如果有個星球淨係得狗嘅話,佢哋所睇到嘅"顏色"就正正係佢哋所認知嘅"顏色"囉。如果你話啲狗所覺得嘅係錯嘅話,咁我會用返你講嘅"個星球淨係得狗"呢個前設答返你。上面巴打都講咗顏色係相對,正如無人眼中嘅顏色係完全相同,我相信無狗眼中嘅顏色係相同。
概念、感覺本身就因人而異,而物質就唔會咁樣,所以你唔能夠用一啲概念、感覺而進行否定,就正如夏蟲不可語冰,冰係一種物質,你肯定或者否定佢嘅存在只係基於佢係一種物質,同埋有另外一個觀察者知道有冰嘅存在。
而上帝呢個例子,假設佢唔係一個概念,咁你就要證明佢存在,就要同時搵到知道佢存在嘅觀察者。否則如果佢係一個概念,咁就可以否定佢嘅存在,因為概念因人而異,"存在"必須喺有可能(或者用有能力)見到之下先會出現。