第一位本地完約：工人俾agent呃左冇返鄉下直接到我屋企工作，黎我屋企第一日就問幾時俾佢返鄉下，因為第一次請工人完全冇經驗點處理，工人就每日唔願工作同扮唔識聽廣東話，做左一個月我炒佢，臨走工人用流利廣東話問我攞機票錢
第二位本地斷約：斷約原因前僱主唔鐘意工人太靜唔同小朋友傾計，我屋企係照顧老人家既，所以靜d無所謂，對比4次請工人，呢個做野普普通通唔叫好但唔叫差，所以做左6年，臨想續第4份約前診斷左患上肺結核同痛風症，講真做左6年都當佢半個屋企人，我地想佢醫好d病繼續同佢續約，佢唔肯食藥同出面d姐姐講我迫佢食藥，佢老公叫佢回鄉所以冇續約，後尾聽返d朋友姐姐話佢又返黎香港工作，但弱弱一問有肺結核病患仲可以返黎香港做新約架咩？香港無機構監控架咩？
第三位本地完約：本身我地屋企係印尼華僑，老人家可以講印尼文同工人溝通，已經對agent零信心既我搵左同樣係華僑既遠親agent幫手，但估唔到呢個世界太黑暗，呢個遠親agent唔熟唔食，水左我一個係香港做左2年好新手唔識廣東話既工人俾我，呃我話係佢仔屋企做左2年，後尾問返個工人先知係佢自己係出面做左2年，自己搵上佢個仔間agent公司搵工，呢d叫‘係佢個仔屋企做左2年’？any肥做野冇問題就算啦，結果因為太新手好多野唔識做，炒個餸都唔識，因為我唔識溝通，日日用google translate 教佢做野，最慘佢好無記性，同金魚一樣擁有3秒記憶only，拖地濕左個地拖輕輕係地板畫過叫拖地，教佢拖地要用力仲要俾佢串我以前個僱主都冇理佢點拖，煮餸太難食老人家拒食冇同我講結果營養唔夠經常病入左3次醫院，第一個月我已感到不妙時已同agent講唔會繼續用，但agent勸我俾佢做3個月等工人還到agent費先，同時我又可以繼續搵到新工人到家先唔用佢，但其實佢做左3個月，其中1個月我日日教佢，最尾果1個月已經唔敢俾佢掂廚房，實則我自己都做左2個月工人。。。
第四個本地完約：今次搵左間大公司（黑店）入面幾個熟人介紹用開既agent，個工人醒既但做咩都係做一半冇手尾，要我跟進，唔記得野係常見，清潔標準好低，基本上同無清潔過一樣，碗最後要洗2次，個人衛生都好差，其實佢做野都算差，最神奇既係日日扭屎忽花，10/1 姐姐第一天上班，13/1 姐姐說不做，14/1 agent說姐姐做，15/1 姐姐說不做，16/1 agent說姐姐做，24/1 姐姐說不做，姐姐話係agent迫佢繼續返工，佢唔開心，所以每日做野都唔集中精神做野。今日會鏟上agent公司問清楚。
我係不同group請教過應該點做，大家既反應竟然係同我講算我唔好彩、大把人都中招、香港法例保障女傭等等。。。
講真我請女傭只係因為有需要而唔係買花戴，呢3-4個月我前後都使左差不多5萬都請唔到個正常工人，agent一味識收agent費，有問題起上黎人影都無隻，我好想擺脫要繼續請工人既困局，諗過俾老人家住2萬個月既私人安老院但老人家唔鐘意，諗過請鐘點但經常要出trip屋企冇人過夜睇住又唔得，我已經無計可施，而家俾工人咁折磨法日日失眠同頭痛，準備去睇心理醫生了
如果大家有咩好計請提議下俾小妹，而家準備打去agent公司嘈爆佢地先
