經濟完全無問題，各自各都有層樓，經濟獨立
一齊咗4年，有咗先結婚，自問真心鍾意佢，佢呢年好似失控咁隔段時間就鬧情緒，佢話我咩都唔做唔理，我地分咗工我就煮飯洗碗浪衫同掉垃圾，佢負責個仔大小事
佢投訴:
一) 佢沖涼嗰陣個仔喊，我掛住打機唔理佢(我以為佢就沖完所以冇理到，成日一沖就半個鐘
)二) 佢成日投訴我唔記得熄廁所燈閂廁所門熄爐(我有時真係唔記得，但我都有慢慢改，佢有時有啲唔記得咗，我都幫佢做翻啦，我覺得呢啲小事唔洗計既，幫對方整翻好咪算囉，做咩要成日計住？
)三) 啲家務推到好遲先做，然後佢做埋我嗰份，同呢排食咗好多餐外賣(有時想抖下打陣機第二日先做，佢自己做完竟然嬲翻轉頭
，我話咗煮飯，但突然好攰所以先叫外賣一係就佢煮，佢又話湊咗成日仔好攰，話唔鍾意食外賣，佢一直話請工人佢比，但我唔想有個外人喺屋企)(屋企人都喺外國，得我地喺香港)四) 話我雙重標準，我睇佢電話就得，佢睇我就唔得(我不嬲唔鍾意人地睇我私隱，有時佢做啲小動作引我睇佢電話，我八掛無聊先搶黎睇，點知係無聊野，佢話佢冇做小動作
)五) 話我從來都唔慶祝冇送過任何野比佢，上次生日陪佢出去食野，我叫佢帶蠟燭火機插落啲野度吹，但野食到咗嗰陣我掛住玩電話唔記得咗，佢特登食咗一半先提我(其實佢第一日識我就知我唔鍾意慶祝嫁啦，宜家搞埋啲屎忽花話咩都冇收過唔開心，我叫佢睇中啲咩就買，我比翻錢，佢話想我揀有心思啲，但買咗啲唔岩心水既野咪仲無謂
)六) 佢話我大肚嗰陣唔比佢出街，宜家生咗都唔比佢睇我足球比賽(我覺得我地仲係太細同未婚懷孕，成件事一啲都唔馨香，成日攞個b出黎做乜？由拍拖到生仔一直都冇公開過，係得最close嗰幾個friend知，有咗嗰陣其實我係唔想要既，唔係唔鍾意佢，係覺得我地20中仲係好細同埋湊大一個細路太大責任，逼佢揀要我定個bb，佢問我點解要佢二揀一，話唔想殺咗個生命所以要bb，寧願做單親都唔要落，當初係佢話安全期叫我唔好用套，點知中咗，最後我地硬食咗同佢結婚啦，仲想點？)
就係因為比賽呢件事，佢話要離婚，佢話佢一直都覺得自己同個仔唔見得光，好多野就我就得好辛苦，但其實我有時都有就佢啦，以前明明咩都唔會say no，宜家就咁情緒化，郁啲就喊，頭幾次都有tum既，但之後覺得好煩，成日小事化大，等佢自己冷靜完再講
我應該點做？
我好多friend都衰係呢招度