[日本][紅葉] 有冇人去過東北睇紅葉?

兩件褸＋兩件衫，希望夠

我張相明明係打直

聽日去十二湖，不過都打定輸數無咩睇到

上星期去左青森八戶弘前一個禮拜, 行左2座山+成條奧入瀨溪:

1. 八甲山頂己落葉, 山腰 <-> 酸ヶ湯温泉 就紅葉, 山腳仲係綠色









2. 奧入瀨溪綠色, 十和田湖有紅有綠







3. 岩木山由岳溫泉上山 ，岩木山神社落，行左6個鐘

見到個牌都有諗過上唔上山好, 仲要全程得自己一條友行上山


上山山頂條路凍到結霜, 不過其實我只係一件防水外套 + uniqlo 短袖薄羽絨都OK




落山風景好L靚, 但條路係超5星, 普通人行呢條路死硬








岩木山神社上山口都熊仔驚告

勁...一個人行上去

搭車上山都見到條路好靚，最衰整親隻腳，唔係我都會行

黎個中途檢討，當初plan得太理想，點知一到埗就感冒＋整親腳，結果好晏先起身
第一日去唔到城倉大橋；
第二日行唔切奧入瀨（有部份因為我on9 ）；
結果第三日就臨時變做去行埋淨低果段奧入瀨同城倉大橋，係來回弘前有啲耐；
（亦無浸到任何溫泉，原來酸湯有日歸溫泉 ）

岩木山順延一日，本身想行落山，但因為前一日行得太急整親腳，唯有搭巴士上落
（好彩弘前城無咩野睇無蝕到）；

今日搭五能線（本身想搭6：46果班，但遲左一分鐘要搭8：48 ），其實應該至少留兩日比佢，預時間去 白神山地 （白神之森遊山道） 同 留山 ，夜晚住不老不死溫泉睇日落。


總結：唔應該貪心，應該留2日半比奧入瀨，1日岩木山，2日五能線，1日秋田，最後返東京

巴打覺得上定落山難？

八甲田山只有山腳

巴打成條奧入瀨行左幾耐，多唔多人？

我行既方法好奇怪，所以無參考價值，人都幾多（22,23/10）。

Update: 我真係完全唔應該放秋田內陸線入行程，當初勉強加入行程呢步錯哂

落山係行百沢登山道, 難過由岳溫泉上山好多, 有一半係石澗, 仲要係有水流, 再加埋有幾度地方上下落差大, 好怕跣腳PK..., 所以好小心咁行, 但一路紅葉風景都好靚, 值得一行.

如果以香港行山難度咁計, 應該係 5+ 難度.

另外介紹個日本行山app - YAMAP , 有齊路線GPS, 海拔, 大約時間, 一條友去日本行山唔怕蕩失路, 仲可以睇下其他網友即日行山相, 可以知道紅葉最新 status

利申: 行過虎跳峽, 又試過即日用左5.5+2個鐘上落富士山.

巴打覺得上定落山難？

落山係行百沢登山道, 難過由岳溫泉上山好多, 有一半係石澗, 仲要係有水流, 再加埋有幾度地方上下落差大, 好怕跣腳PK..., 所以好小心咁行, 但一路紅葉風景都好靚, 值得一行.

如果以香港行山難度咁計, 應該係 5+ 難度.

另外介紹個日本行山app - YAMAP , 有齊路線GPS, 海拔, 大約時間, 一條友去日本行山唔怕蕩失路, 仲可以睇下其他網友即日行山相, 可以知道紅葉最新 status

利申: 行過虎跳峽, 又試過即日用左5.5+2個鐘上落富士山.

睇巴打你既講法都知你行開山，非常人
即日來回富士好強。
聽你咁講，好彩我無自己一個行，唔係天黑都未落到去。
上山我睇入口似鋪好哂路
你覺得上落岩木山既難度係幾多？ 等我比較下

如果有做開運動行開山, 岳溫泉行上山3-4個鐘應該無問題, 條路都好昜行, 係由鳥海山上岩木山山頂果段比較難, 大概係行上西貢蚺蛇尖/釣魚翁咁上下, 有幾個本地阿公阿婆都上到山, 所以其實唔難




大部份日本人係由百沢登山道上山 (4-5個鐘, 難度4星), 岳溫泉落山(2-3個鐘, 難度2星), 咁會相對昜D.


我就因為趕14:40巴士 (下一班車要16:40) 返弘前, 先至相反咁行, 由岳溫泉上山(3個鐘, 難度2星), 百沢登山道落山 (2.5個鐘, 難度5+星, 有流水石澗, 上下落差大)

到左角館，想睇紅葉既話，可以遲多一星期

係 不過今次可以plan好啲

下星期去，剩係可以即日來回，糾結緊去唔去奧入瀨

邊度出發先？

青森

諗住去 松島 山寺 平泉 弘前 中野もみじ山 會津若松，但就得五日

諗緊可能唔去其中一兩個改去奧入瀨，但唔知實際有無相機影出黎咁靚，同埋驚人太多

下星期就遲啦

又好似未必 當我無講過

遲就好似唔遲
不過睇天氣預報都係陰天有雨

如果影相嘅話就無陽光先好