[IT] 學寫網頁歷程

我又唔會話呢2樣野好差既，oracle db一定唔會咁快死大把大公司core用緊佢，linux shell script就更加啦，只不過係舊d冇咁多fancy野

宜加寫緊angular 5

其實唔係差，但係skillset太窄好難轉到工，淨寫SQL要處理咁多data嘅行業香港有幾多我唸師兄都知 先至去搵新嘢學定者

我都用緊5，angular係幾齋功能不過啲RxJS真係幾麻煩下

淨係d observable都夠玩死你
雖然係幾好用

唔係on job training好難有心機寫得深入

都係既，上唔到m grade行業一轉型就即刻可以收皮

其實我覺得剩係backend嘅嘢都有排你學，學到精一樣嘢唔係咁容易，而家畀你跟住教學網學新嘢最多畀你學到最面嗰浸，之後學完又有新嘢出，最驚就係到時兩頭唔到岸，倒不如學精啲backend再學新嘢都未遲

問下 中小型網站係咪基本上MySQL已經係萬用刀？
明明relational 必要性咁大，點解mongodb可以咁盛行？
其實係咪要處理d不斷增加嘅post/users 係咪基本上唔會考慮mongodb/firebase果類？

以我所知，mongodb呢類會有機會做成data loss，如果你要求要ACID，要保證每條transaction嘅可靠性嘅話，都基本上係用Relational database

i see
咁幾時用non-relational? 既然MERN stack咁多人用咁應該好多情況都適用

Mongodb嗰類通常用嚟儲存一啲龐大、結構簡單、唔追求ACID、唔追求結構類型統一等等

逐項嚟解釋吓

例如龐大嘅資料分析，蒐集大量網站嘅數據嚟分析user行為，mogondb最啱做啲咁嘅嘢

結構簡單嘅資料，例如話一啲坐標資料或者log，可以一下子拎出嚟睇，唔需要relational database咁join嚟join去，mongodb比較擅長，因為佢嘅資料係用json結構裝起嚟，最適合成個json拎出嚟睇，但唔適合做一啲複雜嘅搜尋，你諗吓佢係一堆堆一舊舊嘅json嚟，唔會適合join嘅操作，通常係一下就拎出嚟睇，所以效能上會快過relational database

佢唔追求ACID，雖然好似話最近會支持，但係都係持住觀望嘅態度

唔追求結構類型統一，如果平時用relational database一開始要設計好晒schema，例如欄位、類型，但如果係儲存網頁訪問信息，例如咩cookies、user agent、date、content-type...之類，如果係relational database要儲存呢啲資料，你首先要將嗰堆嘢set晒喺table入面先，但係呢啲嘢唔係每一個信息都有齊，有啲係optional的，如果係咁，即係話每一條record入面會有好多變成null，咁就會浪費咗好多空間，但係mongodb呢類因為佢係一個json嚟，所以唔需要跟足個結構類型，就算個key/value pairs有多有少都無問題

到最後你會發覺我上面寫咗咁多嘢，其實基本上都係一啲就算data loss都無乜所謂嘅data嚟，好似log、網站數據、坐標資料等等，所以如果係要儲存一啲唔可以掉失嘅data，好似銀行啲交易，一定係用返relational database，唔會走去用呢啲mongodb，因為佢唔係追求速度，而係追求安全性同穩定性

有時json都可以 "key" = null, 咁樣又晒左位

係，你諗吓佢都要儲存，如果唔係你覺得佢點樣認個key係null？

但咁樣做validation係咪有好處

睇情況啦，如果你個field本來就係optional，咁咪無需要寫落去，如果你個field係required，咁個人無填到嘢，你咪寫個null落去代表佢無填嘢

我記得玩golang果陣 json可以omitempty

寫程式點樣先可以寫到發達

php一定要識用framework，最出名幾隻係Laravel、CodeIgniter、Symfony、Yii，但係PHP通常只有中小企或者有啲vendor會用，大公司通常只會係用Java同C#

我剩係知做老細嗰個通常唔使寫code，但係賺得最多錢

聽人講，如果腦細都落手寫 code 嗰啲公司(尤其搞 product)，通常最後都收皮

startup嗰啲囉，cap完水就收皮o架啦，入咗去幫佢手嗰啲一樣收皮，隨時炒撚咗你，通常呢啲startup都會用新技術，好似react嗰啲

framework整出嚟嘅原因係要限制你programming嘅寫法，你諗吓係平時寫php無用framework嘅時候，你有自己嘅一套寫法，但如果好多人做一個project嘅話，每個人嘅寫法都唔同唔統一，咁到最後就會炒埋一碟，而且framework已經提供咗畀你好多寫好咗嘅功能，已經test好晒，唔需要你吓吓都自己寫，因為吓吓都自己寫嘅話，錯嘅機會亦都大增，可能你話framework都有機會會有bugs，但係唔好忘記，framework有一個團隊負責maintain，所以定期就會有update解決呢啲bugs