[幫完人出外傳] 我死咗之後比人派咗去看守旋轉木馬

Kate 拉咗我埋一二邊，但咁樣並對我記起佢真係零作用。

「你 ... 真係唔記得我？」佢問。

「有一種好熟悉，但又講唔出口嘅感覺。」我答。

「對唔住。」佢話。「我唔應該拉返你上嚟。」

「點解咁講？你唔係幫我架咩？」我問。

「我係返工冇野做嘅時候，上網搵咗好多旁門左道嘅救人方法。」

「救人，救咩人阿？」

「救返死咗嘅人。」Kate 繼續解釋。「我知道，人死咗，會落到陰曹地府。而我要做嘅野，就係落去，將你嘅靈魂拉返上嚟。但用呢啲方法救你，我死咗之後會得到雙重報應。同時，我拉錯咗人。」

「咩叫拉錯人？」

「我拉咗另一個時空嘅你返嚟。所以你靈魂嘅記憶會用原本身體嘅記憶重疊，令到你唔記得某啲原本時空嘅野。同時，係呢個時空，歷史都係有唔同。」

「例如呢？」

「我唔係你女朋友。」佢開始喊起上嚟。「你地 ... 你地全部都唔係我朋友！」

我唔知係佢激動先講出呢啲說話，定係係平行時空裡面，我地真係唔係朋友。

所以係靈堂，嘉怡並冇同 Kate 講任何野，因為佢地跟本唔識。

如果呢一切係真嘅，呢個唔係我所屬嘅時空，咁我應該代呢個志偉生存落去？定係應該儘快離開？

Kate 已經喊到泣不成聲。我掃掃佢背脊，到我安慰返佢。

「唔好喊啦，我宜家咪係到陪住你。」某程度上，我只係為咗安慰佢而安慰佢，因為我跟本對佢已經冇晒回憶，儘管有種熟悉嘅感覺係到。

「但係 ... 但係 ... 」Kate 就算喊到死死下，都好似有野想講埋佢。

「你慢慢講，我仲係到。」我繼續安撫佢。

「但係你 ... 最後都會因為我而死 ... 」Kate 喊得更加大聲。

而我，都好想比人安慰下。

推

我唔明白 Kate 會話我遲早會為佢而死。

但係佢宜家只係一直喊一直喊，喊到一句野都講唔到。

我抱緊佢，希望比佢感受到溫暖。

呢個時候，嘉怡行咗過嚟。

佢睇到嘅畫面係我地兩個攬埋一齊，只係差在未咀去落去咁解。

我有種心虛嘅感覺，馬上放開仲喊緊嘅 Kate。

「我只係安慰緊佢。」我立即向嘉怡解釋。

我唔知點解我會突然咁緊張，唔知點解唔想佢誤會我。但我估係呢個時空，嘉怡有可能先係我女朋友。

「多謝你。」Kate 向我答謝，然後就轉身跑去。屌，點解呢個世界咁多人都鐘意跑走嘅？

「掛住人？」嘉怡質疑我。

「唔知。」我答。「只係覺得佢好熟。」

嘉怡聽完之後，馬上抱緊我。

「咁樣你熟唔熟悉我？」佢問。

嘉怡嘅身材一向出眾，係呢個時候，佢抱得我咁緊，我不某令到小志偉醒咗。

「次次都係咁架，一抱你就扯。」嘉怡笑得好甜，睇完佢先係我真正嘅女朋友。但點解，佢冇嚟醫院探我嘅？

「返屋企啦，今日我好攰。」今日的確係一個好傷神嘅日子。一時之間，記憶錯疊，事實轟炸，等等等等嘅野炸入我腦，我的確需要一個好好嘅休息。

「我屋企定你屋企？」嘉怡問。

「你屋企啦。」

.

係回家嘅路上，我嘗試重組事發當日嘅情況。畢竟係呢個時空嘅回憶返到嚟，我理應會記起呢個時空嘅我係點出事。

但無奈地，每一諗起一啲新嘅野，我個頭就會馬上痛起上嚟，令到我無辦法再諗起更多野。

我向嘉怡講出我頭痛嘅情況，係上到佢屋企之後，佢比咗啲藥我食。

「食完就瞓下教啦。」嘉怡親吻咗我一下，然後我情不自禁地開始同佢接吻起上嚟。

我開始脫去我嘅衣服，佢亦都脫下佢嘅黑色連身裙。眼前嘅佢，只除淨一件黑色嘅內衣同一條黑色嘅內褲。33D 嘅身材係我面前坦盪盪咁完美呈獻。

「喂喂喂，你條仆街醒下啦。」屌，點解又係呢把聲？

東主病重 休息一天

東主病重 休息一天

好好休息 後日double產量

李白

今晚出文 要大家久等了

今晚出文 要大家久等了

走數

我好懷疑我係咪良心發現，所以先會聽到李白把聲。

「我叫你醒下阿柒頭皮！」有人一野打落我個頭到，我擰轉頭一睇，我屌！真係李白！

嘉怡見到有人入侵咗自己屋企，都不禁大叫咗出嚟。而李白就用咗唔知啲咩法術，令佢暫時暈咗。

「佢只會暫時瞓一陣覺，醒返會唔記得咗我嘅野。」李白解釋。

「你係咪上嚟架？你死人嚟架喎！」我問，因為係咁嘅，我應該一早有能力自我起死回生啦屌。

「當一個活生生嘅人可以落木馬接你嘅時候，一個死人點解唔可以返上嚟。」佢解釋。「快啲襯宜家跟我返落去，啲人仲未發現！」李白想拉我走。

「唔得，我仲未搵到真相！我要知道我係點死！我仲要知道我兄弟係點死！」

李白呆咗咁望住我。「屌！你宜家犯緊法架你知唔知？你比人發現咗，你罰得仲重阿！」佢開始心急起上嚟。我知道，呢刻佢係真心想幫我。

「白爺，信我，我一查完成件事嘅來龍去脈，你接返嚟接我落去，到時，我死得心甘命抵。」

「屌，你係咪唔明白個木馬係起嚟做乜野？」李白激動起上嚟。

「咪起嚟比我呢啲有報應嘅人囉！」

「係，死咗係有審判。但派落木馬嘅人並唔係因為生前做太多事而被審判落去。而係比啲死得不明不白嘅人利用木馬搵返自己嘅死因。你以為做錯事嘅報應會咁撚簡單？」

我冇聲出，我駁唔到。

「你成日話要知道真相，屌，你宜家係第二個時空，你點知呢個你嘅死同原本嘅你點死係咪一樣？跟我返去下面，咪知原本嘅你係點死。」

我的確有比佢動搖到。

但我都有義務，去幫「自己」係呢到係點死。

「白爺，比我幫埋呢到嘅自己先，好唔好？」我冇力再嘈落去。

「你唔返落去，我強迫唔到你。但我都要提醒你，你係呢到嘅延命，係用緊你下一世嘅陽壽去續命。」李白都冇晒氣。「你做完你嘅野，我自然會再嚟搵你。」

「多謝你，白爺。」

一眨眼，一切回復正常。我都好懷疑我啱啱究竟係咪發夢。

今晚出文 要大家久等了

走數

尋晚開夜車通頂 一時唔記得咗出

輕輕一推

一星期得一篇

嘉怡亦都慢慢醒過來，睡眼惺忪嘅佢好晴顯好似唔知發生咩事。

「做乜我會瞓著咗嘅？」佢問。

「扑扑你就瞓咗喇。」我求其搵個籍口答佢。

「屌你！賤格！」佢將個攪枕打過嚟我到，但我唔明件事同我賤唔賤格有咩關係。

「返入房瞓啦。」我摸摸佢個頭，然後錫咗落去。

「好啦！但你唔好周圍去喇，留係屋企打機啦！」講完佢再對我笑一笑，就返咗入房。

要搵真相，係人間，我相信個位陌生嘅 Kate 可以幫到我。

我打開電話簿，想睇下搵唔搵到 Kate 嘅電話，卻發現 Kate 嘅電話消失咗。

.

我冇聽到嘉怡嘅說話，我離開咗自己屋企，想去 Kate 屋企上門搵佢。落到去巴士站，我發現我跟本唔知邊個目的地先係 Kate 屋企。

「仆街！仆街！」我係街大叫，唔係因為我痴咗線，而係因為我太嬲，想叫出嚟發洩。

唔通死，先係唯一嘅解決方法？

如果我唔記得 Kate 嘅，咁佢會唔會記得我？

宜家我就好似守諸待兔咁，好期待有一日，Kate 會打返電話比我，又或者我會回覆記憶，又或者 ... 一切回復正常。

.

如是者，如經過咗一個月。

呢一個月，我就好似嚟旅行咁，嚟咗一個陌生嘅地方生活。呢個世界，有好多人同事，都比我想像中唔同。

例如我電話嘅相片，全部都係同嘉怡嘅合照，但就一張同 Kate 嘅合照都冇。

又例如每晚陪我打機，係嘉怡，但唔係我兄弟阿輝。

人同事嘅變遷，令人難以接受。

.

我返到屋企，打開燈。

「Happy Birthday！」嘉怡突然彈出嚟，比咗一大個驚喜我。「生日快樂！」佢又堆嚟錫咗我一淡。

「多謝 BB！」我抱住佢，同時腦海有啲好零散嘅記憶出咗嚟。「有冇禮物拆先今年？」我問。

「我比你今晚一層一層咁拆開我 ... 呢份禮物！」佢嘅眼神好誘惑，搞到我有啲想拆開佢。

佢後身後拎出一份真嘅禮物。「拆開佢啦拆開佢啦！」佢好興奮咁講。

我都有啲好奇佢會啲咩比我。我一層一層咁將花紙拆開，最後，竟然係一部 PS4。

「嘩屌！估你唔到喎！」我笑咗出嚟，佢都同我一齊笑。

「鐘唔鐘意阿？」佢挨埋嚟我到問。

「鐘意，鐘意到死阿！」我笑住講。「但點解冇 Game 嘅？」

「我都唔知你鐘意玩咩 Game。」佢答。

「我最鐘意玩你阿！」我講完立即抱佢返入房，拆開真正嘅禮物。

一星期得一篇

求大神原諒 呢排搞project搞到冇時間打文

推

一星期得一篇

求大神原諒 呢排搞project搞到冇時間打文

好啦原諒你。 加油

抱到嘉怡入房，我馬上開始「拆禮物」。

我將嘉怡一身粉紅色連身裙除下，嘩，估佢唔到入面都仲係粉紅色。

「呢個包紙靚唔靚先？」嘉怡笑住問我。

「靚到出水阿！」我笑住答，但腦海一直有啲斷下斷下嘅記憶浮現。

嘉怡 33D 嘅身材就咁樣呈現咗係我面前，令到我啲小輝輝又再站立。我將胸圍打開，一對布丁完美無瑕咁顯示係我面前。

但成件事嘅氣氛突然急轉直下。

「係咪開心到想死呢？」嘉怡問我。

「係阿係阿！」正當我享受緊呢對布丁嘅時候，我身後突然有一陣涼氣。

「呀！」嘉怡唔知發乜撚野神經，竟然拎起個枱燈，一野車埋嚟我個頭。

「你做乜 - 」野都未講完，佢又打多野埋嚟，呢個時候我已經暈暈地。呢個時候，我頭上嘅血已經流到我半裸嘅身體上。

「你唔係開心到死架咩？咁我咪打死你囉！」嘉怡臉上仍然係一樣嘅笑容，咁樣令到成件事更加恐怖之餘，同時更加不可言喻。

「你個八婆係咪痴撚咗線？」我用盡我嘅奶力跑出房，向著屋嘅大門跑去。

「救命阿！救命阿！」雖然我知道唔會有人聽到，但我內心都希望有人嚟救我。

「叮咚！」門鐘響起，可能太突然，令到原本係後面追緊我嘅嘉怡停低咗，甚至原本佢拎住嘅燈都跌咗落嚟。

「救命！救命！」我向門外嘅人大叫。我老閪都衝撚咗去開門先，一開門，竟然係 Kate。

「生日快 ... 阿！」佢見到我頭上嘅傷勢，不禁大叫咗出嚟。

「救我 ... 」呢個時候，我已經失去知覺。

.

「劉志偉先生？劉志偉先生？」

「啪啪」

「劉志偉先生？劉志偉先生？」

推

「無反應，再嚟丫！」

「啪啪」

「劉志偉先生！劉志偉先生！」

「志偉！」

「李 ... 李白？」

「有反應！再嚟！」

「啪啪」

.

「阿！」我突然醒咗，瞓咗係一個不知明嘅地方。

「乜撚野事？乜撚野事？」一位熟悉嘅男子跑咗埋嚟。我近睇，仆你個街，係阿輝。

「輝爺！輝爺！我好撚掛住你阿！」佢跑咗埋嚟之後，我立即攬住佢。佢身上，仍然有佢嘅汗臭味。

「屌，到底我宜家係邊到？」

「呢到係分流站，係嚟睇下你洗唔洗死嘅。」阿輝解釋。「好彩嘅就可以上返去，唔好彩嘅就可能好似我咁留係到打工。拿，我幫你拎咗快籌，應該好快到你架喇！」

「你洗乜幫埋我啲咁嘅野啫，由細到大都係咁嘅你？」我問。

「一世人兩兄弟，計埋野較啫，幫埋你呢次都唔知仲有冇機會幫阿！」

「相信我，唔會有事！」我唔知點解會講咗呢句野，阿輝笑一笑，無應我。

好快，就叫到我個名。

「劉志偉先生！請到二號窗！」

行到過去，佢有一個好似平時去拎藥嘅櫃枱。而枱上面有好多唔同人嘅檔案，有香港人，有西人，有日本人，有韓國人。佢望咗我幾眼，然後就望返枱上啲檔案。

「你未夠鐘喎，彈！」

加油呀，我仲睇緊架，我唔怕等架

加油呀，我仲睇緊架，我唔怕等架

多謝支持 好感動

推

早晨咁多位
晏啲有文睇！

早晨早晨