[多字少圖]《青瓜》西藏行

差唔多八點半左右，火車服務員黎通知青瓜，十一點就會到達西寧。
青瓜叫醒朋友，食早餐，準備執野轉車。
無論你由邊到出發，到左西寧，都要轉車。
所以可以直接飛西寧坐火車，唔洗轉黎轉去。
不過直接由西寧到拉薩嘅火車飛，好難買。


十點鐘，哥哥仔仲瞓緊。
青瓜有啲擔心佢係咪提早高反暈左。
佢郁都冇郁過。
直到服務員黎換返張乘車證，拍醒佢，青瓜先鬆一口氣。

講起乘車證，介紹下。
其實係成都上車時，要用車飛換一張證，上面寫左你個床位。
唔好唔見，因為你落車時要換返張火車飛，再拎火車飛換西寧至拉薩嘅乘車證。

十一點，準時到西寧。
有大約四個字俾你換車，你可以影下相。
如果你有乜都要影一餐嘅習慣，可以提你：西寧站嘅車站牌係車尾，你可以跑返轉頭影。
但又提你：軟卧車廂係車頭。

十一點二十分，開車。
再過二十四小時後，我地就會到拉薩。

可能係我地買個隻太難食。

我去餐卡食左2餐，其餘就合味道同零食

無去到餐卡食啊，好唔好食？

少少貴，但算正常

西瓜留名

過澳門直飛拉薩算，唔想搞咁多野
btw 冬天去過但又唔見有封路，景點唔開呢啲野啵

西寧到拉薩段嘅火車上面，你有兩件首先要做嘅事。
第一，換乘車證，情況同成都一樣。
第二，要填一張有關高反嘅健康申報，表示你清楚自己嘅身體情況，並話俾你知有可能出現高反情況。
但填完，佢冇黎收。

哥哥仔上車後就消失左，後尾先知佢去左餐卡食野。
哥哥仔食完飯話味道都OK，但貴。
其實火車上嘅食物分兩種，你可以去餐卡食，但貴嘅。
亦有服務員會定時用手推車推啲食物賣，價錢就合理啲，亦有啲零食同水果賣。
但青瓜同朋友仔有野食，食大餐。


好好食，個狗也不屌嘅自熱飯簡直係垃圾。

然後得閒又影相。




望住車外面嘅風景，青瓜就知道，少少旅程上嘅苦，係值得。

分享一個出發前青瓜有啲擔心嘅問題。
青瓜諗過去大便點算。
其實青瓜冇對個廁所有期望，只係有少少擔心成地屎。
但原來廁所比相像中好。
其實急，點都要去。
不過雖然冇衞生嘅問題，但原來門係鎖唔到(三格個鎖都係壞)
結果，青瓜第一次發現，原來去大便同小便嘅時間，可以係相同，一樣咁快速。

哥哥仔食完飯返黎，又瞓。
青瓜啲朋友都係。
電話繼續上唔到網。
青瓜繼續發呆… …
然後遇到呢個小天使。


幫佢影左少少寫真。

青瓜完左西藏，下一站係海參威到莫斯科嘅火車遊，
原本以為，坐完呢次，可能會怕左改返搭飛機。
但原來，係開心架。
不過想知火車入藏嘅朋友係火車度做過乜，歡迎分享。

對唔住要預備下一個行程所以出文好慢，請見諒。

嘩

好貴，手推車個啲人似平啲，不過自備左野食，所以冇試。
朋友買左盒酸奶，唔錯。

據西藏司機講今年早左落雪，而且大雪，唔好彩啊。
深圳飛拉薩都平，不過只係想有一個體驗姐。

負能量好重，好似唔想去咁

火車另一個好處係大家所講嘅慢慢適應
但最後其實睇個人體質

手推車係餐盒，都多人買，但餸就唔太岩食
另外有買梨食，一樣算貴

人人都係咁講，慢慢適應。
但識左西藏人，佢地唔認同呢個講法。
我都係同意，體質問題，係要高反都係冇計。

咁你試下睇埋落去

係我地想食哂帶去啲野唔想再拎住，所以冇食。
我個程車見好多人都自備食物，聽到個服務員講話冇人買野。
下次有機會再試下，可能3月去多次。

玩開苦行? 一邊屌鳩周圍既野, 一邊安慰自己呢啲係體驗黎

當時個司機講既, 架火車都有放氧, 咁樣其實同係飛機倉既環境差唔多

都唔係，去過有啲地方係好好，有啲咁岩唔好。
今次係開頭唔好,之後好開心。
其實唔樂觀地將佢當做一個體驗咁分享，唔知可以點

無錯，我識所有西藏人都係咁講。
其實仲辛苦，你飛機都係困幾粒鐘。
但火車又焗又乾困起碼一日
但有風景睇囉，識下人囉。