[多字少圖]《青瓜》西藏行

2015年去嗰陣喺青海出發坐硬卧 大半日車程除咗坐到腰痛之外 身邊啲人啲瓜子杯麵香腸咸酸菜好似食極都仲有咁 落車嗰吓啲垃圾多到踩唔到地板

一餐飯，令四個人開始熟絡。
青瓜叫哥哥仔一齊食自熱飯。
哥哥仔拒絕：「其實我不吃這些東西。」
咩意思?

哥哥仔同青瓜幾岩傾，因為大家都係一個鍾意去旅行嘅人。
不過佢爽啲，佢一去就去幾個月。

最重要係，青瓜可以用廣東話同佢溝通，雖然哥哥仔唔識講，不過佢識得聽。
其實為左展示友好，青瓜旅程上成日都想講啲國語等哥哥仔覺得親切啲。
但每次，哥哥仔都叫青瓜都係講返廣東話算，唔好勉強。
可能哥哥仔啲國語都唔好。


哥哥仔問青瓜：「你們好像預備很充足，是很有經驗吧?」
青瓜聽到滴哂汗，以為哥哥仔係笑緊佢地拎太多無謂野。
到後來發現，哥哥仔真係諗住空手來，空手去。

傾左一陣，哥哥仔話佢要瞓。
佢係一早由深圳坐飛機去成都，已經係成都玩左日。
青瓜同時亦發現，自己真係傻，原來坐飛機去成都又快又平。

哥哥仔三分鐘都冇，就瞓左。
朋友同青瓜講，佢牙都唔刷，衫都唔換。

青瓜覺得無問題，因為衞生呢樣野，從來都係做俾人睇。
所以青瓜同朋友講：「你唔刷我都唔介意。」
然後大家真係乜都冇做，就瞓左。

但補充返，哥哥仔啲鼻鼾聲好大。

第二朝，青瓜係被嘈醒。
有個奴才命嘅八婆冇閂佢平時返工嘅六點鐘鬧鐘。
神奇嘅事係，四個人入面，得青瓜一個醒。

幫佢閂左個鬧鐘，再瞓。
然後半個鐘之後，第二個鬧鐘響。

唔同人嘅鬧鐘陸續響，但醒嘅人依然得青瓜。

(估唔到連哥哥仔都係咁)

青瓜瞓唔返，選擇睇下風景。
然後發現，落雪了。
不經意地，哼起一首歌：「冬天該很好，你若尚在場。」



本來辭職去旅行，係兩個人嘅事。
但結果展開旅程嘅時候，只係得返一個人。

我仲未放棄，諗住遲下會去北京嘅時候試下... ...
我係咪應該放棄?

我都打算遲啲唔搭飛機同班friends 去西藏挽下
樓主有無話帶左幾錢
期待樓主既分享

全程 8000蚊左右
仲有淨幾百返香港
全程包括酒店火車機票食玩買等全部費用

有無話諗住住喺邊
有計劃定到左西藏再即興挽

咁平 你地有無包車入藏

入藏係坐火車
包左司機玩左6日 其餘時間自己玩
之後會解釋下唔同嘅洗費

邊玩邊book
因為有個太好嘅司機
有需要可以俾聯絡方法你

可以試吓嘅 人一世物一世嘛

6月去完 西藏好值得再去

推

試完再分享😂

好值得再好

你地係約司機跟住想去邊就去邊
類似包車四圍去個種？

不過絲打唔好諗坐硬坐啦，因為依我來回由廣州到拉薩嘅經驗
硬坐區又有人食煙，啲人又會訓係卡與卡之間
不太建議

冬季入藏嘅資料唔多
好多地方會臨時封左
所以預先搵左個司機 話俾佢聽想去咩地方
佢再同你夾 俾一個路線車你去

係包車 而同時我個司機都好似一個導遊咁

明白 我都係參觀下硬坐當坐左算

基本上某啲月份入藏會有村唔開放進入
另外唔同嘅自然景觀區亦會有禁入期，避免過份被遊客玩爛，可持續發展嘅道理

最重要係衛生好差，軟臥真係我火車來回過百個鐘嘅好朋友

下次再去就想入阿里北睇無人區
又或者想去色達，了解咗拉薩嘅喇嘛先發覺原來好多都係假嘅

係啊，特別11月至2月好多地方都會閂左。
就連一定熱門嘅旅遊景點都會因為咁樣而封左啲廁房、遊客處等。
同時好多路亦都會趁呢個時間修路，所以部份公路有限制。
之後都會講呢個問題同好處。

SAME!
仲有我想去崗仁波齊轉山，今次因為天氣問題去唔到。

下年打算上轉山