[多字少圖]《青瓜》西藏行

228 回覆
31 Like 7 Dislike
2018-12-07 20:01:26
我係話高山症藥diamox 佢俾呢隻 。
我上網睇係有需要先食,但配藥個叔叔話要日日食
我你香港出發前一晚開始食。
20日 100蚊好似 但仲淨返30粒

但你配藥前都係最好問清楚 因為我朋友配同一隻藥 但佢係一日一粒 唔係早晚食
2018-12-07 20:02:02
我係冇用 直頭冇呢樣野wo
2018-12-07 20:03:13
有 但大雪有啲地方會封左 就快1/2月會係藏曆新年 可以封見識下
2018-12-07 20:03:39
可以去見識下
2018-12-07 20:08:49
個下好嬲 後尾諗落 其實佢岩 地鐵最快 條氣順啲
2018-12-07 20:45:45
大陸人十個九個都低質
2018-12-07 21:04:39
絲打 去完旅行番黎再搵工 ?
專業人士?
2018-12-09 17:47:07
但高反嘅都唔係青瓜嘅朋友仔,而係哥哥仔。
後尾先知原來哥哥仔十點幾已經覺得頭痛,以為瞓下就冇事。
結果,佢都係頭痛到瞓唔到,仲嘔左兩次。

食左藥,哥哥仔係咁叫青瓜同朋友去瞓。
佢話係走廊坐下就冇事。
唉,搞到咁,叫人點瞓。

三個女仔用好同情嘅目光望住佢,又唔知點幫佢。
哥哥仔自己走去閂燈趕大家去瞓,之後走左出走廊。
走前,青瓜同佢講:「聽日一早就會到拉薩,你抖好就恰多陣。有事就叫我地,唔好怕麻煩。」
哥哥仔答應,之後就走左出去。
個陣係三點幾嘅事,我地朝早九點左右就會到拉薩。
2018-12-09 17:51:15
因為哥哥仔高反,成晚青瓜同朋友都瞓得唔好,早早就起身。
哥哥仔更加係全晚都瞓唔到。
青瓜問哥哥仔情況,佢話佢都仲係唔舒服,頂唔順之下都係去左吸氧氣。

講起吸氧氣,西寧到拉薩嘅火車最特別嘅地方就係有啲供氧口,如果你高反嚴重,有需要可以同火車服務員講,佢會協助你使用呢啲供氧口。

但哥哥仔吸完氧氣,面色仲係好差。
青瓜想將部份高反藥俾哥哥仔應急,但哥哥仔拒絕。
哥哥仔話岩岩訂左酒店,一陣落車去酒店瞓下就冇事。
青瓜聽到真係一額汗,哥哥仔話乜都冇,原來係住嘅地方都未有。
依家係淡季,即訂WALK-IN係冇乜所謂,不過旺季真係唔好試。

傾左一陣,執左陣野,期間青瓜想窒好多野俾哥哥仔,真心驚佢乜都冇會死,但哥哥仔都係拒絕,佢話叫青瓜留俾自己。
好快就到拉薩。
落車嘅時候,青瓜都係忍唔住窒左筒能得利俾哥哥仔:「甜野好有用架,唔洗驚我冇,我仲有好多排。」哥哥仔見到青瓜仲有好多糖,今次終於唔拒絕。
呢個真架,青瓜去咩地方都會有糖,佢未必能醫百病,但真係吊住到條命。

落到月台,要好快就走,因為會有火車職員趕你。
大家一個簡單嘅道別就分開。
但青瓜同朋友斬係唔放心,急急去追返哥哥仔。
其實係交換WECHAT,因為青瓜冇WECHAT,所以叫朋友同哥哥仔交換。
青瓜同朋友叫哥哥仔好好保重,有咩唔掂唔見野要幫手,都可以搵青瓜。
雖然青瓜同朋友留唔到一個月咁耐,但未來十幾日都會係西藏。
叫有個照應。

哥哥仔眼濕濕,同青瓜同朋友講再見。
山水有相逢。
多謝哥哥仔教識三個女人仔整自熱飯。
好好保重喇。
2018-12-09 17:53:09
唔算專業人士,叫有穩定工作。
一月已經搵到短工返陣搵多少少旅費。
2018-12-09 19:44:49
都有高質 哥哥仔高質架
2018-12-09 20:28:54
姐係番下工就辭去旅行再番下咁?
我都好想 但無勇氣
2018-12-10 08:56:29
唔好見人靚仔 就春心動啦

小心俾人呃
2018-12-10 12:42:06
以前返工個度想我返去幫下手做替工 所以替一陣再去過
2018-12-10 12:42:46
冇 只係覺得一個唔想麻煩到人嘅人 點都唔會低質姐
2018-12-10 17:14:46
未試過喎
2018-12-10 17:18:56
各有各既顧慮,放得低既咪去囉
2018-12-10 17:30:11
高反真係睇人,唔關做唔做運動事啦
2018-12-10 18:17:20
lm
2018-12-11 23:22:32
歡迎黎到拉薩,終於唔洗焗係火車,青瓜超開心。
天氣比想像中暖,火車上面見出面落哂雪,但黎到拉薩係好好天。
但可能因為淡季原故,個站係冇人嘅,只有少少工作人員。

出到拉薩站,好想同個站影張合照,留個記念。
但原來要企好遠或者側面影,如果唔係會有人出黎話你。


青瓜原意係想搵架巴士坐去拉薩市中心,不過太攰,都係坐的士。
唔洗擔心搵唔到路,一出右手面就係巴士站。
直行就會有一堆的士佬兜你。

青瓜問價,的士司機話計人頭,三十蚊人仔一個。
青瓜同朋友仲想格價,但司機話唔洗搵喇,公價黎。
但九十蚊一程,好貴。
雖然拉薩站入市中心都有段路,但青瓜覺得實在唔值。

商量左一陣,決定都係搭。
因為大家都想早啲到酒店。
坐左三個字左右,就到拉薩市中心。
終於見到你喇!
布達拉宮。

唔知其他人會唔會,但見到布達拉宮嘅時候,青瓜感動到偷偷咁流左幾滴眼淚。
覺得「人生必做清單」上面可以加多一個剔號喇!
2018-12-11 23:28:33
九十蚊嘅車程,好快就到。
雖然車程好短,但司機係好熱心嘅。
至少令到青瓜冇俾人劏嘅感覺。

酒店係舊城區,北京東路附近。
一間叫扎西曲塔嘅酒店。
因為係城區入面,除左單車同電單車呢啲小型車之外,其他車係入唔到去。
所以的士人停係大路,之後就要行入去搵路。
入面嘅路係左穿右插,如果你自問方向感好差,訂間係大路附近嘅比較穩陣。
不過青瓜方向感係好好,認路亦唔錯,覺得問題不大。


講返酒店,我估大家都知西藏酒店分左兩種,一種係可以俾外國人入住,一種係只能夠俾中國本地人入住,而香港就係屬於外國人黎嘅,唉,中央政府故意散播港獨分裂思想,真係唔岩喇。總知你西藏去到邊度,你都完全係用外國人嘅待遇,例如有啲咩呢,之後會再講。總知你唔好以為自己千祈唔好酒店都訂啦。

酒店內外完全唔同格局。
青瓜同朋友訂左四人房,三日兩夜大約三百蚊人仔。
但再要交多一百蚊按金。
雖然平時係三點先check-in,但酒店話因為淡季有好多空房,所以可以即刻入住。


放好哂啲野,青瓜同朋友決定去搵野食。
2018-12-11 23:29:51
同一時間我同公司有另外一個女仔都係咁,
佢一辭就去左泰國同台灣各一個月,已經返黎搵工LU
2018-12-11 23:31:27
無錯,所以網上每個人嘅經歷都只可以做參考,唔好作準。
自己去之前做多啲呢方面嘅準備,唔好見人地冇事就放鬆。
2018-12-12 00:50:23
呢間確係幾舒服,住過
2018-12-12 02:14:11
[s]總知你唔好以為自己千祈唔好酒店都訂啦。[/s]
總知你千祈唔好咩酒店都訂啦。
打錯字
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞