講多少少熱帶氣旋受既地形影響
以下係今年既瑪利亞颱風(冇錯又係佢)接近台灣嗰陣既850百帕相對渦度圖,可以見到接近台灣嗰陣台灣西南部有一個相對正渦度區,我地叫佢做「背風低壓」。呢個低壓之後同瑪利亞產生咗類似「藤原效應」既作用,兩個氣旋沿著中心點進行逆時針旋轉,所以瑪利亞係接近台灣嗰陣出現咗一個先西北後轉西既路徑。
返黎山竹颱風,你會發現其實大同小異。山竹係接近呂宋島嗰陣,數值都報出咗一段先西北後轉西既路徑,原因都係因為呂宋島西南部會(老是常)出現背風低壓。
所以熱帶氣旋受既地形影響,其實唔限於撞山嗰陣既結構調整,同背風低壓既相互作用都係要注意既地方。