［多圖][長途遊記] 八個月中南美

可以係Facebook inbox 佢地或者聯絡Sebastian, 聖巴斯坦英文好好溝通無難度

多謝 係啲地方本身靚姐

多謝
唔關我事，係男朋友影架，濛查查果啲就我影既

搵到咁樣志同道合既男/女朋友都算無憾

我地兩個部電話輪流開黎用，相機叉爆幾粒電帶去，其實有個淘寶既太陽能尿袋帶左去，但放係出面吸收陽光既時候唔記得收俾雨淋壞左

一個星期可以去一次附近餐廳，係果度可以嘗試叉電同企圖用WiFi，但有一半時間都遇到成條村停電

係呀，真係好幸運，要好好珍惜

感謝

帶淘寶手攪充電器最有保證

一生人之中有哩種體驗真係好難得！

要離開營既一日，我地一早就起身執野，然後行去路口搭呢種黃巴士走

上左車發現唔使俾錢，原來呢啲係政府方便村民出入既免費巴士，一日有兩班，巴士入面好新淨，好唔錯呀。去到一個小市鎮再轉一轉巴士，3個鐘左右就返到去Puerto Vallarta。

臨分別大家都叫我地一定要去佢地既城市探佢地，我地之後都有一一去搵佢地玩

再返去大叔hostel，一個月前走既時候佢比左條大門鎖匙我地，叫我地隨時返去自己開門就得。點知返到去發現佢換左鎖 好在大叔好快就發現左我地放我地入去，即刻叫佢比間冷氣房我地

係冷氣呀，冷氣真係好偉大既發明呀。今次間房連廁所同common kitchen，因為有冷氣所以貴啲要230港紙一晚。

咁耐無食過肉，煮返幾隻雞脾黎醫肚，墨西哥買餸真係好平，凍肉櫃8蚊港紙就有兩隻大雞脾


第二日我地跟左營入面識既兩個朋友去附近小鎮Sayulita一日遊，由Vallarta 搭一個鐘巴士就去到。果度出名滑浪，條街好多壁畫，係比啲偽文青打下咭既地方。


食完早餐係附近行下，佢地話呢條街係Sayulita 既地標

行左陣其實都無咩特別，佢地就拉大隊去滑浪

男朋友話個水底好多石，咁岩果日又唔大浪，新手玩會有啲危險

Hea左一日，夜晚我地就搭巴士返歸。搭搭下突然之間有兩個小丑裝扮既人跳左上車

佢地一人企車頭一人企車尾，睇TVB大既我完全覺得佢地係變態佬，很是不安 朋友見到我地呆左就笑到仆街，話呢啲係墨西哥好普遍既賣藝，佢地唔只會係紅綠燈表演，都會跳上巴士表演既。
呢個時候兩個小丑就開始表演唱雙簧棟篤笑，雖然唔係好聽得明，但大家都睇得好開心。最後我地都跟大家咁比左啲打賞，小丑發現我地兩個亞洲面孔都好開心，臨落車仲扭左朵花送俾我


呢個時候我覺得好溫暖，亦好慚愧。我地先入為主覺得墨西哥係危險既，對佢地疑心，但一直遇到既大家都對我地咁友善，真心歡迎我地黎到佢地既地方。出門在外有提防之心係需要既，但都唔可以只聽外界評論而對一個地方妄下判斷，如果唔用一個開放既心去感受，去再多既地方都係徒然。

返去即刻淘返個先

果個巴打咁堅既
我地架船叫Ocean nova, 果時上網搵到間澳洲agency係最平, 間野叫Eclipse, 我地都係經佢報。

我地無去巴西呀，南美我地係智利同阿根廷多，去南極既前後我地都係留係Ushuaia 食蟹同去Patagonia 行下。

上網卡我地淨係响阿根廷買過，因為果時搵唔到個host無門入 不過好鬼煩，要當地人既身份證號碼先可以activate，我地叫雜貨店個哥仔幫我地搞既。其他時間都係用hostel wifi，收唔到就唔上網，無乜所謂。不過出發前見過鴨寮街有啲南美電話咭，但幾貴，你可以去睇下

好正 推推推

［Guadalajara］

係Vallerta 休息左幾日之後我地就向下一個城市Guadalajara 進發

食完嬸嬸幫我地準備既早餐就出發！舊黑色野軟林林好似蒸糕，九成又係粟米整既，上面放左啲炒仙人掌絲。仙人掌好好味架，酸酸地，好似秋葵咁滑潺潺。

係墨西哥搭巴士穿梭唔同城市係好舒服既方法，而且買飛好方便，可以上網買，我地通常都係搭ADO呢間公司。

由Vallarta去Guadalajara 大約240蚊港紙， 坐5個鐘，最後塞車塞到變左8個鐘。


坐位好闊，有電視睇

有野食，飲品正餐同零食每樣揀一款


Guadalajara 係墨西哥第二大城市，原本我地無打算去，但營入面好多朋友都住呢度，又咁岩順路，就決定係度留5日搵大家玩啦。

一到埗，肥妹就帶埋表哥同個仔黎車我地去食飯 佢唔識揸車，但每日都會駛唔同朋友揸車黎載我地周圍去，好爽皮


佢地車左我地去一間大排擋

果度最出名係呢種牛肉湯 Carne en su jugo, 西文意思係 ‘在自己啲汁入面的肉’

湯入面有牛肉碎片、煙肉同豆，食前加啲洋蔥碎同芫茜落去，擠啲青檸汁飲，飲落好似好味版吉野家牛汁咁！好正！

剩係飲湯唔夠飽，再叫左個Quesadilla 同烤牛肉，配埋guacamole 上，好好味呀。

係呀，見到身邊有好多朋友都有呢個想法，無奈大家生活已經有好多負擔同束縛，所以我地都好珍貴呢一個機會，而且想同大家分享呢件其實唔係啲遙不可及既事

成世人都可能未必有呢個衝動同勇氣會去
所以樓主要繼續更新 支持

好想睇南極篇
去兩極係我夢想

Guadalajara係個好大既城市，分左幾個區，我地住係Zapopan，呢度住宅區居多，我地啲朋友都係住呢邊。佢地都係大學生，平時天地堂或者早放學就會黎車我地去玩

我地住間airbnb有個花園仔，中間有棵大牛油果樹

每日都跌十個八個落黎，大家經過都會執起佢放整齊，host叫我地拎多啲返去食


係附近食Taco做晏晝，最左果舊包牛脷，麻麻地，其他包燒牛肉既就好正

順帶一提佢地既Taco原來唔係讀’他co’ 係讀’達哥’

食完啲學生妹就黎車我地出去玩，呢日佢地帶我地去Guadalajara 既地標教堂Catedral Basiclica la Asunción de la Maria

呢度位於市中心，比較雜亂。墨西哥大部分人都係信奉天主教，周圍都好多教堂，西班牙人統治既時候又起左好多歐洲式建築，所以係呢度行好有去左歐洲既感覺。


行完一輪，佢地興致勃勃咁帶左我地去食拉麵 解釋左好多次佢地都係覺得香港係日本

佢地話呢間係Guadalajara 最出名既日本食肆，問我地覺得點。老實講，好似買包出前一丁返黎自己煮咁

夜晚返屋企見到好多切葉蟻 佢地真係好可愛，我地踎係屋企門口睇左好耐

之後果日佢地朝早唔使上堂，車左我地去食Guadalajara 名物Tortas，佢地話呢間餐廳好多年歷史，賣既Tortas係全市最好食


一個Tortas連野飲13蚊港紙左右

個包好似奶油豬咁脆脆地，入面塞左啲多到瀉既豬肉，再淋上啲橙紅色辣辣地既醬。每張枱都放左好多洋蔥芫茜同青檸，比你配埋個包食。啲豬肉應該係煮唔係烤既，軟綿綿好好味。

下晝佢地再車左我地去睇下啲地標，類似係記念一啲野既，我都唔記得左係咩黎

路邊小販，後面間OXXO係墨西哥七仔，梗有一間係左近


周圍閒逛既時候，係二手書店發現左呢本教煮廣東菜既西文書！好有趣，十蚊港紙買左黎睇


下午茶去左飲啤酒，Guadalajara 附近有個地方叫Colima，果度既啤酒好出名，我地叫左幾支黎飲，唔錯唔錯


因為太鍾意食牛汁既原故，夜晚佢地又帶左我地去另一間餐廳食。佢地話呢間餐廳好出名，因為佢地上菜係健力士紀錄全世界最快，點菜後13.5秒之內就會上好菜，而且啲frijoles 豆蓉好好味。不過我覺得呢間既牛汁有啲咸，唔夠大牌檔好味。

個個妹妹都帶埋男朋友黎比我地見，係營入面既時候佢地已經係咁話自己男朋友好靚仔，好想介紹我地識，肥妹仲帶埋呀媽黎添，佢地真係好可愛

你地唔覺得我寫得悶就好了
我會繼續不定期更新架，多謝你

南極離墨西哥隔左3個月
你加油比心機等，我又比心機寫

我地都好想去委內瑞拉angel fall，但而家果邊情況咁亂，都係留返以後再去，今次係colombia 留耐啲好了