【獵殺惡魔】我係一個驅魔師，專幫人驅散妖魔鬼怪（三）

開到第3個post，應該係最後1個post喇，多謝大家一直以嚟支持
驅散神靈嘅委託結果會點？最後嘅委託又係咩？001同80可唔可以有情人終成眷屬？
所有嘢都會喺呢個post揭曉

開到Post（三），都最後啦，希望睇到呢度大家都可以畀個正皮我啦
返全職之後第一次打故，個人未好習慣，但見到有人支持時成個人動力都會返晒嚟

之前嘅Post
Post（一）：https://lihkg.com/thread/922676/page/1
Post（二）：https://lihkg.com/thread/976697/page/1

順便幫手like一like facebook專頁
https://www.facebook.com/rooooseee/

紙言打包
https://www.shikoto.com/articles/173222.html

我不斷用手肘鋤落阿瞳爸爸個肚，但佢死命將我攬實。

洗腦效果實在太強，令人忘記痛楚，甚至為所謂嘅神靈獻上性命。

我用盡全力扭轉身體，向一邊撞過去，避開死神嘅鐮刀！

「獻上性命畀Ah Puch大人……獻上性命畀Ah Puch大人啦！」

「獻你老母！」

我不斷咁向後退，將佢推到樓梯口，然後捉實阿瞳爸爸雙手，然後從樓梯口一躍而下！

雖然可能有啲痛，但總好過俾鐮刀斬死！

我面朝下方跌落地下，當我從全身疼痛回過神時，鼻腔傳嚟一陣鐵鏽味。

大概係鼻骨骨折之類，總之鼻血不停流出，不過攬實我嘅雙手已經鬆開，阿瞳爸爸似乎跌落地嗰下撞到頭暈咗。

希望佢唔會撞到傻咗。

我企起身抹一抹止唔停嘅鼻血，但人偶隨即從二樓躍下，企喺我約莫十尺前方嘅位置。

後腦被扑，身體撞落牆，鼻骨骨折，不停流血……狀態非常差，而且對手仲係自由操縱屋內一切物品嘅強大靈體。

「我……唔會……再俾……你哋……消滅！」

俾我哋……消滅？

我並無搞清楚佢話語嘅意思，下一秒人偶就舉起鐮刀向我襲來！

但佢嘅動作忽然停低落嚟。

「呢……個……係……」人偶垂低頭望落地下。

由利器喺地板上刻出嚟嘅法陣，由十個圓形法陣以及樹枝狀線條造成嘅一個樹形法陣，每個法陣之中都有刻寫唔同嘅希伯來文句子。

新po先兩篇，有人有正皮再續

Lm + push

lm

Strong post leave name

Lm

先正皮後追post

Me me me
報個到

快啲用文強姦我

咁正嘅故都咁少人推...反而d垃圾互動故就大把人推

cls

我得閒都寫下

lm

大家等唔切就瞓先今晚會更埋古神篇結局

推！新post 留名

推

「卡巴拉邪惡之樹。」

刻畫法陣嘅人企喺人偶身後，隔籬地下仲趴咗三個人喺度，係阿瞳、阿堯同阿瞳媽媽！

「專門針對魔，對魔嘅能量進行調和嘅法陣。」施展法術嘅人，穆爾泰緩緩地講。

喺基督教同猶太教，生命之樹詮釋緊宇宙原始能量——被科學家稱為宇宙大爆炸嘅奇點能量，點樣一步一步由高至低轉化為意識、能量以及物質嘅路徑。

換句話講，其實就係描繪點樣將高位存在倒退為低位存在嘅逆轉過程。

邪惡之樹係屬於生命之樹陰性嘅呈現方式，專門適用於與神相反嘅魔，但原理不變——透過樹狀圖描繪萬物進化嘅法陣，其實係一種專門弱化神與魔嘅強大法陣。

人偶停低咗落嚟，保持住舉高鐮刀嘅姿勢，但係——

一陣強大斥力以人偶為中心突然釋出，將我同穆爾泰猛然彈飛！

法陣並無對Ah Puch生效！

只有一個解釋——

「佢係貨真價實嘅神靈。」我狼狽企起身，向住大廳另一端嘅穆爾泰講。

「估唔到竟然可以親眼見到神靈存在。」穆爾泰從容笑道，但傷勢亦唔樂觀。

「你係咪有方法對付佢？」

「畀我三分鐘。」

啪嘞啪嘞——

屋內電線冒出火花，空氣躁動變得更加顯眼，猶如表現緊憤怒嘅情緒。

「點……解……要……將……我哋……趕盡殺絕？」聲音之中帶有哀傷嘅語氣，令我剎那間放鬆落嚟。

但下一秒，人偶舉起鐮刀向穆爾泰斬過去！

裝備有限，手上得一把銀刀，一支硝酸銀噴霧，兩管小型燃燒彈，同埋一支太陽燈電筒，加上傷勢嚴重，情況的確不容樂觀……

不過，要捱三分鐘仲撐得住！

我拎出燃燒彈，從背後向人偶掛住嘅面具彈過去！

人偶馬上收回鐮刀，轉身將空中嘅燃燒彈打落地下，火焰轟一聲瞬間燒著地板，又瞬間驟然熄滅。

無錯，人偶嘅弱點就係被神靈依附嘅面具！

穆爾泰手握短劍喺地下繪畫法陣，我拎出銀刀裝腔作勢向人偶衝過去，人偶見我衝過嚟，將目標轉移到我身上，舉起鐮刀不停向我揮斬！

大廳空間廣闊，我憑住敏捷嘅身姿連續避開笨重嘅鐮刀，同時我發現到一件事——

——人偶嘅左手同左腳，無移動過半分。

啱啱我有留意到，阿瞳爸爸拐嗰隻腳係右腳，而人偶嘅右腳係可以郁動。

莫非……！

嗖—！喺我思考嘅時侯，鐮刀又向我橫斬過嚟！

我俯低身避開，然後一手撳住地下跣到人偶腳邊，將組成右腳膝頭嘅木櫃一分為二！

砰一聲，人偶失去平衡跌在落地下！

我無估錯——

Ah Puch假意以神跡為名賜予自身能量畀信徒身體，再透過能量操縱將信徒身體能力奪走，然後賜予畀人偶。

阿瞳爸爸嘅右腳，除此之外Ah Puch仲奪去過其他人嘅右手、身軀，甚至頭顱……

所謂嘅神，只不過係一班將信徒視如螻蟻利用，從無愛惜過信徒嘅殘暴自私之神！

大廳傢俬撕成碎片向人偶右腳聚集，但在此之前我伸出手，將面具從人偶上剝離出嚟！

「放開我……放開我！」就連耳膜都接近震穿嘅吼叫聲從四方八面傳出。

火花四起，電光剎那間掩沒視線，再次回過神時大廳卻變成一片火海！

「法陣已經改寫好！」穆爾泰大叫一聲。

原本專門弱化魔嘅邪惡之樹，改寫為專門弱化神嘅生命之樹。

我拎起面具，跑到去法陣中心，跟住用銀刀將面具狠狠釘落地下！

「嗚嗚嗚嗚嗚嗚嗚嗚嗚嗚嗚哇哇哇哇哇哇哇哇哇哇哇哇哇哇哇哇哇！」

環繞屋內電線不停爆出藍白電光，火舌如同失控嘅蟒蛇不斷左穿右插！

吼聲震得我聽覺失靈，喺破雜嘅吼聲之中只聽到耳鳴聲，除此之外聽唔到其他聲音。

我透過讀取唇語，讀到穆爾泰講嘅話。

「呢度就撐唔住，快啲走！」

穆爾泰抬起咗阿瞳爸媽，於是我馬上將阿瞳同阿堯抬起，同穆爾泰跑到去大門前，卻發現大門緊緊鎖上！

係Ah Puch！

佢想同我哋同歸於盡！

緊張

繼續