[多字少圖]《青瓜》西藏行

包車,好撚貴

絲打請update

旺堆師傅同青瓜講呢間甜茶係成個拉薩最出名，亦係最正宗嘅。
仲請大家食牛肉麵(青瓜個碗係豬肉)。
甜茶係好似奶茶咁，不過唔洗落糖已經係甜，青瓜好鍾意飲。
麵就麻麻地，唔係因為唔好食，而係青瓜本身唔鍾意食淋嘅麵。


順帶一提，茶館可以成壺茶咁買，亦可以一杯一杯咁買。
你俾一蚊人仔個服務員，佢就會同你倒一杯，如果只係想試少少嘅朋友，可以準備啲散紙試下。

旺堆話，西藏人返工前或者放工，都會去茶館，可以一班人吹水吹成日。

以前未咁城市化之前，西藏人悠閒到九點十點返工，可能兩三點就放工。
依家唔同喇，但悠閒嘅心態係依然，只係社會嘅步伐完全改變。


茶館係好多人，但得好少服務員，行半自助形式，其實西藏好多地方都係。
執拾、拎杯、點餐好多時都要自己黎。
所以唔好介意污濁，冇人服侍，大家將就一下。

青瓜另外一個新發現，係西藏嘅餐廳會有人入去行乞。
青瓜係小昭寺隔離間餐廳食飯時已經見到好幾個。
佢地有啲會拎住本簿同要錢，有啲會賣野。
青瓜過往於大陸行乞嘅知識係：千祁唔好俾，因為一俾就會有一大班人走過黎。

但係拉薩，莫講話鋪頭冇趕呢班人，甚至大部份人都好主動俾錢。
俾錢嘅人未必衣著好光鮮，甚至有啲同個行乞嘅人差唔多咁襤褸。
但每一個眼見嘅人，佢地都願意去俾錢，而且係每個都俾。
如果唔俾，佢地拒絕嘅方法都係好友善。

相對之下，青瓜同朋友唔識點做，唯有係揀扮睇唔到。

茶館，行乞嘅情況更甚。
旺堆面對呢啲行乞者，部份會拒絕，部份亦會俾錢。

青瓜忍唔住問旺堆：「這些行乞的你們不會趕嗎?」

旺堆話唔會，佢話大部份人都唔會趕。
旺堆：「都是抱包容的心態，他們不是搶啊、騙啊，只是買一些小東西。我給他一兩塊錢，對我們來說算是甚麼，但對他們來說就不一樣。」

唔記得講，旺堆係一個佛教徒。
青瓜同佢講，好多人就係乜都唔想做，諗住伸手就拎錢。
旺堆：「這是你認為的，你覺得的，但可能他們不是。這些人的確是越來越多，但大部份還是需要幫忙，而且這些也不是太過份，沒有逼你給錢，你不喜歡就婉拒，但我們不會趕，當是積福幫人。」
佢再講：「很多你以為的事，害了你一輩子，很多時候，眼看到的也未必真實。」

OH SORRY,第一次寫，會改善下。

同你差唔多。
但我冇去到納木揩，封左。

SORRY，因為就快要出發去下一個地方，成日準備行程整其他野完全冇時間寫

旺堆司傅，係好多大道理，係呢個旅程，為大家上左好多堂好寶貴嘅哲學課同反思。
唔知大家同唔同意，但係青瓜的確覺得好慚愧，當大家都企哂道德高地，話人「飯來將手」嘅時候，一啲最簡單嘅良善，可能大家都唔記得左。
而至少，拒絕每一個人嘅時候，眼見旺堆都係抱住笑容。
其實用「視而不見」作為一種拒絕，係咪已經成日都市人嘅習慣，呢個係一個好好嘅反思，而佢呢一個動作而同講法，的確感染左青瓜同朋友，接住落黎嘅每一日。

飲住茶，食住麵，大家互相了解，方便之後嘅行程。
後日旺堆會車大家去旅程第一站-林芝。
旺堆建議大家今日飲完茶就返去休息，唔好去太多地方，以免攰得濟出現容易高反。
青瓜好興奮同佢講已經沖左涼，應該冇事。
佢話涼唔係唔可以沖，但要注意保溫，可以嘅就拎毛巾抹身。

朋友問旺堆要唔要飲酥油茶防高反，佢話係冇用。
佢話呢啲野都市人都唔係成日飲，突然飲啲怪味野同你講防高反，你信啊?
但佢話酥油茶對於防嘴爆拆就好有用……

由於係冬季入藏，依家入好多景點都有優惠，而去布達拉宮更加係免費(原價一百蚊人仔)。
佢建議聽朝一早可以拎飛去參觀，但因為旺堆屋企裝修，佢話帶唔到大家入去導賞。
所以明日一早，就向布達拉宮進發。

咁就慘D

唯有當要再去多次嘅動力

去一次係肯定唔夠皮

留名 12月底到拉薩
仲未plan玩咩好

各位唔好意思 外遊一星期 暫停更新 返黎繼續
預祝大家聖誕快樂

一
西藏不了
去過一次 唔會再去了
伏

我上次就一架車八日 最多四個人
實收一萬人仔

Good post lm

同旺堆傾下傾下都五、六點，佢叫大家早啲休息，但本住對拉薩嘅好奇，青瓜都係決定周圍去。
原本以為六點幾嘅拉薩會無咁熱鬧，加埋冬天，諗住會黑媽媽。
但咁諗就錯，拉薩依然人山人海，而且係冇咁早天黑架。
行到七點都依然天光光。

不過係舊城區行黎行去都係個啲野，第一日亦唔想走太遠，結果搵到間有尼泊爾菜嘅餐廳。
叫左個尼泊爾式頹飯，即是Dal Bhat。

係好懷念嘅回憶，但味道當然係比尼泊爾食仲有一段距離。
如果加多杯Masala Tea就好。

朋友就叫左個西式野。

伏伏地。

食完飯八點幾九點，行返酒店見到原來入夜有車仔檔串燒。
不過太飽喇，唯有過幾日再試。

根據旺堆嘅建議，青瓜同朋友應該八點左右去到布達拉宮拎入場券，因為遲左就會有機會滿額冇得入，但由於累積左幾日嘅攰氣一次過爆發，結果到大家瞓醒已經過左八點。

好急趕地行去布達拉宮，好彩大家都係行路勁快嘅人。
點知就到嘅時候，朋友突然發現漏左個腰包。
而腰包入面兩樣好重要嘅野，身家同回鄉證。

但因為已經布達拉宮在眼前，所以大家都決定拎左入場券再返轉頭拎。
其實冇證件係好麻煩，係西藏任何地方你都需要證件過安檢，係拉薩你會見到更多安檢關卡，淨係舊城區已經有好幾個，冇證件你根本冇辨法出入，加上一定要用證件先拎到布達拉宮嘅飛，所以其實好麻煩。

而更煩惱，大家擔心滿額拎唔到飛，因為今次拎唔到應該冇時間再去。但拎到飛亦有一啲麻煩，第一拎到入場券後其實要即刻入場，仲要係指定兩小時內參觀完畢。其次，入場券上會有一個時間，你要係個時間前入場，而如果入唔到，冇得補飛，而每人嘅證件每星期只能登記一次。

不過好彩傻豬豬朋友雖然冇回鄉證，但佢有帶身份證。
而係拉薩，佢地唔係太識分兩者嘅分別，佢地只要覺得係身份證明文件就得。
所以順利地，拎左飛，當時係十一點十分，而我地要係十一點四十分前入場。

結果大家又趕返酒店，來來回回，飛埋人力車再重返布達拉宮，十一點四十五分。盡左力喇。
如果呢件事發生係其他人身上，可能好嬲，但呢件事青瓜發現，真係朋友可能就係咁，幾煩，都齊上齊落，雖然結果未必盡人如意，但團結當贏左。
(補充：其實青瓜做左後路，既然每人嘅證件每星期只能登記一次，回鄉證同身份證即係可以分別登記一次，最多再做多次登記，不過個大家都唔想做到呢一步，想盡力仆返去。)

好多車除左睇日數，多數都係計你一日行幾多哩，你要俾埋行程先知幾多錢，我每人2000蚊/6日

去西藏咩月份去先多野睇

睇下你去邊同想睇咩
5-9月係雨季 但有草原而且空氣濕潤啲 所以係旅遊旺季
3月左右林芝會有桃花睇
冬天係旅遊淡季 人冇咁多 大部份景點/酒店比較平
有啲地方會落雪 但亦有地方因為落雪而會封左或者唔開

Push

樓主有無師傅電話，4月去想揾車拼 2人

推推