[實時背包窮遊] 帶住40萬圜去南韓獨遊15天 登山+周圍遊

係百潭寺入口搭個架巴士，
十幾分鐘左右就到百潭寺
睇下出面騰雲駕霧咁就知奶野



見雨勢起碼會去到晏晝
即刻換返件雨褸先

行前多少少 過埋橋就會到百潭寺



百潭寺算是內雪岳中歷史悠久的寺廟
如果有時間可以慢慢行 但我趕山所以無停太耐

穿過百潭寺重返山路
d河溪好急 水仲上埋橋面



百潭寺起行上大青峰的路
沿溪谷而上 唔係落住雨既話我應該會狂影瀑布



所以如果要黎雪嶽山既話
最好對鞋有一定防入水、防滑為佳

不過韓國d國立公園算係咁
好多好難行既路都整左樓梯俾你行

距離大青峰都係仲有11km 好快到啫 無事既
大青峰海拔1708米 係雪嶽山既最高點



本來條路唔算話好難行
但係落住雨就成日都驚仆街
幾經辛苦終於到左永矢庵



大家都會係呢度稍作休息
咁我都唔客氣 抖返順條氣先

多唔多人行眼見？

從永矢庵繼續出發
基本上就係瀑布放題



雖然落住雨 但見到一條又一條既瀑布
真係忍唔住冒死影相



雪嶽山係好出名既睇紅葉勝地
亦都係最早有紅葉既地方



真係落好大雨



呢段路好得意 我仲驚緊會好難行
意外地係石頭路＋樓梯＋橋
如果行開樓梯既話 應該會行得好過癮



雪嶽山呢段路係穿插係溪谷之間
所以成日都會見到瀑布



因為都九月中，愈上得高紅葉愈多
聽講雪嶽山早於九月尾就月滿山紅葉睇



呢個峰我唔肯定係咩峰
但呢個角度影埋去好似武俠片d場景



雪嶽山既紅葉真係幾靚



第2個武俠片feel既位



行左接近4個鐘既時間
終於可以離開條溪谷 去到鳳頂庵



當然要抖抖啦 跟住就係進擊小青峰

多呀 我覺得韓國人都幾鐘意行山
24小時都會見到人

好偏僻 但係風景真係幾好靚！
如果滿山都係紅葉真係不得了

樓主單機15日？

樓豬每個post都收負皮
可能行山景無乜特別 唔夠靚
但你我覺得幾特別又夠另類

其實佢都算紅得好早
只係我本身係為行山 唔係為紅葉
所以無話就紅葉期 但我依家後悔了

係呀 自己一個行山其實都幾驚
好彩d山路唔會話好靜
唔係跌左落山都無人知

可能我寫韓國就有hater掛
其實我都唔係咁鐘意韓國

又可能係無人地去個d大景點咁靚
不過我自己好鐘意行山
當自己係大自然入面個陣
先會知道自己作為人類係幾渺小

多謝你支持 雖則d相唔靚
因為我純粹用電話影完就放上黎

鳳頂庵係一個咁高既地方建寺，
其實都唔係好明佢地平時點生活
唔通真係識輕功 定係吸仙氣就生存到



個寺廟都算靚靚仔仔



真係隱世寺廟咁款
淨係係咁高既地方起間寺出黎已經覺得好神奇



呢度再上就會到小青峰，
由百潭寺入口出發到依家已經有6個鐘，
由0米海拔一直去到鳳頂庵已經係1200米高

係去小青峰個陣風雨突然加大左
我都唔敢太鬆懈，所以無乜相
上小青峰既路其實只係得1公里左右
但係會一直爬升到1600海拔左右
亦都比之前既路難行左好多
不過黎到呢個位都容不得我放棄

幾經辛苦終於到左小青峰山屋，
因為要趕係晚上7點到我要住既中青峰山屋，
唯有頂硬上行埋最惡頂既0.4km



隱約都會見到山上面有唔少楓葉已經紅左
不過雲層好厚 幾乎望唔到下面



過左小青峰 原來仲要行呢條碎石路
心血少d都嚇死



最終係晚上6點左右，終於到左中青峰山屋



中青峰山屋既設施都算比想像中好
有煮飯既地方 亦有小賣亭
竟然仲有叉電位（公眾位）同微波爐



有coffee 同 米飯 賣

不過首先報到左先 放低個背囊先都好
山屋要係上韓國國立公園個網度預訂左先
跟住到左山屋就俾cash 13000won
佢地會問你要唔要用blanket 2000won用一晚
我就要左一張 山屋d宿位係全木板
所以我就用黎墊墊底 訓得舒服d



d 宿位就係咁既樣



我本身係山下已經買左個杯麵、毒撚午餐肉同咖啡
但覺得唔夠飽 最後係山屋買左個叮叮米飯 3000won

窮都好過餓死係山

食完之後記得打包返自己d垃圾落山

跟住呢1日就訓覺了，清晨起身攻頂

現金剩207,300won

現金剩207,300won

你而家係第幾日？
用到得返一半

Child登太多仇韓狗會然，只要係韓國post，就會有人入黎負皮左先，理得你個post有高汁

利申: 上次係到開過首爾post, 好多人特登入黎負皮

木板 我應該訓唔著，雖然街都訓過

８月底都去佐首爾玩佐１７日
原本係諗住學你咁去遠d去偏d
到頭來唔識plan就跟旅遊書係首爾遂個景點去下就算
仲要有幾日落大雨同懶就無出去，留佐係宿舍

去完係唔捨得走
雖然溝通唔到但好住
我諗最大原因係地方大

我見當地人生活模式都好緩慢
朝早８點係一個小區度係好少早餐可以食
中午先會開市

同埋佢地扮工仲扮得犀利
夜晚見到好多店員都係坐係度玩電話等收工

弘大一街都係同一個樣既女仔
同埋同一個風格既男仔裝束

睇post遠區近郊都真係幾正
下次去旅行做多d功課先

BTW 我臨上機之前發現唔見佐passport
係韓國滯留多兩日，巴打都要小心保管隨身物品呀

寺庙可以住？

推，唔好爛尾

晚上7點幾已經係中青峰山屋訓左覺
就係為左上大青峰睇日出
日出係6點15分 而上大青峰既路大約只有幾百米
但我驚我行得慢 所以4點半就起身出發了

上大青峰既路其實相比起琴日上山既路
算係BB級 路線清晰 鮮有攀爬既路段
但唯一問題就係吹緊強風同大霧

係上大青峰既時候 強風差d令我企唔穩
好彩既係我終於撐到去大青峰啦

不過到左大青峰既時間只係5點正左右
距離日出仲有差唔多成粒鐘
同埋大青峰既強風愈吹愈猛
我差d就想放棄落山

係大青峰食左成粒鐘風 個天都終於開始光



但臨日出晚時候濃霧降臨
連前面個山坡都睇唔到


同大青峰既石碑影張相先



有d野真係不吐不快
韓國人既性格真係完全會令我呢d遊客強烈反感
話說我係大青峰既時候 有d呀叔都係度
佢地好鐘意隨地吐痰 係山上面都唔例外
明知有人坐係附近佢地都係照吐
雖然無彈到我 但呢種行為真係令我對韓國無哂興趣

仲有就係d呀豬媽同大叔真係1d禮貌都無
大家排隊同石碑影相 佢地一堆人直接圍埋舊石碑到
大家就無得影要俾佢地影相啦

跟住佢地影完係唔走 繼續影 影左10分鐘有多
有個後生仔終於搵到空隙堆去影
後生仔走個陣講左句野似係串呢班人
跟住個大叔仲好多聲鬧個後生仔
呢個後生仔係排係我前面
明明自己有問題 仲可以大聲夾惡鬧人

最後我都有空隙影左張相



whatever啦 影到咁都唔想再影
個班呀豬媽同呀叔已經覺得我阻住佢地happy

最後無奈地就落返山屋休息多陣



落山個陣 頭先個班呀豬媽同呀叔就差唔多時間落山
落山既時候仲係濃霧 仲有d微雨tim
咁我落緊既時候 有陣強風
後面竟然有人好大力推左我落去
好彩我安全 一直都緊揸安全繩
因為d石頭好滑 我成個人坐左落地下
手臂仲傷左少少

回頭一望咩料 原來係頭先知呀豬媽捉住我借力
一野推鳩左我落去 仲要當無事發生
一句對唔住都無 真係油雞鹵味祖宗十八代都鬧埋出黎

所以我一直一直都好唔鐘意去韓國
我唔明既係 點解可以完全唔理其他人死活
呢個自私既行為 真係仲衰過中國人做既野



呻完 就返山屋抖抖同處理下個傷口

山屋最遲既Check out時間係上午8點
臨夠鐘前會有個呀叔叫大家清場

臨走前食埋個早餐先 呢個都係上山前買定



離開山屋個陣 見到d濃霧散左一半有多
但已經唔想再上去了
就沿路落返去我今日既目的地 新興寺

落山個陣 一路既天氣好到不得了
我每次出去睇日出都係睇唔得完整


呢條路雖然唔係百潭寺個條路
但同百潭寺個條有異曲同工之妙
而且呢個溪谷既風景都算唔錯



不過睇得多都會悶 而且我睇左咁多
所以都唔share太多呢d景



值得一講既山路路況
我行既兩條雪嶽山山路
都係整修得唔錯 行起上黎算舒服
唔似香港個d一味就用石屎or混凝土
不過要注意既係溯溪既地方都會有
鞋既選擇最好有一定防入水既能力



由上午9點正落山 大約下午2點幾就已經到左新興寺



一般遊客係唔會走我呢條路線行雪嶽山
而會係束草搭巴士去權金城入口
大家去雪嶽山又唔想登峰可以係呢邊入黎
都有唔錯既景色會睇到
不過我係無去權金城

而係呢邊入山係有入山費3,500won

有僧人架嘛

山屋係第7日
有人睇已經開心架啦

硬d啫 攰起上黎 企係度都訓到啦

lm

我覺得網上面既資料都已經好多可以參考
只係你夠唔夠膽去到咁遠

我覺得留係城市區係永遠睇唔到當地最真切既人文
全部都係當地政府想俾你睇既野
但現實往往唔會100%係美好
而當係覺得個度係100%好正
好多時都係1d假象 專登整出黎去吸引遊客
但我去旅行唔想淨係睇呢d
然後打個卡就叫去左 我自己唔係好接受到呢種方法
就算語言唔通 係現今科技咁發達既時候
其實語言真係唔會係難題
而係你點樣拎出勇氣行出去克服

我自己最叻就係講廣東話
其實我英文同普通話都唔掂 咪又係咁去

其實由雪巖山大青峰落黎已經係22號
由我15號出發起計已經係Day 8了

而我今次另一個我好期待既行程就係今日！
新興寺兩日一夜Templestay 寺廟住宿體驗

其實Templestay係有好多韓國寺廟選擇
而每間寺廟會有唔同既體驗行程供應俾大家參加
而我今次去既係我千揀萬揀既新興寺
係以我既動線去做選擇的 同埋佢既行程幾岩我休息

我未到個陣會諗
究竟我係咪會好似同其他僧侶一齊修行
訓覺同唸經會唔會好難handle
我d英文咁水皮 會唔會溝通唔到

去到之後發現原來真係1d純粹體驗同感受既行程
可能佢只係當你係凡人 亦非修道人
所以真係去感受下僧侶每日既作息為主



新興寺，係由公元六百幾年已建寺，
可惜因火災而多次重建，
但其歷史文化傳承已久 保留至今

穿過新興寺門坊，就會見到統一大佛
統一大佛同紀念品店中間有條小路


行入面 紀念品店後面就係temple stay既地方了



佢門口無任何templestay指示
我都搵左一陣先搵到

呢度就係我要留宿既地方 比想像中新淨
住既地方係咁 有廁所 有暖氣



床鋪當然要自己鋪啦
佢每間房係兩個人 所以要同人share
而女同男係會分房 除非係家庭關係



其實佢行程就唔會好豐富
今日行程就係咁既
15 入宿＞15-17 自由散步＞18 晚飯＞19唸經＞20 訓覺

因為我岩岩係大青峰落黎
體味自然有返咁上下
所以即刻沐浴更衣先

你入宿個陣係有套templestay僧侶衫俾你著住



入宿既時候就俾左本templestay既資料我地睇
入面寫既係英文 介紹咩係templestay
住係寺廟有咩要注意 拜拜既動作要點做
解釋下1d常用既經文 同埋韓國佛教既歷史
所以我就係房睇下呢本野同休息下

跟住夠鐘食飯就跟住templestay主持去食飯
飯堂係主殿個邊 所以要行過去

飯堂供應既自然係素菜
韓國佛教食既主要會係疏菜為主
所以當然有泡菜同其他以蔬菜為主的小菜
仲有啖熱湯飲下



食飯前要唸經 不過主持搵個鬼仔做代表唸左就當係



食飯就係長枱食 記住食幾多拎幾多
要食哂先好走 食完記得自己洗返d野



食完飯就去唸經 相係第2日補影



去到主殿同佛陀拜拜打個招呼就埋位
今次唸經係唔洗真係跟住唸
（佢都唔會預你一兩個鐘就背哂d經文 ）
有真主持同埋其他僧人係度帶住成個儀式
其實拜拜同唸經真係好攰
一路聽經 一路要跟住佢地拜拜 係五體投地咁款
所以又上又落真係腳仔都痺埋

聽左20分鐘 終於完左1part
咁我地收拾返d坐墊就返宿舍訓覺



其實返到宿舍都只係7點半
但templestay主持就叫大家早d訓覺
係香港7點半可能先岩岩收工返屋企
不過黎體驗嘛 同埋我都攰 所以就真係走去訓覺

第2朝晚早飯係朝早6點鐘
今次真係早起既雀仔有蟲食啦

見過有得住同食，但係唔知點訂