[幫完人出外傳] 我死咗之後比人派咗去看守旋轉木馬

163 回覆
18 Like 2 Dislike
2017-01-07 01:43:57
係我面前,係一個森林,同一個旋轉木馬。

呢個旋轉木馬係我嚟到嘅時候就已經停咗係到,冇再郁過。

我大大話話都已經係到逗留咗幾年,我都搵唔到佢嘅開關。馬上面已經封晒塵,因為我已經好耐冇搞佢。

我宜家每日做嘅,只係坐係旋轉木馬側邊,望住佢,一日一日咁過。我已經冇任何知覺,冇感情,冇反應。我唔會肚餓,我唔會口喝,我唔會有生理需要。

其實我知道,我要搵到方法重啟旋轉木馬,先可以離開。可惜,我已經冇動力離開。

可能呢個都算係一個報應。
2017-01-07 01:48:21
好似幾正咁
2017-01-07 01:50:36
大家好 又係我 今次我係嚟出外傳嘅
呢個故其實係係《你每幫一個人 你嘅壽命就會減一日》嘅外傳
大家有興趣可以入呢條Link睇睇個正傳先:
[冇人性]你每幫一個人 你嘅壽命就會減一日
https://lihkg.com/thread/52880/page/4?ref=ios

同埋為咗盡量保持水準(如有) 呢個故嘅出文速度應該會比上一個故慢
所以咁多位唔好介意 但未出文時可以用推文同正評呢個方法嚟支持細佬同幫我加速 我會好感激你地!
事不宜遲 馬上送上唔短唔長嘅第一章
2017-01-07 01:59:28
係我死咗過後,我並冇去到咩陰曹地府,返而嚟咗呢個森林。係森林可以搵到嘅野,除咗樹木以外,就係呢個旋轉木馬。

佢地只係比咗一個指令我:「看守住呢個旋轉木馬」。

而每次我覺得頂唔順,想逃離森林時,最後我都只會返到嚟呢個旋轉木馬,因為我根本走唔到出去。

後來佢地再派人嚟比咗個希望我:「守到某一個時辰,自然會有人嚟代替你。」

但我呢個替更替咗幾年都未替完。

當時嘅我,好奇咁樣踏上木馬,但佢並冇轉動。馬上面亦冇地方比我入銀仔去驅動佢,就算有,其實我都冇銀仔,哈哈。

而係旋轉平台上面,亦都冇任何機械野,冇總掣,冇能量。即係話,呢個旋轉木馬,唔係用電力發電?

我當時好仔細咁觀察每一隻木馬,佢每隻嘅臉上都有唔同嘅表情。有笑住嘅,有喊緊嘅,有憤怒嘅,仲有隻係高潮緊。當然其實唔只咁少隻馬,放心放心,到時我會同你一一介紹。

而我記得當時我第一隻真正觀察嘅,係喊嘅馬。馬係白色嘅,用鐵製造,已經有啲生銹。

而係馬上面,有一個小小嘅門。打開門後,馬裡面擺放咗好多唔同嘅卡片。

我隨手係喊嘅馬入面拎起其中一張卡片,上面只係寫咗幾個數字:「20090810 - 181358」。

我拎住呢張卡片,畫面一黑,佢帶我進入咗另一個世界。

.

我一醒返,畫面同森林有好大對比。森林好黑暗,好陰沈:呢到有燈光,有太陽。森林只有我一個,呢到有好多人,多人到就嚟行唔郁。森林得樹木同樹木;呢到有城堡,有公主,仲有老鼠。

「嚟啦 BB!一齊同米奇影相啦!」係我隔離,有個女人拖住我隻手。

我 ... 返咗上人間?
2017-01-07 02:00:51
好似幾正咁


咁你就記得比個正評支持下細佬喇
不過你可以睇埋前傳先再睇呢個故 會易明啲劇情
2017-01-07 02:49:30
lm
2017-01-07 03:03:36
自己推多一推
但應該聽日先會有文
2017-01-07 06:12:30
2017-01-07 07:18:32
文呢
2017-01-07 13:12:24
早晨
2017-01-07 15:07:02
拖住我位女仔拉咗我去同呢位老鼠先生影相。工作人員將相機拎起,然後開始倒數。

「預備,3,2,1,笑!」咔嚓!

「唔該晒。」我對工作人員同老鼠表示謝意,然後就轉身離開。

「睇下佢又影得幾靚喎。」身旁嘅女仔講,但我冇比到任何反應,因為我有啲不祥嘅預感。「喂,你黑足成日面,出下聲得唔得啫?」突然佢好似好嬲咁樣。「喂,劉志偉!你同我企係到!」阿,乜原來我叫劉志偉,我已經好耐冇比人叫過全名喇 ... 正確嚟講,我都唔想比人再叫我。

「做乜野阿又?」我都開始顯得有啲不耐煩,睇嚟我係唔想嚟呢到嘅。

「你既然咁唔開心嘅你咪唔好嚟囉,嚟到又黑口黑面。」

「我邊有黑口黑面,我攰咋大佬,我尋晚加班加到深夜三點阿,你仲要我嚟呢到玩。」

「你明知嚟玩做乜仲加班啫?」

「我老細要我加我有撚得揀咩?」

嚟到呢到,呢位女仔已經開始喊起上嚟,然後就轉身跑走。

我冇追佢,我只係企咗係原地,望住佢走。但呢個時候,我嘅面上,竟然不禁流起眼淚。

.

畫面再一黑,我已經返咗嚟旋轉木馬。我係到諗,如果啱啱我係返咗去過去嘅,點解我唔改變我嘅歷史?定係呢一切,都係整定嘅?

之於張卡片,係我返到嚟嘅時候就消失咗。

係時個時候,我諗一句歌詞。

「就算讓世事再翻演 會否不改變
仍是會離別 糾纏

拔去穿心一箭感恩不怨」
2017-01-07 15:07:24
出住篇短短地嘅先 晏啲再繼續!
2017-01-07 17:47:51
自推多一下
2017-01-07 19:32:22
主角又會記得佢尋晚開過OT?


後面會解釋返
2017-01-10 06:44:53
pish
2017-01-10 11:09:14
係時個時候,我嘅眼淚仍然仲流緊。

睇嚟留唔住嘅,始終係留唔住。

冇錯,當時嘅我,仲係有感覺嘅。我冇記錯,佢應該就係我前女友 - Kate。

佢係我嘅中學同學,我地仲有幾個好朋友一齊係中學玩到畢業。

不過當初我鐘意嘅人唔係佢,係我地四個裡面嘅另外一位女仔,佢叫嘉怡。

嘉怡係我地學校公認嘅女神,唔知好彩定唔好彩,佢竟然選埋我地堆。除咗我同嘉怡同 Kate 之外,仲有我好兄弟 - 阿輝。

阿輝好鐘意幫人,由以前細個個陣幫我個做功課,到後來幫我補習,再後來幫我打機。佢係一個好肯捱義氣嘅人,可惜,我欠佢咁多野,我都冇時間冇機會還比佢。

.

正當我回味人間事宜嘅時候,我突然感覺到人嘅氣色。唔好問我點感覺到,因為我都估呢個只係死咗嘅人嘅基能反應。

由於我好驚呢個個人係嚟判我死刑嘅,所以我立刻躲去樹林,等佢見我唔到。

「有冇劉志偉先生,劉志偉有冇?」呢位人兄,身穿一件全白嘅連身裙,但佢係男人嚟。佢比人嘅感覺就好似係古代嘅道士法士。「我係嚟送信架!」點知佢係個郵差。

聽到佢係送信,我都放心少少,所以我決定出去會一會佢。

「係到,係到!劉志偉係到!」

「你就係劉志偉?咁遲先應人嘅?」近啲望,呢個男人仲要係留長鬍鬚,仲有一把長頭髪。照咁睇,佢應該係古代人嚟。

「你又係乜水呢?」

「叫我李白。」
2017-01-10 11:09:54
唔好意思 呢排冇乜靈感 所以打得慢咗啲
我會加返自己速架喇!
2017-01-10 11:11:31
正皮留名
2017-01-17 01:49:31
文呢
2017-01-17 01:56:42
個頭開得幾好,比個正皮你支持下先
2017-01-17 09:39:06
李白 加速
2017-01-19 01:21:32
一日
2017-01-19 10:31:43
「床前明月光,疑是地上霜?」我心目中嘅李白,理應係一個詩人嚟。

「同名咋屌你。」但係我現實中嘅李白,係一個粗口爛舌嘅仆街。「唔洗望喇,呢套係做信差嘅制服。」

估佢唔到,原來係下面做信差,著啲衫係咁 Fashion 嘅。

「下次唔該快撚啲,我仲有多信要派。」佢睥咗我一眼,後來就轉身離開。

我將信件打開,裡面只有一封信。

「志偉:
想我嗎?我很想你!我知道當天我做的這件事是大錯特錯,我哭了很久。
我已經決定,我會來找你!
等我
等我
等我
Kate」

相信呢封信,係我女朋友寫比我嘅。佢叫我等佢,唔通佢會嚟一齊陪我睇住個旋轉木馬?

我再望向呢隻旋轉木馬,我相信佢地面上嘅表情,就係代表我係人間所感受過嘅情感 - 喜怒哀樂 甜酸苦辣。

有悲就有喜,我行過去一隻大笑緊嘅馬,係佢入面拎出一張卡片。上面寫住:「20020321 - 153321」。

Yeah,我又穿越過去喇。

.

我打開眼,我宜家身處嘅地方,係一間中學。

「屌!快啲行啦!趕唔切架喇!」話畢,就有人拉咗我走。

拉我走嘅人係一位女仔,佢應該就係當年我嘅女神 - 嘉怡。

「喂喂喂!去邊阿?」我問。

「你唔係唔記得你要上台表演下話?仲唔快啲行就遲到架喇!」嘉怡拉咗我去禮堂。我隱隱若若見到禮堂門口有張海報,大大隻字寫住「天才表演」。

佢拉住我個陣,隻手好溫暖。

冇錯,我真係好鐘意佢。
2017-01-19 10:33:58
嘉怡拉咗我去禮堂嘅後台。後台有唔少人係到練習緊佢地嘅表演,有唱歌,有跳舞,有雜技。

「如何留得住高潮」

「屌,乜你咁遲架!你信唔信我一拳打撚死你?」講呢句野嘅,就係阿輝。

「對唔住囉,啱啱爆完石。」我笑住講。

「爆石爆石,你再唔練我就打爆你老味舊石阿!」

「一陣要加油阿你地!」嘉怡比咗一個加油嘅手勢我地,我地亦都回應佢一個同樣嘅手勢,然後佢就落返禮堂地面。

「點先,係咪好冧阿死仔!」阿輝一掌拍落我心口,對我露出一個奸奸地嘅笑容。我用口形講出一句「屌你老母」嚟回應佢。

阿輝手指指出禮堂舞台,台上面係一位同學唱緊陳奕迅嘅反高潮。「你睇,佢唱撚到走晒音嘅!」阿輝已經用唔到,大笑咗出嚟。

「靈與慾已升級了!」到個慾字,佢做要走音到爆咪。我都忍唔到大笑埋出嚟。而台上嘅同學似乎好似已經投入晒首歌,自己都高潮埋一份,已經唔會留意到台下同後台全部同學都係到笑緊佢。

「叮!」評判敲敲鐘,以示台上同學表演中止。佢以一臉自信嘅樣貌行返入後台。我拍一拍佢膊頭,講咗句「你啱啱唱得一撚流。」

然後佢回咗我一句:「加油!」

主持行出舞台。「好多謝啱啱呢位同學令到我地全部人都有一個難忘嘅高潮!我地宜家有請下組同學:劉志偉同學同埋陳志輝同學為我地高歌一曲!有請!」

台下傳來掌聲,我同阿輝以勝利者嘅姿態行上舞台。

我地戴上一早已經準備好嘅黑超,仲有 ... 假髪?

音樂響起。

屌,我好似奶咗野。

音樂係王菲嘅曖昧。
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞