用新偈又唔拎部樣板返香港試唔係呀,夜晚先搞都得啦呢d伏已中?
結果做白老鼠大量入貨
有部歐六行緊788其實普通carlo分唔分到部mmc係歐5定歐6
【爆相爆片】九巴冷氣口被封膠紙 成車乘客被迫焗桑拿
大熱天時,噚日仲有酷熱天氣警告,放工逼巴士冇位坐都唔緊要,但車廂一啲風都冇好似焗桑拿咁,都咪話唔辛苦!李先生噚日傍晚6點幾放工,喺新蒲崗搭277P線返粉嶺,當時好多乘客,架車幾乎爆棚,佢上到車都要企喺近車頭位置,一上車已經覺得好焗,抬頭望吓發現頭頂有5個風口位都被黑色膠紙封住。
嗰條線係特別班次,服務時間係逢星期一至五下晝5點半到夜晚7點,每半個鐘一班車,所以通常都好逼人,大家都表現得唔係幾舒服,有人用手上嘅報紙撥涼,有人開住手提風扇仔,李先生話車頭一滴風都冇,佢係咁標汗。
但車長似乎冇受影響,李先生話見到佢啲頭髮有風吹郁,估計車長位係有冷氣。其他乘客你眼望我眼,但係就冇人開聲問車長點解會咁焗。結果李先生捱咗45分鐘去到粉嶺落車。《蘋果》就呢件事問過九巴,九巴發言人話,經過檢查之後,證實有關巴士嘅空調系統運作良好。但係九巴會提醒車長喺開車之前,加強留意同檢查巴士上嘅設施係唔係一切正常。
https://hk.news.appledaily.com/breaking/realtime/article/20180807/58535938