【獵殺惡魔】我係一個驅魔師，專幫人驅散妖魔鬼怪（三）

我哋返到學校，去學校canteen搵Shelly佢哋食飯。

阿瞳已經出咗院，返到學校繼續佢最緊張嘅學業，不過走堂個幾兩個禮拜嘅分數係無法挽回。

真陰公。

不過好似經歷上次件事，阿瞳一家人發現其實阿堯係關心佢哋，不過可能青春期少年比較叛逆，佢哋一家人因此關係變好，阿瞳亦唔使成日操心佢細路。

「係喎，話說下星期就係情人節啦喎。」食食下飯，阿瞳忽然講。

「情人節？」白寧歪頭問。

「係呀，你哋嗰日……有無約人呢？」阿瞳壞笑咁掃視我哋。

「暫時……無掛……」浩然唔肯定地講。

「我都無。」Shelly邊望電話邊答。

「小凌同白寧呢？」阿瞳望住我哋兩個，「定係你哋兩個已經……」

「唔係掛！」浩然好驚訝望住我哋，「不過最近又的確成日見你哋兩個出雙入對……」

「無。」我堅決否定。

「哦……既然各位單身人士情人節無人要，不如大家開個單身狗party呢？」阿瞳好興奮咁講出好悲哀嘅說話。

「唔好搞我。」我即刻拒絕。

「點解啊？」

「因為太悲哀。」

除咗我，Shelly同浩然都對阿瞳嘅提議無興趣。

不過唔知點解白寧聽完阿瞳講嘢之後，就一直一臉呆滯嘅樣。

食完飯，我同Shelly佢哋去上堂，而白寧就由佢自生自滅。

不過入課室之前，白寧無啦啦拉住我，唔俾我入去。

「做咩？」我愕然地問。

白寧雙眼直直望實我。

「你情人節嗰日有無嘢做？」

咁仲使問嘅😂

樓主啱啱睇左您個西鐵故好正

返來睇返睇您話有夏舞外傳

但唔係好見

係咪唔會出了

比個好結局小0 同白寧

完咗呢個故寫返

結局……其實從一開始就已經決定好

啱啱做野係難pick up d

過多1 2年習慣左好好多

加油

其實係嗰陣無咩心機出久而久之就由得咗佢
依家返工係有心機但無精力

不會旋轉

哇好緊張 80

推～～

白寧甜

有J白寧甜要不

Btw 呢個故應該月尾前完之後會出外傳 同埋補返西鐵故外傳

其實我已經打緊新故 不過可能會放慢腳步 同埋想去學術台做下學術撚

咩話……？

唔知點解，我感覺到心跳加速。

「點解要情人節出街？」我不解咁問。

「因為……想多謝小凌一直以嚟對我嘅悉心教導。」

「你終於識交學費啦嘛？但係……都唔使要情人節出街㗎嘛？」我再三咁問，想從白寧口出得出答案。

「總之……」

白寧忽然變得扭扭捏捏。

「你唔好理！總之要情人節！」

白寧臉頰泛紅，氣忿忿講完之後就轉身跑走。

佢唔係我想像中男女之間嘅怕羞，但又非常緊張。

唉……算喇，俾你估得到嘅佢就唔叫白寧。

只不過……

「點解……好似係我期待緊佢講嘅嘢咁？」我不由然摸落自己心口。

＊

到嗰日，我人都未瞓醒，門外就傳嚟鬼死咁嘈嘅敲門聲。

「邊個呀？」我睡眼惺忪去開門。

「小凌，我哋今日去AIA啦！」白寧刺耳嘅聲音傳入耳中。

「去鬼咩，你唔好去到先同我講……」

當我望到白寧嘅樣時，我停止咗我嘅話語，瞬間醒咗神。

唔係因為太奇怪，而係因為……太靚。

平時嘅白寧都係頭髮紮髻，牛仔道袍，牛仔短褲，白色背心。雖然都幾襯佢傻下傻下咁款，但始終都叫做causal style。

但而家喺我眼前嘅白寧一把長髮放咗落嚟，臉化淡妝，掛住耳環，披住頸巾，上身杏色cashmere樽領冷衫，下身深啡色格仔絨毛裙，加對駝色嘅皮鞋，再拎住個白杏色嘅皮質手袋。

完全，判若兩人。

如果唔係認得佢把聲，我根本唔知……原來白寧可以咁靚。

加速