[極多圖遊記]N前年土耳其乜都唔book就出發之旅[多貓]

lm

無人睇

等緊巴打post day7

有人睇無人留言啫 快！

好想睇呀

DAY7

基本上全日都搭車渡過 同韓國仔一齊去Cappadocia搵返個香港朋友
由於Safranbolu去Cappadocia太遠，所以要喺Ankara轉車，轉車期間要等幾粒鐘，所以無咗一日
無咩特別啦，不過值得留意係Ankara去Cappadocia中間會有個休息站停一停車，呢度係土耳其一個大鹽湖Tuz Golu，講起鹽湖最出名當然係眾所鳩知嘅玻利維亞天空之鏡啦，我諗每間巴士公司都會喺呢度停，我見好多大巴士都停咗喺度，司機話停大約15-20分鐘，因為停之前個幾鐘時間都係貼住個鹽湖邊行覺得好靚
一停車我同韓國仔就跑過去鹽湖除鞋瘋狂影相 把握時間幫對方影相，影完再狗衝返上去上車，成腳都係鹽 全程車都係咁抹腳覺得對腳好鹹，好後悔無帶拖鞋


加多段搭車小插曲，隔離位我都唔知係兩母女定兩婆孫，但個細路女好乖咁同個女仔全程逼住同一個位，我瞓完又起身食下零食，見佢望下我又幫下包零食 同佢講下野啦，一大一細望住我表示聽唔明
比埋零食你食下啦，即刻明晒
就係咁同個細路女share咗包零食，婆婆同佢講咗句野，佢埋嚟錫我塊臉 嗚呀係人生唯一一次艷遇呀
幫佢影張相留念先，咁多年個妹妹都應該大個女啦

差唔多日落終於到Cappadocia，無記錯係再轉咗程車先到Goreme，Goreme係Cappadocia入面最受歡迎嘅一個鐘，根據香港朋友留比我地嘅資料去車站附近個遊客服務中心，同佢講返間Hostel名（佢已經幫我地留咗兩個位），Hostel就會揸車過嚟載人
服務中心好似係同成個goreme地區啲hostel同hotel合作晒，你入去睇相慢慢揀都得，其實間hostel行品都係5分鐘好近，係一間專統cave house，去到Cappadocia你住得高級又好低級又好都係Cave House㗎啦



成個Cappadocia都係呢啲奇形怪石，古代開始啲人就已經利用呢啲石嚟起屋

食個晚餐唔記得咗係咩

食完去服務中心拎資料，因為唔打算坐熱氣球，就問下邊度可以上到山仔睇日出，佢教我地行大約15分鐘到上到，日出日落都睇到，如果有巴打要去問佢地Sunset point應該會去到
之後就早啲瞓聽日睇日出同報咗Green tour
Day 7 完

多謝各位仲睇緊嘅巴絲
嚟緊連續5日返工都由朝踩到晚未必抽到時間update
今日盡量打多日先

DAY8

天未光就同香港朋友出咗去等日出

已經無咩好講，日出時過百隻熱氣球升起個畫面真係靚到跪喺度，絕對係世界上其中一個最靚嘅畫面




睇完好滿足返hostel食早餐等green tour出發
hostel都係25TL一晚包早餐

如圖所見咁豐富，麵包任拎，茶同咖啡任飲
食物個個一樣，西瓜，青瓜，蕃茄，雞蛋一隻，唔知咩腸一大塊，芝士一大舊，加一堆土耳其盛產嘅果乾，（好多靚嘅杏脯乾同無花果乾都係出自土耳其）
大部分Hostel早餐都係呢啲配搭 健康又好食
呢度食早餐好易識到朋友，大家都會互相傾計交流，有個黑超韓國仔痴過嚟傾計，原來佢都係報咗Green tour等出發（我地經hostel報，價錢係40Euro），Green tour架車會順住接晒唔同hostel嘅客人
介紹下Green tour先，因為Cappadocia真係好大，基本人遊客都會join local tour去參觀，比較出名係Green tour，Blue tour同Red tour
Green tour好似係最貴，包晒所有入場同一餐lunch，我揀Green tour係因為行程有個地下城市好吸引
好啦出發，同hostel係兩個香港人同兩個hostel，上到車就同其他人互相認識下，有對情侶係日本仔配吉爾吉斯女仔，吉爾吉斯相信好多人都唔知喺世界地圖邊度 唔緊要，重要嘅係一個五官標緻嘅女仔
另外一對情侶個女仔好似JJ，蒙古人嚟，無錯，佢話蒙古人個個都真係識騎馬 傳聞證實
另外仲有一個馬來西亞原住民男仔，由於其他人都係情侶關係，我地5條毒撚係特別frd
第一站係例牌觀景位





第二站係Derinkuyu Underground City，最期待嘅地下城
呢個係已發現嘅幾十個地下城入面最大規模
成個地下城係千幾年前（可能仲耐）基督徒比人追殺而起，深5-60米，最少有15層，住到成兩萬人 真係唔撚知點起到，入面有起居室有學校有廁所有倉庫有酒窖連墓穴都有，真係歎為觀止，可惜太暗無咩點影相，真係好壯觀！


再行一站就去行下峽谷Ihlara Valley
開始行之前食個lunch

不過不失啦都係為求飽肚，好有土耳其風味咁啦，食飽就上路 全程行1.5-2粒鐘





再之後就去修道院遺址 Selime Katedrali Monastery

當時21歲仔嘅我第一次見到雪山係好興奮，即使只係得好少雪



導遊大叔唔知做咩抱起咗個馬拉仔
呢度其實好大好多野睇，不過好多相又係無咗，完全係喺個石山入面起咗一座完整嘅教堂，入面仲有好多雕刻
閒閒地一個景點都有千幾年歷史
最後一站係pigeon valley
Pigeon valley係真係用嚟養Pigeon，用嚟比當時教徒傳訊息同食咗啲鴿 都係嗰句，唔知佢地點撚樣跑到咁高鑿出嚟


出賣韓國仔 日落前返返hostel，又走上sunset point睇日落


繼續同香港朋友同兩個韓國仔一齊食晚餐，香港朋友聽日一朝早就出發去佢下一站（之後同一年嘅9月又同佢去咗印度旅行 ）

呢個Pottery Kebab 不得了 成功取代雞肉飯成為我最喜愛土耳其食物，呢個係Cappadocia特產，佢係將類似將啲牛尾湯同牛肉放入個陶瓷入面，每次上枱都喺你門前扑爛個陶瓷
配埋個油飯好正
因為土耳其差唔多餐餐食啲野都好乾，所以食到有汁嘅野得別感動
DAY8完

有貓正評
曾經想將土耳其做歐遊第一站 不過最後揀咗荷比盧

貼漏咗兩隻貓補返

比利時會唔會好悶？
對於盧森堡完全no idea

熱氣球好撚正

想問下係咪隨便一座山仔都可以睇到咁靚

cave houses 幾錢一晚?

應該有返少少高度都係睇到差唔多景

25TL一個床位包早餐，當時兌率即係100港紙
亦可以比貴少少住單人房

想問下去最好d錢點帶? usd euro同try

當年去土耳其真係日日都會俾人捉住一齊合照，
初初都驚驚地，無嗱嗱五六個人走埋嚟，
後尾先知佢地其實好熱情

有次食完一間餐廳，
個老闆拎住支花追咗出嚟話希望再見到我嚟食飯
不過我都係鐘意同聲同氣香港人所以友誼地擁抱咗下講咗聲多謝就走咗

仲有買手信，有幾個土耳其妹妹幫手講價真係好Nice。之後仲試過當地土耳其浴，初初真係好怕醜，結果入到去見大家都光脫脫就覺得好新鮮
同其他本地姐姐仲有其他國家鬼妹仔裸身坐係度傾計，諗返起真係好美好嘅回憶

仲有好多好多嘅好事，
土耳其真係好值得去！

我都係希臘搭架船過境土耳其(科斯），
可能我大鄉里，
入境嗰陣我係「咦？咁就過咗架啦？」
因為真係一間細房得幾個counter咁，
仲見到有個阿嬸拎住買咗嘅餸籃出境

不過希臘除咗啲景同古蹟，
好多希臘人真係
治安仲要好差

正評俾貓
去土耳其差唔多已經係十年前, 當年去每一個景點都俾人捉住影相
好記得係藍廟行行下有十幾廿個人(無誇張)衝埋黎叫我影相, 我最初以為係搵我幫佢地影團體照, 點知原來係要同我合照
當時其實係好驚, 唔知係咪想偷野定呃錢, 不過又無乜野

去到Cappadocia, 我係到影D石呀山呀咁, 突然又係一班人走埋黎要同我影相, 影完團體照仲要一個個分開我同合照, 我就企係個到成十分鐘俾人影相, 仲旺撚過個景點
後尾頂唔順同佢地講我要走啦唔影啦, 條友仲同我講句"fuck you"

唔知係我唔識揀定點, 我去咁多日全部野都好撚難食
米布甸甜撚到仆街, 煎魚聞落好香但食落無味, 仲要有"好有土耳其特色"既醬定唔知乜鳩
第一次去旅行去到每餐都好怕食野

我都join左d tour去underground city, 入面真係超級窄
有個鬼佬好撚肥, 行到一半佢真係入唔到去, 佢嬲撚到仆街

btw 依家tl 即係try 對港紙好低
咩原因

之前土耳其拉左美帝個牧師，美帝制裁完一下打沉左土耳其 呢幾個月暴跌
建議用euro,去到當地好多城市都唱到，用到咁上下就再唱

土耳其男人好鹹濕 絲打好易比人抽水
有對比之下對希臘人真係完全無回憶 Mykonos d餐廳仲要全部貴到仆街，嬲嬲地同韓國仔去士多自己買野返去煮

我食過最伏一餐係自己攞嚟 見到燒雞上面係乳酪醬諗住試下，點知難食到喊
幻想到個肥佬畫面 好彩佢無夾硬入去，唔係要搵救援隊喺入面幫佢減肥先走到

睇緊 支持樓主

D榣好靚

睇完再留言支持

土耳其可放入bucket list