(失戀入) 教大家一個月內渡過「失戀」

欣賞樓主

叻仔

依家知道個真相咪幾好
到時結埋婚再綠你
就喊都無用

佢幾歲先,25前都未玩夠架啦

巴打意志力超強 真心配服

25-30

跳樓,跳海

都係25-30

如果係因為第三者而失戀 呢個想法都幾好
但如果係其他野而分手 根本就無用

冇錯呀巴打，而且樓上有人話我仆街嘅果位巴打可能未睇晒啲文 就好似我俾身邊嘅人插左一刀，我立即去醫院，醫好左就唔再接觸呢個人姐，留戀有咩用

都應該係，所以以上所講嘅可能適用於對方負你嘅情況（我開始冇提及到sorry各位）

多謝大家支持，但覆唔到每位巴打。不過可能我情況同大家未必一樣，但最重要嘅係你嘅人生得你自己承受同負責，要每日回想過去心抱僥倖心態，定還是盡心盡力令自己活得更好。答案顯易而見。人生過客，唔駛太執著 。

點發現頂帽？

我有一個8年幾既女友半年前同我分手。佢都係識左第個踢走我。之後仲講左好多傷我心既說話

我到而家差唔多每日都有喊。唔明點解一直咁親既人可以忍心把自己既快樂建築在我痛苦上。

巴打，一樣米養百樣人，就算新嘅呢個我都唔知會唔會被帽架，不過相信自己，相信總有大把好女仔想法同你一樣。就算再帽也不怕，因為錯不在你，其實你冇必要驚，活得比你ex好就係最好嘅「報復」同最好嘅「待遇」，當你搵到新一個時你就知道原來當初被帽對你「人生」係一件好事，如果唔係你永遠遇唔到未來陪伴你一生嘅另一半

如果我係你，我會覺得我仲愛呢個女仔，但愛嘅只係當初全心全意對自己嘅「佢」，呢個「佢」其實已經唔再存在已經死左，呢刻個女仔只係剩底個軀殼係度，並唔係當初你愛嘅「人」，好似以前套「無頭東宮」咁

屌⋯⋯ 但真係好難接受條女完全變左第二個人
同埋你唔嬲d狗公架咩？
唉個人好down

巴打 我剛剛都失戀啦.....我地復合過兩次 但其實我都仲係熱戀期.... 所以共勉之

留名

或者我講多啲以前對ex嘅情況，等大家最少知道我應唔應該被帽先啦

「被帽篇」（長文慎看）

果時我已經認定左呢個女仔(ex)，佢對我都好好嘅，大家呢年內都冇點嗌過交，就算呢5年都唔超過10次，而且每次都係佢嬲我氹，事後佢都會因自己亂發脾氣道歉，我冇發過佢脾氣。

咁佢因為一個長期病，導致皮膚好差成日出暗倉，同時令佢自己冇咩自信，朋友都比較少，所以成日會痴住我，但我知道咁樣對佢唔健康，做人會唔開心。

咁我上網搵左好多資料，帶佢調理好皮膚啦（佢好怕睇醫生），最後皮膚又真係幾個月後好返晒，皮膚都靚左好多咁。

之後我再提議佢「搵多啲朋友」同埋「做運動」。咁我同佢講「因為我話做人一定要搵地方抒發，我願意聽你抒發一切，但咁係唔足夠。你想開心嘅應該搵多啲朋友，就算話題係傾我我都唔介意，咁樣你先可以同朋友/家人/伴侶，各自抒發你遇到嘅問題你先可以放鬆。」你咁佢都聽，最後就成日搵朋友啦。

之後「做運動」佢選擇左去做gym，佢報左康文啲gym班，我話咁幾好呀，運動出汗又健康又會同時釋放啲唔知乜春會令自己開心啲。

其間就好似我第一篇咁寫有個男仔問佢拎電話佢俾左對方。佢有立即同我講佢果刻唔識拒絕，都有同對方講有男朋友唔會主動應約，做gym見到就見啦。我見佢都主動同我講，而且我都相信佢，我同佢講「咁係好事黎，女仔有人追好正常姐，而且平時你自信心方面比較低，你自己處理啦，我信得過你。但唔好keep住每日同對方傾，每個人都有感情，傾得多一定會變曖味，到時我地三個人總有一個或以上會受傷害。」

佢好應同我講法，都大讚我好好，話一定只會當佢係弟弟咁（個男方細個過女仔少少）。咁兩星期後我發現佢開始少少唔同，例如問我感情睇法果啲，被分手果晚約左佢出去晚飯行街同去佢屋企過夜，果晚佢成日神不守舍咁，就問佢係咪唔開心，佢話冇。我又問個男仔係咪仲有搵佢，佢話係，佢仲叫我放心佢只當佢係弟弟。我問到返屋企佢終於答我發現自己唔可以唔搵個男仔。我就話「既然係咁我今晚返自己屋企啦，我再係度都只會令你唔舒服。」，佢話佢都同朋友係呢伴事上傾過下我，啲朋友勸佢同我分手，仲話呢一星期不斷想搵理由同我分手，因為佢唔想做醜人，佢想迫我做埋醜人嘅角色。但佢話真係搵唔到我對佢差嘅地方，佢承認我對佢真係好好，想搵個位分手都搵唔到。最後走前就喊住問我：「對唔住呀⋯⋯你係咪覺得我好賤格。」

臨走前我都選擇安慰佢：「放心啦，你唔賤，只係你唔識處理呢個問題姐，我等你啦⋯⋯」

我一直覺得當初叫佢「搵朋友申訴」同「做運動」都係蝴蝶效應到今日被帽，不過我覺得自己全心全意為佢提議佢咁做，結果得出黎會變左被帽 不過俾我選擇多次我都唔後悔咁做嘅，我嘅出發點完全係對伴侶嘅善意。不過如是者等左幾日就冇等，因為我愛嘅「佢」已經完完全全走左

都冇得唔接受嫁 事情發生左就要去解決架啦 唔太憎狗公，呢個世界太多狗公，始終牛唔飲水唔禁得牛頭低，要憎都憎ex姐，不過算啦，憎黎做乜，佢今後嘅人生對我黎講等同一個路人

因咩失戀，可唔可以講多啲

巴打你真係好好 你咁快move on到已經好佩服
點解香港地好似男既俾人帽多過女俾人帽
聽親都係男既例子

如果以後仲會日日見到條女呢？

咁我相信女嘅都唔少，只係討論區有幾多個女仔呀 而且男仔生活圈子男性多咁多。

而且男仔通常都係做追人嘅角色多，所以男性被帽較多都好正常