等左 foodpanda 足足2個鐘

幾經辛苦都要申請個用戶口係呢講我今天用 foodpanda 的經歷，由下午茶變成晚飯。

4:57pm 落單，app話大約30分鐘到

6:00pm 等左1個鐘，但個app通知話仲要等15分鐘，咁又幾經辛苦，督到手指斷搵到 online CS，CS話餐廳有好多訂單，所以遲左，咁我問既然多訂單，不如取消張單，但佢又話餐廳已經準備左我張單，要我再等，大6:25會到。

6:25pm 我見個app依次話仲有15分鐘，我再搵CS問點解1.5小時仲未送黎？答案都係餐廳太忙，咁我話取消訂，又話餐廳已經準備緊，煮緊，我今次真係唔客氣同佢講，得兩種情況，一係煮左，二係未煮，都半小時了都仲係煮緊，無可能。我堅持取消張單，但CS好堅持話煮緊，無得取消。咁我又再等啦，但見個app話由15分變成5分鐘，再等。
6:55pm 5分鐘再5分鐘，頂佢，又半個鐘，我再搵CS，佢哋話送緊過黎，之後門鐘響，我以為終於可以開餐

一打開個盒，真係想殺人，啲野凍嘅！原本脆嘅食物變到 “淋”哂，用發泡膠盒入住嘅野都係冰冷

我再搵CS話啲食品凍哂，佢好搞笑咁問我「啲野仲食得嗎？」真係火都黎，係食得，但凍哂點食呢？我問佢張心比己，你食唔食得落先？咁佢話退返$50比我，心諗你當我乞衣呀？我話除左$50仲有得揀咩？哈！等左2小時，你送啲凍嘅野黎，我無指望過係熱騰騰，暖暖地係可以接受，佢哋話餐廳準備左咁耐，即新鮮滖熱辣煮出黎啦，十萬個為什麼會係凍L哂嘅呢？
佢話唔要$50，咁叫餐廳煮過再送黎，仆街，呢個係建議黎嘅咩？我同佢講我唔想由下午茶變成宵夜，再理論左一陣，佢全數退返比我，結束對話時間都已經7:15pm，晚飯時間到了，我改用Delivroo訂餐，半小時咁上下已經到左。

有啲人會覺得，係度嘈咩呢？落街食啦！但你要知道有些人真係唔方便落街，係app訂餐貴啲都願意比，係因為呢個係服務，鬼唔知落街食平之外，仲有更多好選擇添，但正正就係因為有呢種唔方便落街嘅人，所以先衍生呢個服務出現，但最後比啲凍哂嘅野客人，係我呢個做客嘅唔啱嗎？特登去叼難佢地嗎？

幫襯呢啲外判送餐根本戇鳩

叫外賣仲味食撚死你算係咁啦 仲咁多要求

https://lih.kg/1025484

Food panda真係on9
試過有日落雨 翻到office即刻叫定外賣
未夠10點半點已經落好曬單
預計1點送到
我公司係銅鑼灣近天后 望住外賣仔由銅鑼灣揸到去上環都未撚到我有得食 問左2次CS都話遲10分鐘到
等到1:45 終於忍唔住話想cut 單 CS仲唔俾
我話都冇時間食 佢仲同我講唔關佢事 食物已經準備左俾我地就冇得取消
我地嬲到核爆 屌到CS上天花板 佢先俾我地cut單
真係食杯麵都冇咁嬲

結論 foodpanda永不錄用

求其叫茶餐廳外賣好過啦

得我一個覺得4點57分落單叫下午茶on9?

Foodpanda 係垃撚圾 永遠唔準時，其他app起碼會同你講要幾耐又真係幾耐。永遠唔會再用Foodpanda

foodpanda車手唔計單
其他段單計
完

樓主deliveroo 訂返同一間丫嘛

我都試過

等左個幾鐘先打埋落去間舖頭先知冇人接單

2個鐘先上到黎
最離奇係個車手係C9唔係南黎

有人話10點半落單 預1點送到
其實張單餐廳一早收到
好多都係即做之後擺係到12點令等人拎
唔凍就有鬼


第二個情况係 foodpanda根本嚴重唔夠車手
好多事擺個餐係度成粒鐘都無車手拎

總結就係 無咩特別都唔好用呢間野

我之前都叫咗foodpanda
點知係個唔識中文嘅南亞人送
送錯地址仲打黎問我點黎

我唔係話車手問題，係間公司、app和CS
每個車手都用app去報到，明明無咁多車手，個app嘅叫餐嘅時間可以加上去，如要120分鐘先送到，咁我睇到時間都仲要叫呢間，咁先係on9，但個app話我知30分鐘到，我叫外賣有咩問題呢？

我諗你無叫過尼間嘅外賣，明明落街買係30蚊，但叫外賣就要40，仲要無套餐叫，貴左10蚊，你叫得起咩？
我唔係話好富貴，但食物貴左，要比多$20的服務費，只係想準時，唔係為左退款先叫

我係叫比幾個小朋友share一齊食，8點食飯，有人5:00叫肚餓，唔通話佢「就黎食飯，頂多3個鐘啦！」

我無你咁冷血，每個人都有不同原因，一開口就話人地on9，咁先最on9

就係delivroo無，同幾個小朋友睇完，佢哋話要食呢間，咁我又見到係30分鐘，所以咪叫囉，如果佢show嘅時間係120分，我一定唔會比啲細路叫呢間

我都試過。等多半個鐘把幾火直接打去餐廳
佢話一早整好咗放係度等人拎，咁即係遲之餘d野食到咗係凍既。
Deliveroo 又真係從來無呢個問題

唔係喎，成五點叫，送到真係唔係下午茶，真係幾on9.
係叫就兩三點，自己無預小朋友肚餓。
每個人都有唔同理由，不過你個理由就係on9。

受此教練，以後都唔會

退返50 比你仲想點
咁貪心

好彩屋企係有餅干，但想到叫外賣都叫做有熱野落肚，總好過食餅干，點知最後都係要食餅干。

送到黎，一樣野都食唔落肚，你覺得$50可以補償嗎？
而且佢地小許歉意都無，只係叫你等等等，唔可以取消張單，一定唔得