因為我鍾意代入當事人同對方度諗咁你ex講大話都幾差下雖然唔知咩事，但如果你鍾意佢應該俾佢做佢想做嘅嘢同鍾意做嘅事（唔涉及背叛/不道德行為）睇下佢離開原因係咩，因為你冇交代。
帽：一定唔撚會
其他原因：視乎佢離開原因同「背叛」有冇關係
例如佢有癌症話分手醫好左搵返你呢啲咁極端冇得講啦
不過呢個例子係我有新目標（姐係現任新女友）果時都有諗過
唔涉及帽，但關講大話事為左做一樣佢想做既野，不停大話cum大話呃我，我拆穿左之後佢話因爲驚我嬲先瞞住我。一直話會改，但就連分左手佢重新搵返我既時候，都係有講大話
唔講咁詳細 因為連登太多我同佢既朋友有睇
會唔會係巴打佔有慾同太想控制另一半？
佢一開始講笑咁提呢件事出黎，因為呢件事同我地計劃好既將來有衝突，我就覺得佢係講下笑，咁我就話唔好啦
之後佢就瞞住我去做，當我發現左既時候，佢就話覺得我比好大壓力佢提分手。
之後佢話後悔講分手，但都係好想去做個件事，我好努力去傾，結果我決定讓步比佢做，我話有咩事都可以同我商量，以後唔需要瞞住我，但佢都係繼續用謊言黎呃我，原因就係驚我會嬲所以瞞住我，之後我頂唔順斷左聯絡。
到幾個星期前佢搵返我，佢講到自己知錯，又比我發現到佢仲講緊大話。比同一個人傷左三次心，但個心仲係未識死，可以點做
利申：絲
因為你ex應該係背叛你地承諾而唔係感情，我唔用戴帽心態去講啦，而且我不能清楚呢件「事情」對你ex有幾重要
咁講啦絲打～因為就咁聽好難聽得出件事情嘅嚴重性，但既然你讓左步俾佢去做呢件事嘅，你係咪肯定讓晒步俾佢做先。我明白每個人都希望伴侶可以跟住自己意願去做，但你讓步俾佢做嘅同時，係咪真係完完全全俾佢去做呢件「事情」？佢去同你講去做呢件「事情」時，你係咪真係完全冇微言而且支持佢去做？
事實上你可能根本一啲都唔想佢去做，佢講大話係佢錯，但你要諗下佢點解要呃你？係因為「同你商量完其實你都有微言」或者「唔想你唔開心，想偷偷完成左呢件事情就唔駛向你交代」
係呢一刻我認為你根本唔可以左右佢去做啲咩，因為大家已經係成年人，你可能已經無形中要佢決擇左一個選擇題：「一係做呢件事情；一係就失去你」。對佢黎講呢件「事情」應該好重要好想去做，所以佢先會選擇偷偷去做。
而選擇嘅應該係你，假設佢點都要決定做呢件「事情」，你會唔會支持佢，繼續同佢一齊？
因為發生今日呢個情況原因有兩個：
1）係佢向你幾次係咁講啲一拆就穿嘅大話，令你認為佢完全信唔過，同一個冇信用嘅人好難過一生
2）當初應該支持佢去做呢件「事情」，如果ex一開就就得到你嘅支持，佢根本完全冇必要同去講大話呃你嘅動機（呢個就係你問題，聽落係有啲唔合理，但源頭其實係呢度，接唔接受佢去做呢件「事情」當然係你嘅自由選擇）
由此絲打應該明白，其實你地雙方嘅問題係由相處意見分歧，再引生到信任度嘅問題。但如果相處意見冇分岐，根本唔會發生下一步嘅信任度問題。
如果信任度問題唔關乎感情上背叛，我認為仲可以給予對方改進嘅空間
絲打，假如你ex並沒有背叛你感情，只係意見分岐而引起一連串大話，你未必一定要「渡過」的，你仲可以考慮同返佢一齊
多謝你呀巴打
之前同朋友傾，一聽到我話佢係咁講大話，個個都話講講大話既男人唔好要。
我承認其實我當初既讓步都讓唔哂，有時都會比說話佢聽，，又會質疑佢有冇講大話，都會同佢講其實我真係唔想比你去做。我當時既心態係，你之前講大話，所以你要承受我既質疑；我讓左步，所以你聽下說話都唔緊要。我都承認咁樣讓步又讓唔哂其實比好大壓力佢。
巴打一直強調只要無背叛感情就可以考慮一齊，其實我當初其中一個反對既原因，係因為同佢去呢件事既人係涉及到異性，我個陣係到諗，當佢同異性有左一個共同目標，一齊去經歷去做呢件事，而我永遠都參與唔到，所以令到我好難受。我有解釋過比佢聽，佢淨係識講佢地一定唔會有野，都係堅持去做。咁樣其實算唔算背叛我地既感情。
對唔住巴打，其實件事好複雜，但我唔可以講哂出黎，一講就會比人發現
你我所睇件「事件」上呢，佢未構成「感情背叛」，而事實上佢有冇去諗、去想背叛呢？你我都唔知道，只有佢先知道。所以呢刻唔係諗佢有冇「背叛」到你，因為你呢一刻係完全冇方法知道個答案
反而呢一刻，佢令你想同佢分手嘅原因除左對你講大話外（呢刻唔駛理呢個原因住，因為呢個原因係引生出黎），仲有嘅係「佢行為上令你為佢擔心佢會唔會背叛你感情」。
真係要講就有啲似香港嘅「遊盪罪-條友仔（留係度）行為導致他人合理地擔心本身安全或利益」
你做法嘅選擇都兩個：
1）你認為一個伴侶，要你經常為佢擔心，佢有冇背叛你感情，值唔值得繼續同佢一齊，代價就係「你要時刻承受擔心」，如果接受唔到，就努力「渡過」吧
2）改變自己，嘗試抱著完全信任對方心態俾佢去做呢件事情，就算他日佢真係「背叛」左你，你都冇任何需要後悔嘅必要，因為你清楚個結果，除左分手你已經冇其他選擇嘅權利。
如果係我我會選擇（2），但呢個選擇當然比較危險同埋唔容易做到，而且我唔清楚當中「事情」係咩野，我只可以聯想大概係「一男一女去一個地方工作3個月」之類嘅行動。
但倘若他朝有日佢因為你嘅完任信任而背叛，你唔駛唔開心，因為全世界都冇任何藉口話你嘅行為係錯，而且我覺得你選擇（1）有可能會更加後悔，因為結果你永遠都唔知道。同埋你嘅心介乎左係（唔知應唔應該為你愛嘅人「時刻承受擔心」）
不過，如果你自問自己做唔到（2）「嘗試完全信任對方」呢個行為，你就直接選擇（1）去「渡過」啦
盡量唔好唔俾佢去做呢件「事情」，因為假如呢刻佢話「唔去做」而同你一齊返，你都一樣唔會知道結果。但如果下次再發生，你又係輪迴返呢個問題上不斷糾結，選擇係絲打你手上
多謝你巴打，真心多謝你。你聯想到既野都差唔多，總之就係要離開香港一段時間。睇完你講之後都有反思到自己有咩唔岩，本身想選擇（2），覺得就算難行都要嘗試一次，唔好比自己後悔。
但我岩岩發現左，佢係我地分左手之後，佢本身計劃左一個人去旅行，但同段時間個異性突然間拎到假，去左同一城市....我諗，世界上應該無咁多巧合
巴打，教下我點樣渡過
雖然佢離開得遲，但至少今時今日你睇清楚佢係咩人，或者你知佢已經變左不折不扣嘅垃圾，對住咁嘅人，你已經浪費左好多同佢相處時間，如果分手仲要為佢傷心，好唔抵之餘，仲會俾件垃圾得逞，連離開後佢控制住你嘅心
