【獵殺惡魔】我係一個驅魔師,專幫人驅散妖魔鬼怪(三)
夏舞
554
回覆
216 Like
0 Dislike
第 1 頁
第 2 頁
第 3 頁
第 4 頁
第 5 頁
第 6 頁
第 7 頁
第 8 頁
第 9 頁
第 10 頁
第 11 頁
第 12 頁
第 13 頁
第 14 頁
第 15 頁
第 16 頁
第 17 頁
第 18 頁
第 19 頁
第 20 頁
第 21 頁
第 22 頁
第 23 頁
味醂蠔
2019-02-20 20:01:22
轉圈轉圈哈姆共你
2019-02-20 20:20:15
白寧
星塵散落
2019-02-20 22:10:56
好想有呢身打扮既示意圖
夏舞
2019-02-20 23:25:36
「嗯?小凌?」白寧緩緩張開搽咗淡粉色唇膏嘅嘴唇。
我捽一捽眼,然後話:「原來你都識打扮。」
「你真係夠無禮貌。」
仆街,點解平時我用喺佢身上嘅對白,而家會自己食返?
我唔明白。
一時間打扮咁靚,令我不知所措。
我係咪應該要打扮返型啲,配合一下呢個傻妹呢?
喺衣櫃左搵右摷,嚟嚟去去都係得皮褸同牛仔褸,而且我亦唔鍾意著恤衫,天氣凍最多都係著樽領衫,主要係夠方便。
唔係……係白寧平時太奇異,我衣著一直都好正常,點解要煩惱咁多?
我同平時一樣穿搭,入面著件黑色樽領衫,出面皮褸牛仔褲。
梳洗完之後,就行到坐喺梳化等待我嘅白寧面前。
「行啦。」
「嗯!」白寧好興奮咁企起身。
沿途一路行,我都有不時偷望白寧。
的確……有種魅力,如果就咁望嘅話。
「到喇!」
都未行到,淨係見到離遠摩天輪喺度轉,白寧已經興奮咁指住大嗌。
我哋去到購票處買咗兩張成人門票外加一堆代幣,然後就入咗去玩。
夏舞
2019-02-20 23:26:05
「我要玩轉轉轉,然後打韆鞦,再玩過山車!」白寧拉住我手臂。
「喺度玩呢啲好嘥錢㗎,上次海洋公園又唔去玩。」
「因為……」白寧有難口言咁樣。
係喎,唔記得傻妹上次為咗陪小明小朋友,幾乎全程都喺度玩兒童機動同睇動物劇場。
「好啦好啦,去玩啦。」
「嗯!」白寧二話不說,翹住我隻手行過去。
而且,手肘好似感受到柔軟嘅觸感。
翻譯返白寧嘅話,我哋先去玩瘋狂旋轉,然後飛天韆鞦,跟住係圓形過山車。
「小凌,你做咩好似食咗屎咁樣?」
「我無。」
「上次海洋公園你都係咁,其實你係咪驚?」
「唔驚。」
「咁我哋玩多次過山車啦!」
「你食屎。」
雖然今日白寧打扮非常有女人味,但行為動作一下子就暴露佢稚氣嘅內心。
最初識佢時只會覺得佢係一個白癡,但相處耐咗,唔講外表嘅話其實佢真係幾似一個細路。
「不如我哋去玩攤位遊戲呢?」
白寧指住場地中間一連串攤位,裡面有各式各樣小遊戲,仲掛住好多公仔。
我諗起白寧屋企裝裝潢非常少女心,擺放好多公仔嘅房間。
「其實你係想要堆公仔啫。」
夏舞
2019-02-20 23:26:35
玩完一輪機動遊戲,我哋加埋仲有三十個代幣。雖然白寧係白癡,但以我驅魔師嘅身手應該好輕鬆掟到公仔返嚟。
「嗚……」白寧嘟起嘴巴。
最後一粒波從桶入面彈出嚟。
「唔係,唔應該係咁……」我無法相信眼前情景。
點會下下個波都彈出嚟?一定係個桶入面有怨靈作崇,最衰今日我出嚟太趕緊,唔記得帶con同驅魔工具。
之後,我哋去咗玩碌齡、釣魚、angry bird、掟飛標……差唔多咩game都玩晒,甚至充咗兩次錢,但雙手依然空無一物。
「周圍啲人對呢個狀況竟然視若無睹,唔係掛……唔通Ah Puch竟喺AIA復活,洗晒呢度所有人腦?」
「面對現實啦,呢度一隻亡魂都無呀。」白寧死魚眼望住我。
最後五個代幣,再玩落去真係會破產。
當我對人生失去希望時,面前出現一個攤檔,而且入面掛住嘅全部都係特大公仔!
「白寧。」我拍一拍佢膊頭。
「嗯?」
「望唔望到嗰度?」我指過去。
白寧望過去,呆咗咁話:「哇!好多狗狗公仔!」
「想要?」我再問多佢一次。
「嗯!」白寧雙眼重燃怒火。
目標一致,我哋一定要掟到嗰隻巨形狗狗公仔!
若不成功,就便成仁。
轉圈轉圈哈姆共你
2019-02-20 23:38:55
睇字都覺得貴
愛麗絲Alice
2019-02-21 00:50:17
見到80咁打扮 再諗起佢姓官
唔知點解突然覺得佢幾有氣質
小0嘅打扮都好正
係我鐘意個type
病態怒屌南韓
2019-02-21 01:02:07
80
夏舞
2019-02-21 01:36:05
聽日搵下先
星塵散落
2019-02-21 02:06:02
夏舞bb最好
淥死誰隻手
2019-02-21 02:50:04
可能年代口味唔一樣,
白寧我第一個想到係 眉者無疆入面o既李一筒
而若兒就似劉亦飛
淥死誰隻手
2019-02-21 02:50:43
要有仙氣,不食人間煙火個隻
夏舞
2019-02-21 09:34:02
氣質美女80
夏舞
2019-02-21 09:34:24
夏舞
2019-02-21 09:35:55
劉亦飛都有諗過 但好似太過成熟 搵唔到佢比較young嘅打扮
夏舞
2019-02-21 17:42:04
呢個攤檔係汽水圈,我哋要將直徑稍微大過汽水樽嘅膠圈拋過去套住汽水樽。
睇落雖然好易,但實際上好難,而且呢啲攤檔遊戲通常經過精心設計,令人好難掟得中。
不過,為咗尊嚴。
「為咗公仔。」白寧大嗌一聲。
我哋一定要掟中!
哐啷哐啷哐啷哐啷——
我哋用最後五個代幣買咗一桶膠圈,然後喺嘈雜嘅汽水樽聲之中搵個空位,開始不停拎起膠圈向汽水樽拋過去!
哐啷—!
哐啷—!
哐啷—!哐啷—!哐啷—!哐啷—!
「喂!唔好亂掟先得㗎!」我一嘢拍落白寧個頭。
果然係呃錢game,膠圈太細,加上係橡膠膠圈,基本上只要稍微唔準就會彈走。
就算身為驅魔師,身為敏捷嘅我,要玩呢啲需要極度精準同靈活嘅遊戲都唔容易。
倒不如講,運氣比技巧更重要。
「啊啊啊啊啊啊!中咗啦!」
我隔籬嗰個師奶指住汽水樽上嘅膠圈,大聲尖叫。
仆你個街。
夏舞
2019-02-21 17:42:31
但運氣唔係一樣實質控制到嘅事物,佢只係一個概率,唔會因為你祈一祈禱就會變得好運。
已經拋咗大半桶膠圈,但都仲未拋得中一個汽水樽。
「剩返最後五個膠圈。」我望向白寧,「我哋輪流掟埋去。」
「嗯!」白寧先拎起一個,然後拋過去。
哐啷—!唔中。
我又拎起一個,再拋過去。
哐啷—!唔中。
哐啷—!白寧再拋一個,唔中。
哐啷—!我又再拋一個,都係唔中。
白寧拎起最後一個膠圈,但準備拋出去時我撳停咗佢。
「一齊拋。」我將手搭喺佢手上,「最後一個唔俾你拋。」
轉圈轉圈哈姆共你
2019-02-21 18:37:52
好sweet呀
海上的瑩
2019-02-21 19:03:38
加速
煮酒清雨後
2019-02-21 19:09:51
push
山捉牛肉球
2019-02-21 19:51:14
「小凌,你做咩好似食咗屎咁樣?」
夏舞
2019-02-21 20:17:34
「……嗯。」白寧燦爛微笑,「好呀。」
我哋一齊拋出最後一個膠圈——
哐啷—!
膠圈同汽水樽碰撞,發出清脆嘅玻璃聲,然後——
「……中……中咗啊!」白寧拉住我手臂,興奮到跳起嚟,「小凌!你睇!」
膠圈啱啱好卡住咗樽蓋位,跟住慢慢滑咗落去。
唔通……奇蹟真係存在喺呢個世界?
明明只係攤位遊戲,但當職員將半身大嘅狗狗公仔抱到我哋眼前時,我嘅嘴角不經意向上翹起。
呢種……係幸福嘅感覺。
「小凌,多謝你。」
白寧攬住狗狗公仔,臉上掛起十分歡喜嘅笑容。
「如果無小凌同我一齊拋,就未必掟到呢個公仔返嚟。」
又再次心動咗下。
原來幸福嘅感覺係咁美好,而家嘅話……大概應該可以?
我將視線移埋一邊,然後話:「就算今次掟唔到,你想要嘅話下次我都會幫你掟。」
「真係嘅?」
「嗯。」
「啊!係喇,我差啲唔記得!」白寧將狗狗公仔遞過嚟,「小凌可唔可以幫我拎住先?」
我單手接過半身大嘅狗狗公仔,而白寧就從手袋拎出一個粉紅色膠袋。
「嗱,畀你。」白寧將粉紅色膠袋遞畀我。
我接過膠袋,從膠袋拎出一個錫紙盒。
大概唔使問,都知入面係啲咩嚟。
我將狗狗公仔掉返畀白寧,然後小心翼翼打開錫紙盒——
無錯,果然係朱古力。
只不過,呢塊……唔係,呢一大舊朱古力有啲奇怪。
夏舞
2019-02-21 20:17:56
「我聽Shelly佢哋講情人節要送朱古力畀男仔,所以我特登請教佢哋,然後自己整出嚟㗎。」
呢舊……係一比一匕首形狀嘅朱古力,不過凹凹凸凸,仲已經溶咗一大半。
「啊!點解會溶咗嘅……」白寧嘟起嘴,一臉可憐望住自己嘅作品。
仲要咁大舊朱古力,你期望我可以點食?定係其實係拎嚟斬人?
唉……算啦。
「小凌,你——」
「好食。」
我徒手拎起呢舊黏手到不得了嘅朱古力匕首,放落嘴咬。
好甜,好膩,而且……呢舊係金莎嚟。
「真係好食?」白寧愣問。
「嗯,不過咁大舊,你同我一齊食。」
我一嘢將朱古力匕首塞落白寧個口,佢嗚嗚聲咁叫,食到成嘴都朱古力。
第 1 頁
第 2 頁
第 3 頁
第 4 頁
第 5 頁
第 6 頁
第 7 頁
第 8 頁
第 9 頁
第 10 頁
第 11 頁
第 12 頁
第 13 頁
第 14 頁
第 15 頁
第 16 頁
第 17 頁
第 18 頁
第 19 頁
第 20 頁
第 21 頁
第 22 頁
第 23 頁
吹水台
自選台
熱 門
最 新
手機台
時事台
政事台
World
體育台
娛樂台
動漫台
Apps台
遊戲台
影視台
講故台
健康台
感情台
家庭台
潮流台
美容台
上班台
財經台
房屋台
飲食台
旅遊台
學術台
校園台
汽車台
音樂台
創意台
硬件台
電器台
攝影台
玩具台
寵物台
軟件台
活動台
電訊台
直播台
站務台
黑 洞