[多字少圖]《青瓜》西藏行

228 回覆
31 Like 7 Dislike
2018-12-01 02:44:25
2018-12-01 02:46:17
Lm
2018-12-01 10:32:28
2018-12-01 11:07:49
Yes 封左 之後會講點解
有食高反
2018-12-01 11:08:08
2018-12-01 11:09:49
留名好了
2018-12-01 11:28:50
2018-12-01 11:37:44
留名
2018-12-01 12:47:06
2018-12-01 13:39:11
睇完覺得樓主好似好唔enjoy 去到咁不如咪去啦
2018-12-01 13:58:54
浪費左十個鐘青春後,到達成都。
成都依然係,人來人往。

少少補充,由廣州南去嘅成都,叫成都東。
而坐火車去拉薩嘅成都站,叫成都北站。
由東站去北站,坐地鐵大約要四個字。
青瓜有兩個鐘時間,十分充裕。

青瓜同朋友曾經有一絲想坐的士去北站嘅念頭。
所以去詢問處問人成都站點去嘅時候,青瓜問職員:「坐計程車去北站,大概多少錢?」
職員原本已經唔耐煩,聽到呢句語氣更差,佢咁答:「坐地鐵就六塊。」然後轉頭同佢同事講:「耍白癡?哪會有人這樣問?」
青瓜想理論,唔明點解覺得呢條問題係白癡... ...但朋友拉走左青瓜。

到底呢條問題係咪白癡?
去唔同嘅地方都會問一至兩次呢條問題,點解一直冇人話青瓜係白癡。
定人地其實覺得白癡,但都照答?

總知青瓜好嬲,嬲到唔想坐地鐵。
不過坐地鐵只要四個字,而且坐一次外環線就到。
旅行,從來都冇時間俾你意氣用事。
人在外地,就有好多事都身不由己。
學習吞聲忍氣,係形單隻影嘅人需要學習嘅功課。

成都外環線,好少人坐。
好快就到成都北站。
之後又係一輪安檢、等候。
青瓜心情好差,因為電話卡依然係廢,被人話白癡,成肚氣。
2018-12-01 14:01:00
成都北站,係一個好中國傳統嘅車站。
簡單啲講,即係舊。
舊到連乘客,都有種鄉村同民工嘅味道。
可能好土氣,不過對比成都東個種財大氣粗嘅偽光鮮,青瓜鍾意呢種樸實。



呢個站,其實人都唔少。
依然有人吐痰,偶爾有人大呼小叫。
但可能因為燈光又昏暗、環境又舊,所有野同氣氛都好一致。
青瓜反而覺得,自己先係格格不入。

等左一陣,終於上車。

青瓜同朋友買嘅係四人軟卧。
三人同行,意味有機會同陌生人同房。
而大家,都好期待呢個不幸嘅陌生人。
更加希望,佢係女仔。
2018-12-01 14:06:19
Diamox
我食左頭幾日,之後冇keep住食
成個旅程都冇事(本身我係有運動同十分活躍型人士)

但我兩個朋友分別有食紅照天同Diamox
兩個有唔到程度嘅高原反應(都係好運動人士)
我估高反都因人而異
但建議帶備。
2018-12-01 14:08:31
其實我好鍾意咁... ...
每個地方都總係有呢d意外,有d反思有d學習
如果冇呢啲事,我覺得反而唔好玩
2018-12-01 14:42:50
留名支持
2018-12-01 16:01:30
多謝支持
2018-12-01 23:16:59
Lm
黎緊都諗緊用咩方式入藏
2018-12-02 02:18:26
軟卧,係去「火車到西藏」嘅最高檔次。
青瓜原意係坐硬坐,因為青瓜好鍾意坐火車。
但朋友唔可以,可以理解的,唔係人人都鐘意坐車。
至於點解唔係硬卧而係軟卧,原因係「一道門」。
可能平日大家都被現實搞到生活赤裸裸,所以有得抽離現實,大家都想要私隱。
而火車上嘅私隱,一道門就可以解決。


呢個「最高檔次」,賣嘅係一個有門嘅床位。
其餘嘅野,包括垃圾桶、水壺、插蘇位等都係要同人分享。

(網上圖片作參考)

講起同人分享,介紹返同房陌生人。
未如所願,佢係一個來自深圳嘅後生仔(下稱哥哥仔)。
唔知佢覺得自己好唔好彩,但青瓜為佢感到難過。
因為未來嘅三十幾個鐘車程,佢將要同三個女人同房。
2018-12-02 02:20:55
以一敵三,哥哥仔嘅沉默係可以理解。
青瓜唔想呢間房有任何一個人被忽略,所以決定打破隔膜。
接近晚上十點,青瓜宣佈要煮飯。

係到成都北站嘅路上,青瓜同朋友買左三個自熱飯。
而買左先發現,無人識整呢個飯。
呢三個自熱飯,被青瓜同朋友視為「化學實驗」。



所以今次,叫技能解鎖。
而幫大家解鎖嘅人,就係哥哥仔。
依家諗返,哥哥仔可能自始標籤左香港人為弱智。
睇左一輪盒上嘅說明,配合雞手鴨腳嘅製作過程,哥哥仔終於忍唔住幫忙。
就係咁,大家開始有偈傾。
而個飯,真係狗也不屌。

(隻鮑魚係青瓜自備嘅罐頭,諗住正式起程嘅第一餐食餐好)
2018-12-02 02:33:42
樓豬原來三女入藏?

深圳仔單拖玩?
我都試過同三個美極同房
仲要西班牙美極
2018-12-02 02:48:42
千祈,千祈,千祈唔好試硬座
我調番轉,係出藏先搭火車
嗰度情況真係比較惡劣
一般會硬座嘅係比較窮嘅人
佢哋好多都會搬貨又會打地鋪,同好撚臭

我自問都已經好烏糟無所謂嘅人
至少入藏十幾日無換過面褲
但硬座真係唔好搞
2018-12-02 11:05:34
係啊
哥哥仔一個去玩
2018-12-02 11:06:40
去之前好多人都叫我唔好
但真係心思思想試
啲人話臭到嘔
2018-12-02 15:07:52
2018-12-02 15:15:58
自熱飯已經係火車食物黎講最好食既野
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞