【獵殺惡魔】我係一個驅魔師，專幫人驅散妖魔鬼怪（三）

將金莎煮溶將雪返凍就叫整朱古力，白寧淨係識學埋呢啲垃圾知識。

不過呢把匕首……幾有心思。

真係特別嘅禮物。

食完之後，我問白寧：「你做咩無啦啦送朱古力畀我？」

「因為Shelly佢哋話情人節係送朱古力畀男仔嘅日子。」

「咁佢有無同你講要送畀心儀嘅對象？」

「啊……佢又無講。」白寧頓時面紅耳赤，「原來……係咁㗎？」

「點解你連呢啲嘢都唔知，你呢十幾年人生究竟學過啲咩？」

「呢十幾年人生……」白寧聲量忽然漸漸變細，「唔！就算知，我都會送朱古力畀小凌你！」

「點……點解？」我個心跳得愈嚟愈快。

白寧輕輕抬起頭，水汪汪嘅眼睛同我對視，粉色嘅嘴唇微微張開。

「因為，小凌係我最珍惜嘅人。」

睇嚟……我諗多咗。

白寧，始終係我認識嘅白癡妹。

我冷靜返自己無謂嘅情緒之後，輕輕拍落白寧個頭。

「雖然整到成pat屎，不過多謝。」

我同白寧坐喺角落，身邊擺放住巨大嘅狗狗公仔，邊望日落邊慢慢食朱古力。

我，大概搵到自己想做嘅事——

我認清應該守護嘅事物。

「下次唔好再用金莎整啦。」我食埋最後一啖朱古力，「你知唔知三月十四係白色情人節？」

「三月……十四？」白寧呆咗呆。

「係男送朱古力畀女嘅節日，到時你學下嘢，下次整返舊似樣畀我。」

「下次……無……下……」白寧低頭喃喃自語。

「你講咩？」我皺起眉頭。

「無嘢！」白寧抬起頭，燦爛咁笑住講：「下次我會整靚啲畀你！」

「聽住先。」

夕陽嘅光芒，映射白寧嘅笑容上。

然而——

我無察覺到——

幸福嘅背後——

終焉正在來臨——

自嗰日之後，我再無見過白寧。

講白寧既身世係點

我㩒錯左左邊個回覆制
大家原諒我
要怪就怪連仔整走左個[ quote ][ /quote ]

想問仲有冇發問環節？

有本身諗住終章前搞 但無人理
都係一次過問 最後訪問對象留白到時公開

暴風雨前夕

用金莎整朱古力

唔通佢嘅消失就係解開80點解咁白痴嘅原因

我有好多問題

可以問定先 我會記低

仆你個街SAD END

終於追到LIVE, 好好睇 支持樓主

還我白痴妹 仲要係個咁prue 咁true而又識打扮嘅白痴妹

多謝巴打支持呀

一直都起紙言睇，而家起到留個言先

十卜

多謝巴打支持巴打連紙言都識起

識珍惜夏舞

還我80

舞爸鐘意New Age野？我見你有提過卡巴拉，生命樹呢d

我鍾意睇唔同宗教嘅野new age其一啦 佢好多嘢其實係基於以前秘教/哲學 用一個容易接受嘅方法詮釋

生命之樹就係來自卡巴拉而卡巴拉係由猶太教發展出嚟嘅一個秘教教派

日後有機會可不可以寫下New Age題材嘅野？
利申：非New Age撚，但又興趣了解下