［多圖][長途遊記] 八個月中南美

Viva!!!

啲國家公園我地都好想去，但北美係咪揸車方便啲？我地唔識揸車

佢都好幸運
可以一齊經歷一齊感受世界真係好難得

快啲學車啦
小弟鍾意roadtrip嘅

比人嚇親就會唔生走返落海。

可以自行控制生唔生 忍屎咁

有時我地會搭大飛出海搵海龜，原本諗住咁大個海邊會咁易睇到，點知好快就見到


在水中央有儷影一雙

我地停左架船係呢對交配龜身邊差唔多10分鐘，佢地一啲動靜都無，郁都唔郁一下，睇落好唔歡愉。隻公龜既手手腳腳都有勾鉗住母龜，兩隻野離遠望好似一舊海洋垃圾。


老細係附近跳落海捉左隻公龜俾我地睇，睇到手手腳腳啲鰭個勾。佢話因爲交配過程母龜會被鉗住，所以年紀比較大既母龜既膊頭(?)都會有被勾傷哂既痕跡。

睇完就放返落海



果度個海邊都好靚，好多時我地會游下水先返歸

第二個禮拜已經變左舊炭



講起捉龜，附近既漁民捉到海龜既話都會帶黎我地度，義工會同啲龜度高磅重抽血植晶片做紀錄。

如果發現龜殻生左好多野就會清左佢，呢堆係清出黎既野

然後就會帶啲龜去放，邊度捉邊度放

返黎就學

係囉好搞笑 屙唔出第二日再上黎屙

有一日營入面個肥仔工作人員突然之請大家去佢屋企開party，原來果日係佢妹妹既15歲生日。墨西哥女仔既15歲生日叫Quinceañera，類似成人禮，佢地話女仔一世人會有兩次被當成公主，一次係Quinceañera，另一次就係結婚，可想而知係幾重要。呢一日通常會大肆慶祝，有錢人會去教堂行禮，或者送架車比個女，肥仔係小村莊入面普通人家，所以請大家去屋企開家庭party。

大家夾錢抬左幾箱corona去慶祝


人人都有一碟肉食，正！
好耐無見過咁大舊肉，興奮到手都震埋。


紅裙就係壽星女啦
肥仔話佢用左成副積蓄幫妹妹開呢個生日會，真係一個好哥哥呀。


中間果個女仔係我地係營入面既好朋友，勁靚，身材又正 不過好鍾意劈酒，岩岩心理學畢業唔想搵工住所以黎玩兩個禮拜，佢同妹妹一齊黎，兩個都好好人日日教我地西文。

白色果件就係西班牙藉英國妹，連續黎左四年了，成日翻譯其他人講既西文俾我地聽。


佢地真係好鍾意跳舞，食完野大家就係空地跳舞，玩到凌晨兩三點先返去沖凍水涼訓覺。好難忘好地道既一晚呢

LM

有興趣去玩返一個月

南極

前幾日見到隔離個屙屎post 講麒麟果，今日街邊見到買左返黎


唔使4蚊港紙，好抵

平時日日都有香蕉屎屙，男朋友叫我無事無幹唔好咁痴線
今晚試下食左有咩反應先

義工篇寫左好耐，畢竟留左一個月有好多回憶，但差不多完架喇。係營入面無電用唔可以叉電，所以我地好慳住用相機同電話，影既相唔係太多。

講下除左執垃圾同玩龜之外既日常啦

平時出出入入通常都係行路，如果要去遠啲既地方，我地會搭呢部豬欄車

迫到上去你鍾意企就企坐就坐

之後發現呢啲豬欄車係中美係好常見既交通，係墨西哥同危地馬拉我地都成日搭，又平又舒服

一個星期我地會去行兩次山
一次行去附近個蝙蝠洞

另一次會搭豬欄車去遠啲，行上個廢棄燈塔，唔知佢荒廢左幾耐，但入面已經住滿蝙蝠，周圍都係粉紫色既蝙蝠屎。

行到上燈塔可以走出去坐，果度好高好大風，風景好靚

啲相好靚

有一日我地偷懶無去行山，比老細個爸爸發現，捉左我地去學Domino

呢個遊戲類似我地既麻雀咁盛行，我地係街成日到啲無所事事既人係度玩。原理大概係每次出既牌要同前一隻點數相同，無岩既牌就摸牌，最快玩完手牌就贏。

爸爸好好人架，好錫我地，我地覺得佢好似聖誕老人。


之後比我地發現原來每次比爸爸捉去玩就會一玩玩5-6個鍾 去廁所都會比人捉返出黎，所以個個都怕左，佢要教識我地去燉腳陪佢玩 不過其實真係好好玩，所以我地都好享受比佢捉去燉腳！

男朋友生日大家偷偷地係士多買左個蛋糕仔比佢，原來我前幾日同佢地傾計講過佢地記住左，佢地真係可愛，係乜都無既沙灘連我都無諗過送蛋糕俾佢呀 墨西哥人真係好熱情！


去長旅行，剪頭髮都係好麻煩既問題。不過唔使怕，我已經係12蚊店買左把較剪幫男朋友剪頭髮。

第一次剪有少少失手，嘻嘻
作為報復佢將我個頭剪到學警雄心個Fiona shit 咁

攝影技術好好

係營入面既一個月真係過得好開心，雖然無電、無wifi、無熱水、無床、無地板，但每日可以睇海


睇日出日落



睇下後生仔拍拖


打下排球


睇星星


可以話呢個係我地成個旅行之中，其中一個最快樂既時刻

要離開既時候我記得老細爸爸攬住我地兩個講，我地來自地球另一邊，我地既旅行其實有好多地方可以去，但我地選擇左呢度，同大家一齊體驗、成為朋友，真係好多謝我地既到來。佢講既時候眼濕濕，最後仲不停抹眼淚。果一刻真係好感動，我地平時慣左冷冷淡淡咁對人，對新朋友好難亦好怕交出真心，但佢地唔係，佢地真係掏心掏肺咁對我地。雖然好明白旅途上遇到既人都係萍水相逢，離離合合好平常，但果刻真係好唔捨得，諗起唔知仲有無機會再見，就流哂馬尿
如果第時生左個仔，我地實會帶佢返去呢度執垃圾，感受墨西哥既人情味！

多謝你 我地都係咁話，最緊要人無事，以後既日子仲好長呢

支持支持，你將會得到古天樂既膚色、鋼條身材、同一班墨西哥朋友
btw佢地而家好似又收緊義工啦，再唔係每逢暑假佢地都會受人玩

100％電用成個月？

雖然好貴 但真係好靚

7皮 唔使咁多，我地半年前報就每人5800美金 9日細船。我地部細船可以坐78人，因為南極有規定每次上岸唔可以超過100人，所以細船既好處係每次都可以全員落船玩，我地就每日可以上岸兩次，不過到達南極之前經過兩日Drake passage 就會超級𠺘，船上面超過三分之二人都陣亡出唔到房食早餐

要小心既係大船雖然會航行得定啲，但分分鐘去到南極無得落船玩，或者要排隊 得好少落船機會。

7萬係咪香港出發包機票或者係十幾廿日幾行程啊？我地船上面有一半都係澳洲黎既老人家，佢地話澳洲都可以去南極，但好貴，情願搭飛機黎阿根廷出發，都仲平過澳洲出發一半。

如果好怕好怕暈船，我地之後都遇過兩個打算直接搭飛機去南極既土豪大媽，佢地話每人要12萬人仔

可否比條link