第一次寫遊記,多多指教。
-
青瓜返左三年工,頂唔順份工放親假都捱貴機票,結果辭職,決定行開下。
頭兩站去左啲大家去到闔埋眼都識行嘅地方,唔講喇,大家都唔會想知。
之後決定去西藏,原本,係一個人去。
傾下傾下,變左三個人。
上網話去西藏要好多準備,青瓜心諗:「嘥氣啦。」
約左個司機,執左個睡袋、相機,出發。
講返點解係西藏,其實冇,只係咁岩上次去尼泊爾行山要昆明轉機,整左張回鄉證。
呢張野,係恥辱,不過方便。
青瓜抱住「遲下會唔見,唔會再整返」嘅諗法,所以用左先。
青瓜揀左十一月出發,其實都係求其夾個期。
可能大家覺得未必適合,始終十一月起就係西藏嘅旅遊淡季。
不過其實十一月幾好。
結果11月中,出發。
三個人,十一月坐火車由香港出發,無買回程,因為達唔到共識點返黎。
不過無論如何,出發左先。