(失戀入) 教大家一個月內渡過「失戀」

有呀，所有所有一切，del埋加block，你唔好搵佢之餘都唔好俾佢搵你，更加唔好俾機會自己搵佢。因為add返人係好柒，火燒後路就岩。

我再del埋佢最fd啲朋友，家人果啲，我都唔想會透過地集其方睇到我狀況問我點呀之類嘅事，從而令我輪迴，所以要破釜沈舟，背水一戰嘅心，你就必勝無疑

痛苦同解脫真係一線之差，定位都係大家心裡面，係可以控制嘅結果，係唔容易，但係可以做到的

巴打，你講中左，佢就係覺得我冇去同佢將來去諗去打算，以當下既情況，到結左婚都唔會有好結果。佢覺得大家唔適合大家，所以諗左好耐好狠都要分手

相信你係年紀俾我大嘅長輩，聽落處理得都十分好呀，至少睇到巴打你打以理性而且平心咁處理成件事情，而且件事情又真係同我幾似

不過睇完之後我都認為冇咩可惜嘅地方，或者我咁樣比喻，我覺得巴打ex係一件本身好甜美嘅生果，畢竟7年，佢一定有值得你疼愛嘅地方，可惜敵不過7年之癢，呢個本來甜美嘅生果係壞掉時自己有腳走埋，話之佢依家生蟲同腐爛，巴打其實只係跌左件唔值得留戀嘅腐壞之物

可唔可以簡單講下佢性格，同埋佢年紀等等，我諗女仔18-27都唔會拍拖一星期就諗到咁遠

人變左就係變左，其實仲衰過死左，好似鬼上身咁仲要上一世，加油巴打

睇錯左呢一個巴打sorry

其實係佢唔夠愛你，調返轉諗，如果對方冇為將來打算你會唔會因為咁而唔愛佢？現實社會的確好多人為未來生活同時思考好多野，女性更加會，但真正意思嘅係，佢愛自己多過你，佢想過自己憧憬嘅生活，而對方係唔係你佢都可以接受

我估係咁咋

我又係岩岩呢兩日被分手 雖然我真係好鍾意佢 我都好想用幾日時間復原返自己 唔想擔誤自己d時間 沈溺係痛苦之中 各位巴打 共勉之

冇錯，我地要只需對自己人生負責，其他過客只係生活中一件小事同趣事 對自己負責嘅就係要開心咁過

識諗就得啦巴打 加油

（呢一段我想講講心態先 ）

　　「失戀」嘅你必須要正面。因為正面處理先可以解決問題，個問題當刻只有你在受苦，其實渡過「失戀」唔係時間，而係你嘅心態，平時人地話時間沖淡一切，其實係因為一定時間後你會想法開始正面先可以忘記。與其等待不如盡力改變自己想法，你人生仲有大把選擇，而且你對佢問心無愧的話，出街同佢相遇佢仲驚過你。

　　而且記住「呢個世界咁大，失戀真係好小事」，又唔係死人塌樓親人離世，有人飯都冇得食仲唔開心啦。

　　「千祈千祈唔好諗住段感情可以返黎，返到黎都變左質，我只會認為EX個人仲係度仲未死，但我鍾意嘅果位EX已經死左，人死不能復生，我好清楚就算佢返黎我都唔會接受，條刺大到咁點對一世」

失戀唔可怕，搵唔到新女先可怕

身位big4 既佢 忙係基本 忙到連身邊重要既人都忘記哂 什至唔會理人感受

身為男朋友既我 都被冷落 都被告知對我無左以前愛個種感覺

我以前返工好忙 又要考專業試，但我為左陪佢 連温書既時間 休息時間都比哂佢 諗住一心錫佢 行到終老 到最後因爲忙 對我無哂感覺

點解女人話變就變 咁自私 點解唔努力下 明明我努力咁多 佢忙我都陪佢 24小時on call 等佢 換黎咁既後果

分左手兩個星期 都仲有揾下佢 佢都有應下 但我依家做咩都集中唔到

大師

樓主好嘢

一開始我都怕，但原來唔係，交友APPS識真係唔難

點解女人話變就變 咁自私 點解唔努力下 明明我努力咁多 佢忙我都陪佢 24小時on call 等佢 換黎咁既後果

其實你有晒答案啦
呢個女仔根本唔值得你為佢咁做，變左等同死左

咁小問題都散得嘅你同佢拍多３５７年拖都會散多１０幾２０次

咁都俾你發現

大家都可以，唔好俾樣「死物」影響自己

之前樓主講話ex想佢做埋醜人，我個ex真係推咗我去做醜人，分手理由好似好合情理，但我早幾日先知原來係佢自己自編自導自演

但你個名好帽下啵巴打 分左手之後佢幾耐拍拖先？但其實已經唔重要啦巴打～係咪

【何謂「帽」？】篇
　　好！今次我講下個人對「帽」嘅定義啦！帽唔帽呢，其實唔係計邊日佢同新一個拍拖，因為最後佢可能種種原因冇同第三者一齊，甚至冇「狗公」出現都可以達成被「帽」。只要達成以下條件你就成功成為「帽俠」。

伴侶對你嘅感情轉移到第三方身上

　　大家留意下，以上果句意思有兩個。

【一】佢(ex)鍾意左另一個人，果個人唔鍾意佢(ex)，但佢(ex)為左追求果個人，同你分手。
【二】其實派帽俾你嘅永遠唔係「狗公」，而係佢(ex)

【關於二】
　　「狗公」係可惡，但「利益」關係下你可以當佢係個賊，但佢唔係「搶走」，唔係「偷走」，係「叫走」。佢嘅行為係傷害你，但佢唔係最可惡果個。因為佢都唔識你嘅，佢用畜牲嘅心態為左食物傷害你都唔算好過份。

　　畜牲已經衰架啦，為左食野周圍咬人。但最可惡係果個俾人地叫都叫得走嘅「食物」（姐係派帽者(ex)），你對呢件「食物」嘅感情係得你地兩個先感受到，一直以黎你處處為佢著想，保護佢關懷佢，全心全意愛佢。但件「食物」更可惡，佢可以見到隻畜牲對佢搖尾乞憐就跟佢走。但諗返，畜牲唔係搶啵！竟然叫都叫到件「食物」走。

　　個比喻可能奇怪左啲，但結論係「狗公」咬人係唔痛的，可以傷害到你嘅其實只有「你真真正正付出感情嘅人」，所以真真正正嘅派帽者其實只有係「前伴侶」。

可能有人話EX跟隻畜牲都唔跟你，但以上只係比喻，無需以比喻去尋找原因，重點不在「狗公」

以上睇法希望被帽嘅巴絲打知道，你個ex咁PK，你仲留戀啲咩？

咁就更加唔駛為件垃圾留戀啦 個ex愈差呢，對希望「渡過」嘅你其實係愈好

分手原因係佢覺得我嗰期唔搵佢，又話我寧願陪fd都唔陪佢，我哋好似兩個single嘅人，覺得不如分手，我仲以為問題真係我唔陪佢唔畀時間佢

點知上星期同佢傾開，佢先話一早就想分手，仲好冠冕堂皇咁臨分手唔搵我又唔畀我搵到佢係因為想大家分開得smooth啲