ 擊掌碎拍既underground hip hop?
定係由熱情banjo同cornet共舞共奏出黎既既火辣辣爵士舞曲?
大碟既上半部, 就係咁樣激情地游走係唔同既style, 大玩好不熱鬧既爵士變種曲風
古怪既地方係, 佢明明處於不惑之年, 但係創作情感上依然飄忽, 下半部開始忽冷忽熱, 大碟上下半因為咁變得唔太連貫,
Muhal用好正面既方式向傳奇樂手Muhal Richard Abrams致敬, 每一句歌詞都係來至Muhal發行左既專輯title,
A Seasoning Called Primavera用左比喻手法, 寫既係關於生活上既瑣碎事, 係前半段, 依一類歌詞配合咁色彩繽紛既歌, 都可以明顯感受到佢對生活以及創作既熱情, 但由
Me, Jayve & the Big Bee既horn短獨奏開始, 成張大碟既調調忽然變得憂鬱
對比上半部既跳脫, 下部半重心明顯放左落氣氛堆疊方面, 雖然大部份歌曲入面, 爵士樂參與度降低, 但手法依然變化多端, 每首歌都係受惠於科技既homemade hybrid精品, 有係噪音音牆紛圍底下, 埋藏住好多溶化左既小提琴同爵士鼓, 好似崩裂左同bug左既glitch, 亦會係好順暢廣闊既sonicwave soundscape入面, 加入一d撕裂斷層音效, 形成當代感好強既modern classical, 有時你會誤會係有Radiohead客串, 可以享受到冰冷鍵琴聲配以高低8度人聲重響合唱既avant pop, 有時又會被厚厚底噪包圍住, 係被隔離左既孤獨演奏, 但無論點玩, 手法最微妙一定係色彩上既處理, 除左係用於過渡而免得氣氛太沈重既傳統森巴流行曲
Swim Swim外(亦可同時理解為佢係巴西既生活算係開心), 連同
Swim Swim所組合出既森巴四連曲當中既三首
Uvas,
Galveston同
Kunni, 即便係好受到巴西流行曲影響, 但因為創作情感上既關係, 總係少左一份南美音樂既鮮豔, 呈現出黎既係一首首褪色art pop
或者從唱片封面我地會睇到一d端倪, 一動一靜高對比, 面對住快速音樂潮流環境, 動與不動係好多創作者遇到過既難題同矛盾, Gay作為一個（自稱）說書人, 文案文檔都冇Kendrick Lamar依類說詩人咁多咁大, 係屬於相對「寡言」既音樂人, 純粹曲風上既轉變可能先係佢最擅長既音樂語言, 去娓娓道來屬於佢既故事
咁你可能會問上下半唔連貫係唔係即係依隻碟既缺點? 我認為唔係, 我更係好理解依種做法, 畢竟人性嘛, 當你最重要最重視既事情受到沖擊時, 你好可能都會有情感上既大反差, 試想下由1997年到2008年京奧再到現時為止依二十二個年頭, 香港年青人（尤其經歷過港英又飽讀詩書既7/8/90後）, 係身份認同上普遍係由南去北, 再由北去南既極端兩極化, 依種變化之大同快對外人黎講都係匪夷所思, 我咁講, 你就會明白當中Gay哥係依張專輯上下半突變既邏輯
然而佢自身面對既問題其實亦係大環境問題, Jazziness一詞近年經常出現於各當代爵士樂手專輯既評論入面, 爭論點常為：傳統爵士樂係新爵士樂入面要咩質, 幾多量, 同咩型態先合適？
大碟結尾正正係一首傳統爵士樂, 但就用左混亂而偏邪道既旋律編曲演繹, 去呼應一開始正面而多樣既
Muhal, 好似意味住矛盾加大, 原地踏步既意思, 係多年創作以黎, 佢係新爵士既問題上似乎得唔到咩結論, 但先撇除依個咁複雜既問題, 係各種音樂既材料面前, 我地應該去欣賞, 老土講句, 就係佢係實驗樂入面既各種嘗試, 佢冇好高姿態咁發表大偉論, 但係佢既音樂入面, 多左好多分實驗樂缺失左既人性, 然後坦蕩蕩咁將自己既陰暗面擺出黎, 最終好有說服力咁將自己既「精選」正名為「專輯」, 提供左一個自編自導自演, 毫無冷場既創作回憶錄俾聽眾, 成熟思維配上老練手法, 非常精彩, 亦令人敬佩
9.5/10
後話：鳩up完後適逢Fantano發佈左一條幾有意思既短片, 講關於佢點樣去欣賞音樂, 其中一個成為好作品既重點, 就係可唔可以吸引你去不斷翻聽, 從而去挖更多野出黎, 依張大碟比較深入少少既意思當然純粹只屬我個人推測, 但Gay或者
International Anthem向外宣布依張係專輯而唔係精選, 當中肯定有佢既原因, 但姑勿論窗簾究竟係唔係只係他媽的藍色, 依隻絕對唔係快餐碟, 係一張好耐聽, 可以同聽眾建立到長期關係既好作品黎
LMF