[極多圖遊記]N前年土耳其乜都唔book就出發之旅[多貓]

推

留名
啲相好靚好想去當地睇下仲有貓

兩星期夠用，我係hea遊先用成個月，我無plan好船期淨係搭船轉船去Mykonos都用成3日去Santorini留成4日有一日坐喺coffee shop坐咗大半日
雅典唔係真係好想睇巴特農神殿可以唔洗去，睇古蹟去Efesus睇仲正
通常去希臘都係為去Santorini + Mykonos啦，兩個島搭飛機去唔洗得幾多時間

DAY 15

一朝早就有車過嚟載人去玩Paragliding，即係滑翔傘
好多人朋友睇相以為我去玩Skydiving，其實唔同，Paragliding安全好多，係上到一個好過嘅山上面有個大斜路，你揹住個傘同教練一路向前跑就會自然飛起，因為個傘係一直打開，唔怕有咩意外佢打唔開
而Skydiving係要由飛機上跳落去，freefall一分鐘先會由教練打開，土耳其好似都有skydiving玩，不過當時連熱氣球都擔心唔安全嘅我又點會夠膽玩係過多幾年膽大咗先去紐西蘭填返呢個bucket list

就係呢個斜路衝落去，睇返資料個山大約兩千米高，一飄起咗就飛大半個鐘到一個鐘先落地，期間教練會控制個傘同你玩下花式，e.g.傾向某一邊係咁自轉
全程可以自己帶電話同相機，教練亦都會用gopro幫你拍片影相（收費都唔算貴，值得買）

奉上小弟美腿一張

真係好！撚！靚！
個海啲水係藍到螢光咁樣，真係多得借錢比個巴打先喺佢口中得知有呢個地方

最後喺條好多人行嘅路降落
之後返返Fethiye執野搭車去Pamukkale棉花堡

碼頭啲水都好清

搭車去Pammukale途中隔離位又係細路女，我真係好有細路女緣
佢老母全程瞓覺，佢坐喺老母大脾度望住我食零食，之後我放幾粒喺張餐盤度，佢即刻食，一路放一路食見佢咁鐘意就索性成包隊比佢食，食到佢老母起咗身係咁同我講唔好意思

到咗又係搵hostel時間，問咗幾間都係車站隔離最平，20TL包晒成間6人房，仲要有泳池，因為大部分人去棉花堡都係早車去睇完夜車就走，所以好多hostel都係空，我仲要去住兩晚其實加多 10TL已經有單人房，不過間6人房都無人住，仲抵

佢夜晚仲有6TL BBQ buffet
checkin完都天黑，出去兜個圈望下星就瞓覺


DAY 15完

去啦包保唔會後悔 消費低風景靚又有人情味
完全係貓撚天堂，每日見到不下廿隻貓，全國貓都攤開個肚任你摸

好多貓

加速

交通係唔係都係巴士多？d交通應該都選擇唔多，d資訊都係係旅遊書到有？

係其實土耳其長途巴士好成熟，選擇都幾多，一般長途巴士熱門路線最少都4，5間公司做
旅遊書資訊好全門，但係而家網絡資訊咁發達應該唔洗旅遊書都得
間間hostel都會有wifi

我都想加速出埋希臘但係返工由朝踩到晚係放假先得閒update下

唔該哂問埋最後一個問題 你係backpack定拖喼

Backpack個人覺得揹背囊周圍搵住宿方便過拖住個喼，始終有部分地方可能會有沙石路，如果拖喼應該會幾辛苦

DAY 16
全日睇棉花堡

Pamukkale除咗行棉花堡，其實可以話係絕對絕對無野好行，車站附近就一條街仔，幾間餐廳，紀念品店都唔多。
不過我覺得棉花堡都已經值得用一日去慢慢行慢慢睇，因為上面個Hierapolis古蹟群好大好正而喺棉花堡等睇佢個日落都好靚

簡單介紹下棉花堡啦，棉花意思就係全白嘅石灰岩，加上佢有溫泉水令到全白嘅一大片石灰有一個個湖水藍咁嘅湖，總之就係充滿少女心嘅配色
不過因為早幾十年大量旅館走去抽走溫泉水，加上大量遊客著鞋走嚟走去，好多白色位都發黃晒，政府突然發現要保護佢所以實施一系列措施，包括禁止商店抽溫泉水同要除鞋先比行成個石灰岩區（但棉堡內仍然比遊客著泳衣浸水）
同樣景色有支那黃龍風景區，不過支那政府醒覺得仲遲加上偉大嘅中國人民係唔會見到任何警告字句，所以有人話黃龍仲靚，五十年前或者係嘅
介紹完，去相







一路上到去有一個要收費嘅泳池，我屌個泳池係直接喺個古蹟上面

見唔見到池底，係遺蹟嚟呀
再上面就係Hierapolis古蹟群，真係好大，認真行起碼可以用幾粒鐘慢慢睇


梁國雄議員召喚有個Bikini鬼妹就咁喺條路度行

睇得到好多都變黃緊
當然要搵位影靚相都有，保存得較好嘅位置已經圍起晒






睇埋日落就返返去搵野食


晚餐真係屌你老味中大伏，諗住見到有個燒豬肉片飯配乳酪醬咁得意就試下啦，嘩仆街好撚酸只能夠講好有中東味道，但唔啱我口味，不過既然係自己決定要呢個，幾難食都食埋佢啦
DAY 16完

棉花堡同樓主啲相都好正

黎緊6月打算去土耳其
唔知而家土耳其人會對東方人點呢

土耳其對新疆集中營好反感
睇怕要學句真主偉大點講

好靚

應該都唔會差佢地同日本友好，去到都比人當日本韓國仔多
就算聽到你講我來自香港都係停留喺Bruce lee階段

講笑啫
世俗化回教嘅土耳其應該幾友善嘅

因為同一個大叔傾完計令我好想比多啲人認識土耳其

咁就出快啲啦

正評
寫得好好, 相又好靚

早兩年去都已經麻麻地

DA7 17
等搭車去Kusadasi，又出去兜下圈影下相





臨上車食餐飯先，麻麻地，以為鐵板上會炸炸聲，點知係微溫

去到Kusadasi都日落，搵到地方住就出去睇日落等第二朝去Efesus又睇古蹟



hostel又係一個有個泳池嘅hostel，夏天浸下水都唔錯
hostel可以幫我book埋船過希臘Samos Island，但係之後轉船去其他島佢啲資料唔update搞到我on99用咗幾日先去到Mykonos
DA7 17 完
好想出快啲但係日日起身就返工，收工返屋企就夠鐘瞓