DAY 19
呢日會坐巴士去一個叫Sirince嘅小鎮,佢外號係迷你版Safranbolu,顧名思義就係同Safranbolu好似嘅一個地方,呢度盛產葡萄酒,重要平得好緊要,搭車前周圍問人Sirince點去冇人聽得明,直接有人講出佢個正確讀音先知我想去呢度
佢個讀音大概係"士lin謝" 我原本以為佢個ce係發s音
首先又見到一隻貓
又係冇目的咁亂咁行
大量紅白酒任試
幾蚊TL就買到一枝,可惜揹背囊帶唔到酒
主人出嚟幫手賣酒
成個鎮嘅商店就喺晒一條直街加一條橫街
真係一個好細嘅鎮。
之後搭車過去Selcuk
Selcuk係一個比較現代化周商業化嘅城市,一般遊客去Efesus都會選擇住喺呢度,但係相比之下我會比較鐘意Kusadasi
喺Selcuk要講個小故事,亦係因為呢件事令我想比更加多人認識土耳其
我行行下見到有班大叔坐喺個草地吹水,佢地見到我好開心咁hi我叫我過去傾下,其中一個大叔英文比較好,佢係當地大學嘅一個professor,佢show比我睇佢老婆同個女嘅相,原來已經同佢地分開咗十幾年
但大叔仲將佢地啲相放喺銀包,仲同我講好掛住佢地。
傾傾下突然有個大叔話每人夾兩蚊買啲野食返嚟,點知見到佢拎住個透明膠水樽唔知喺邊度裝咗樽紅酒返嚟
再加一堆生果
唔知點解我又夠膽同佢地一齊飲,真係比人溶咗都唔知咩事
之後個professor飲完酒開始激動,同我講離開土耳其之後要同人講土耳其唔係一個壞國家,土耳其人唔係壞人,佢講到開始想喊咁
其實佢講得無錯,伊斯蘭社會一直比西方國家塑造成一個萬惡宗教
其他國家我唔知,至少土耳其平民大部分都真係好好人,甚至朋友口中嘅伊朗人係更加好,當然有激進份子好似伊斯蘭國咁,但佢地對於宗教個理念根本唔同,一般平民對於宗教只係一個精神寄托或者係跟隨祖先而信
(好多外國人覺得一定要信一個宗教,有部份外國人聽到我係無宗教信仰當我係異種咁睇
)
點都好,希望大家知道土耳其人真係好好,唔關我係唔係東方人事,我相信佢地性格本身真係善良,好願意幫人
利伸非左膠,至少去過印度我可以講大部份印度人真係好垃圾,支那人亦都真係無得救
我唔會話一個民族全部都好或全部都壞,但事實你你接觸得越多一個民族嘅人就越會知道呢個人種嘅習性文化係點,呢啲文化就係會推到到大部份人形成某種性格
講得遠咗,行完Selcuk順便去埋Artemis神殿
Artemis神殿曾經係古代七大奇蹟,現存完整嘅只係得返埃及基薩金字塔
神殿曾經大到可以容納成個巴特農神殿入去,可惜現存只係得返一碌柱
我企咗半個鐘嘗試感受下古代佢係有幾輝煌同壯觀,奈何佢真係咩都冇淨,我想像唔到
之後就返返Kusadasi睇下個愛琴海日落
示威活動仍然喺全國持續進行緊
夜晚繼續亂行,夜晚嘅Kusadasi都係好熱鬧好安全
之後會係最後一日喺土耳其
DAY 19完