【獵殺惡魔】我係一個驅魔師,專幫人驅散妖魔鬼怪(三)
夏舞
554
回覆
216 Like
0 Dislike
第 1 頁
第 2 頁
第 3 頁
第 4 頁
第 5 頁
第 6 頁
第 7 頁
第 8 頁
第 9 頁
第 10 頁
第 11 頁
第 12 頁
第 13 頁
第 14 頁
第 15 頁
第 16 頁
第 17 頁
第 18 頁
第 19 頁
第 20 頁
第 21 頁
第 22 頁
第 23 頁
夏舞
2019-02-22 19:12:08
我諗住完故未出新故前會講下呢方面嘅野
會包new age加古典秘教 eg. 卡巴拉/柏拉圖主義... 再連上科學 ie. 相對論/量子力學
New age其中一個核心係連繫科學 佢入面有唔少內容都係以古典秘教作基礎 但嘗試同現代科學連繫起嚟
到時會係自己page出 可能會去學術台 但應該唔會特登寫個故 因為呢個故已經係
夏舞
2019-02-22 19:20:43
我哋嘅Whatsapp對話,停留咗喺兩個禮拜前情人節嗰日。
兩個禮拜,白寧無Whatsapp我,亦無主動搵上門,或者學校突襲我。
因為佢曾經有跌電話落屎坑嘅前科,所以我並無太在意。
但無佢喺我身邊吵吵鬧鬧,總係有種唔習慣嘅感覺……可能傻妹一時變得咁靜,實在十分怪異掛……
又或者……我可能真係習慣咗佢喺我身邊。
無論係點,今日返學前去搵一搵佢。
正當我換好衫褲圍咗條頸巾,準備出門時,電視突然播出一段緊急新聞:
「緊急新聞報導,今早清晨時份,位於灣仔嘅聖母無原罪主教座堂受到不明襲擊,由行人發現後報警。當警員到達教堂後,發現教堂內所有人全數失蹤,現場並無留下痕跡,但教堂外牆唔同位置分別發現五芒星符號。」
鏡頭轉向教堂,外牆上有幾個鮮紅色嘅倒五芒星符號。
「警方暫時封鎖堅道一帶進行調查,暫時未有發現,初步懷疑同宗教團體『撒旦教』有關,唔排除涉及宗教恐怖主義。」
聖母無原罪主教座堂……係穆爾泰嘅地頭!
夏舞
2019-02-22 19:22:54
我即刻打電話畀穆爾泰,但打唔通。
呢個世界除咗基督教、佛教呢啲信奉神靈嘅宗教,仲有專門信奉惡魔嘅宗教——撒旦教就係其中之一。
佢哋通常會被視為邪教,喺接近三分一人口信仰基督教嘅世界,崇拜惡魔係必然會被視為邪惡。
但現今大多自稱崇拜惡魔或以撒旦教自居嘅宗教,大多數都係譁眾取寵,借崇拜惡魔為名去賺取名利,卻連最基本嘅召喚儀式都一竅不通。
即使係咁,喺當中亦有真正崇拜惡魔,識得各種禁忌法術嘅邪教徒隱沒當中。
我轉身返房執拾驅魔工具,然後即刻馬上出發去到聖母無原罪主教座堂。
被人群同記者圍繞住嘅警方封鎖線,我見到一道熟悉嘅身影。
「凌寧壹?」喺封鎖線帶頭嘅皮褸女子非常驚訝叫出我個名。
夏舞
2019-02-22 19:23:13
係霍靜。
「你點解會喺度?」霍靜問我。
「我嚟搵穆樞機。」
「教堂入面所有人全部失蹤,我哋都搵唔到——」
「我知點解。」
霍靜雙眼訝異望住我,我從背囊拎出磁場探測器,開始探索周圍磁場反應。
磁場反應非常紊亂,教堂外圍幾乎維持最高水平。
「呢部係……?」
「磁場探測器,用嚟搵結界入口。」
喺強烈磁場反應中,有一點小缺口不停以飛快速度閃動,無停低過。
「對方不停改變結界入口,唔想我哋闖入去。」
「交畀我。」霍靜轉身搵幫手,「喂!你哋,過嚟!」
「你想做咩?」我不解咁問。
幾個拎住一身儀器嘅警員行過嚟,霍靜向佢哋講:「同我分析呢部機顯示嘅磁場變動pattern。」
「收到。」佢哋現場接駁儀器,打開電腦,開心專心分析。
「凌寧壹,我勸你唔好睇小我哋黑科技嘅水平。」
我上次已經見識過,能夠製造小範圍磁場嘅裝置。
「我聽講你同穆樞機關係水火不容,點解佢出事你第一時間就救佢?」霍靜一臉疑惑。
「一場相識,況且佢救過我朋友一命。」
「哦。」霍靜無再多問。
過咗幾分鐘,分析出咗結果。
UNBREAKABLE
2019-02-22 20:15:26
快啲啊 80去左邊
夏舞
2019-02-22 21:07:18
「磁場每五秒鐘變動一次,缺口每次喺直徑三十米內隨機移動,收集八十二次數據經由計算後,有68%會向——」
「唔要廢話,我要結果。」霍靜低沉講咗句,卻充分展現長官嘅威脅,令下屬冒冷汗。
「唯一準確計算到嘅結果——三十秒後磁場缺口會移到教堂正門,但係……」其中一個人口震震咁答,「缺口直徑太細,五秒內最多只能夠俾六個人入去。」
「入唔切會點?」霍靜追問。
嗰個警員似乎無呢方面常識,於是我幫佢答:「會被空間切斷。」
裡面敵人人數未知,而我哋只能派六個人入去。
「如果收集到更多數據,可能會得出更多結——」
嗰位警員未講完,霍靜就大嗌:「你你你你,三個入去!」
「我都要入。」我講。
「好。」霍靜爽快答應,邊整理身上裝備,邊向教堂正門行去,「全體準備!」
多一點猶豫,就會多一點變化,所以要趁呢次機會先闖入去。
十秒後,手上磁場探測器產生變化。
「缺口依家喺教堂門口!」
我先向缺口跑過去,霍靜佢哋隨後趕上。
一穿過缺口,柔和嘅白光映入眼前,我哋踏入教堂內嘅主座堂,卻傳嚟一陣血腥惡臭。
夏舞
2019-02-22 21:07:36
祭台上方嘅十字架,有個神父釘咗喺度——
只剩半身。
神父睜大驚恐嘅雙眼,嘴角流住鮮血,內臟腸子懸掛半空,血水滴滴答答滴落地下。
唔係穆爾泰。
喺屍體下方,有三個全身白衣,笠住遮蓋成個頭部嘅白色尖帽嘅人,佢哋頸戴銀色倒五芒星頸鏈,手上拎住……
砰—!
槍聲驟然響起!
肥過碌蔗
2019-02-22 21:17:08
推
我要做個好人
2019-02-22 21:35:46
推
味醂蠔
2019-02-22 21:41:37
推
味醂蠔
2019-02-22 21:45:15
001間屋係唔係以前個間?
80啲錢同屋都係師父比?
80幾歲左右?
三師兄弟連師父仲有冇得出場?
80日日著同一件衫定有好多套?
001副con點黎?點解打到咁激都冇甩con
Best_tseB_123
2019-02-22 22:45:51
推
貓世界第一可愛
2019-02-22 23:26:24
夏舞
2019-02-22 23:27:49
好
如果劇情無解答就由下位訪問者解答你
大頭
2019-02-23 10:05:30
推
轉圈轉圈哈姆共你
2019-02-23 15:22:39
夏舞
2019-02-23 17:32:09
正中間嗰個白衣人頭冒血洞,緩緩倒下。
開槍嘅人正係霍靜,佢再向前方連開幾槍,不過另外嗰兩個白衣人避開咗,匿咗去長凳後面做掩護。
「你……」我愕然望住霍靜。
「我唔認為有唔殺佢嘅選擇。」霍靜暗指被斬剩上半身嘅神父。
「……我知。」
佢哋大概就係撒旦教教徒。
將神父腰斬兩截,再釘上半身落具宗教意義嘅十字架上,做出呢種瀆教行為嘅人個腦唔正常得去邊。
雖則如此,但呢個時侯暫時未派得上我用場。
除咗我之外,身邊幾個人都拔出手槍追擊,眨眼間主座堂變成槍林彈雨嘅戰場。
兩個白衣教徒不停躲避子彈,其中一個走頭無路,拎出一個被白布塞住嘅玻璃樽,將白布點著火向我哋掉過嚟!
就喺呢刻,一粒子彈準確無誤打穿玻璃樽,裡面液體瀉落佢身上,然後被燃燒緊嘅白布掂到,瞬間冒起熊熊大火,變成火人!
白衣教徒伸出手,邊淒厲大叫邊掙扎,無幾耐就倒在地上。
血腥之中混雜焦肉嘅味道,愈嚟愈令人作嘔。
最後一個白衣教徒見狀,忽然自己行出嚟,企喺主祭台面上張開雙手。
「睇嚟佢已經準備好送死。」霍靜舉起手槍瞄準佢。
佢哋唔會懼怕死亡,因為佢哋認為死亡代表自己為宗教而奉獻,佢哋信奉嘅對象——撒旦會將佢哋救贖。
但我估錯咗。
槍聲連環響起,但白衣教徒依然無恙企喺原地。
咇咇咇咇—!磁場探測器發出警報聲!
Best_tseB_123
2019-02-23 19:40:59
推
夏舞
2019-02-23 21:53:05
聽日繼續 另外結局已經定好
暫定喺下個禮拜六 3月2日更新
老伯鄧肯
2019-02-23 22:50:08
推
轉圈轉圈哈姆共你
2019-02-23 23:42:31
我要做個好人
2019-02-24 03:12:48
Push
第 1 頁
第 2 頁
第 3 頁
第 4 頁
第 5 頁
第 6 頁
第 7 頁
第 8 頁
第 9 頁
第 10 頁
第 11 頁
第 12 頁
第 13 頁
第 14 頁
第 15 頁
第 16 頁
第 17 頁
第 18 頁
第 19 頁
第 20 頁
第 21 頁
第 22 頁
第 23 頁
吹水台
自選台
熱 門
最 新
手機台
時事台
政事台
World
體育台
娛樂台
動漫台
Apps台
遊戲台
影視台
講故台
健康台
感情台
家庭台
潮流台
美容台
上班台
財經台
房屋台
飲食台
旅遊台
學術台
校園台
汽車台
音樂台
創意台
硬件台
電器台
攝影台
玩具台
寵物台
軟件台
活動台
電訊台
直播台
站務台
黑 洞