[多字少圖]《青瓜》西藏行

呢間係東措？

推

酒店位於舊城區入面，附近好旺，有大昭寺、小昭寺。
而舊城區入面基本係一個街市，周圍都充斥著一大陣生肉味。

好多肉檔，掛住一大堆肉，仲有完整嘅牛頭或者羊頭。
對於一個都市人黎講，呢個係一個好新嘅體驗。
而對於青瓜黎講，其實係覺得好得人驚。
青瓜望都唔敢望，對於青瓜黎講食就唔介意人食，但完全被呢個視覺衝激嚇親。
唔洗問喇，青瓜真係唔食牛羊。


基本舊城區係北京東路分割兩邊，入面全部都係一啲舊式嘅藏族建築。

個度人來人往，但講食，要係返北京東路兩旁。
中間主要係賣衫、傳統藏器、珠寶等等啦。




結果青瓜同朋友亂行左一輪，係小昭寺附近搵左間餐廳。
藏族人好大食(又或者係青瓜同朋友係好細食)，所以你望下隔黎台啲份量先。

唔知做咩好想飲湯，叫左個豆腐湯，其實好貴，成20蚊人仔，但真材實料嘅，而且大碗到三個人飲唔哂。

食完想入小昭寺行下，藏族人係唔洗俾入場費，但遊客係要。

通常本地人都著哂傳統藏服入去，好易認。
好多國家都係咁，本土人係唔收費，但遊客就收費，好合理呢件事。
但有趣嘅事就發生，青瓜見到一大班大陸遊客走入去，冇買票，有個僧人大叫佢地買票。
但大陸遊客冇理，走左入去。
個僧人亦冇再追。
青瓜同朋友見到呢個情境覺得買票係好戇居，但更加唔想好似大陸人咁衝入去。
所以結果冇入去，返酒店。

(有人問酒店地址，黑色大點就係)

返到酒店，有事件青瓜係好想做。
洗頭。
啲人話洗左頭容易凍親會更容易有高山症。
但青瓜覺得，個人唔沖涼唔舒服更加會容易高反。
所以唔止洗頭，青瓜直頭沖涼。
但間酒店嘅水壓，係廢嘅。
水溫亦麻麻地(朋友事後表示直頭係凍)，但青瓜更難受更凍都試過，覺得今次係太易玩了。

沖完涼，再出過去，因為約左司機去飲茶。

講返司機，係背X客棧搵嘅。
用WECHAT講溝通左大約想去咩地方，用幾多時間，佢建議我地要行嘅路線，然後傾成就落訂。
然後，想講返好感恩搵到呢一個好好嘅司機，叫旺堆司傅
俾左一次好好嘅體驗俾青瓜同朋友。
其實司機有問要唔要帶埋青瓜遊拉薩，但抱住探險嘅決心，我地拒絕左。
但到左拉薩嘅時候，司機依然主動話請飲茶。

初頭青瓜同朋友，以為係真係食點心個隻茶。
但司機約左去一間拉薩當地人好出名嘅茶館。

(由於冇影低到佢門口，GOOGLE左個門口俾大家睇。)
旺堆司傅話到拉薩冇去過呢間甜茶古館飲茶等於冇去過拉薩。

樓主 我預計16號火車到拉薩
有冇行程 美食 或者拼車師傅推介

你自己一個去？ 我個司機唔幫拼車 但你可以拼好車後約佢 佢做開香港人 但唔知你咁趕約唔約到
你去幾多日

係啊，但我去完好喜歡西藏呢個地方。
下次會再去阿里

Lm!!
下年都想同朋友去 諗緊自由行定join團環

去廿日到
樓主會建議玩阿里南定北線
聽講北多野睇啲

巴打, 我都岩岩俾人炒左wo, 不如組團啦

我未同屋企人講想去西藏，可能最終去唔成架

lm

冬天仲上到阿里咩

lm
之前去西藏住過間hostel 8蚊人仔一晚

講聲就行得啦, 唔係咩

依家阿里唔建議去wo，你去到好大機會啲路又封，又危險

青瓜青瓜青瓜青瓜青瓜
煩撚死人

月尾去西藏留名

好天氣

12月去好大機會好多地方都落大雪 D路行唔到

巴打玩咩路線

12月下旬，去過林芝 索松村 色季拉公園 巴松錯 米拉山口 日喀則 絨布寺(瞓過一晚) 江孜 卡若拉冰川 普錯 羊錯 納木錯

去咗差唔多兩個星期，得一日係多雲無太陽 天公造美掛

plan既路線同你差唔多,會上埋大本營,希望有命返到黎

跟當地團去定包車？