唔係我自己請o既工人,係屋企人,為左照顧兩個老人家。
第一個,4x歲 仔大女大冇經濟壓力,只係係香港打左咁多年工唔想停。
老屎忽自然走精面,tum到我呀麻好滿意,但對住我其中一個姑姐(都係算老人家,但皮氣臭,潔癖同難相處) 因為平時打理間屋係佢,所以發命令個個都係佢。 咁唔使講老屎忽點會忍你,其實呢位工人姐姐算唔錯,有經驗有交帶,同我地咁多家人相處都冇問題,仲會洗返錢送禮物或久唔久請我兩個女食野。所以除左呢位姑姐水火不容外, 其他人都當正佢自己人。 可惜人地唔憂錢,最後都係頂唔順要走,留唔住。
第二個係大學生,後生女有材華個隻,文青女feel . (樣唔靚,不用幻想) 應該係想賺錢再找夢想o既乖乖女。 我呢位姑姐就唔多講了,唔會變, 其兩老可以但又先入為主唔太滿意。
對我2個女超好, 又有學歷教到佢地工課,但就唔識走位同比較硬直,全家對佢感情麻麻,捱左2年就走了。
第三個係飯桶,煩左半年炒佢,但發哂癲求我地唔好炒,唉! 好驚佢痴係上黎唔知做乜。
結果。。。
第四位, 靚妹仔, 細細粒渣刀都冇力,但幾好樣
, 因為怕本身個工人發癲,加上屋企人年紀都大,家族上係又多workload 大,所以請多個幫手。 呢個靚妹話佢好做得野咩? 唔係,該偷懶的佢唔會同你客氣,同埋一件飯桶係到比佢玩,所以佢都幾hea. 但呢個靚妹堅係聰明,可能後生轉數快,好識刷鞋同走位,連我呢個最惡頂姑姐竟然搞得掂,仲可以駁嘴串返佢轉頭都冇事。 其實其他家人本來唔太喜歡佢,因為太走精面,連我2個女都唔太痴佢,反而喜歡痴個飯桶。 當然佢刷我兩個女刷都唔少,但見佢真係幾醒目我都冇乜意見。
如是者咁就過左4年,隻飯桶基本上都交左比個靚妹做呀頭, 感情都如ok深厚。兩老先後唔係到,無需要兩個工人24小時on duty .
咁開刀o既一定係飯桶,冇左條靚乜都佢一個頂哂自然辛苦, 雖然我呢位惡頂姑姐早就被佢當羊古咁耍,但氣還是要受的。捱左一年就話返鄉下結婚了。 我仲問過佢返去習慣咩,做乜唔係香港揾條毒撚埋單( 講堅,除左黑同細粒,樣同身材都唔錯) 仲有諗過過檔我自己請佢繼續照顧我2個女。 不過老婆唔太願意同埋我都唔想發夢出咩事
就打消諗頭了。
第五個, 老人家又發功了, 樣樣揾條靚妹黎比,其實大家都知,把口就臭,但佢早就當左條靚妹係自己人,又轉新人點會慣,其實我地都超煩,人老固執,點講都唔肯聽,咁下去换幾多個都唔會和平。最後。。。
都係换返隻飯桶返黎先叫捱到而家。。。
但我到而家都唔明,點解今日仲可以去樓下買野都行錯路,做乜都天一半地一半,唉算,細路都大了唔需要太多workload , 老野唔出聲就算。