後記
三個月,呢三個月除咗開始呢個故之外,仲開始咗全職工作,諗返起其實真係好攰,有時出job更加要朝做到晚,每一日都係趁放工空餘時間打故,所以搞到有啲出文都唔係咁穩定。
如果大家記得嘅話,呢個故本身半年前就出咗,但兩個禮拜之內就爛咗尾。原因好簡單:因為無咩人睇
我唔係嗰種要搏名利出故嘅人,喺連登都出故兩年,又成日睇故,其實好清楚有啲咩類型嘅故會多人睇,但我唔想搞到打故變返工咁
當現實已經要幫人做狗,到網上梗係希望自由咁做自己想做嘅嘢啦,但奈何出嚟之後又有種壓力,因為始終受歡迎程度比起之前嘅故出入太大,無論係正負皮定推po速度,咁梗係有種壓力,呢種壓力會令我質疑自己點解會咁呢,係咪文筆唔夠好,開頭太差,題材太冷,標題起得差(西鐵故已經咁俾好多人話過
)
話就話做自己嘢,但實際成績出嚟,梗係降低咗成個人motivation
當起身見到一堆新正皮同回覆,個人都即刻有energy繼續打,當起身最後回覆時間係12hr前,個心都自然石沉大海
不過最後都堅持落去,因為我知仲有一班會睇我文,日日嚟留言,仲有一班雖然無留言但都有睇文嘅人,更何況自己鍾意呢個題材,就要對佢有信心……如是者今日終於完結呢篇文
完結撒花
有唔少巴打都發現呢個故用咗好多宗教作設定,入面一大堆超自然設定,其實有80%都唔係我作出嚟,而係唔同宗教同科學假想理論組合而成㗎
完呢個故之後,如果未諗到新故,可能會出下呢方面嘅短文唔定,睇下點啦
至於呢個故雖然Ending,但仲未完晒㗎,唔好咁快del留名住,仲有一篇番外同True Ending
會呢幾日不日更新,某幾個角色嘅結局會喺番外同True Ending公開