(失戀入) 教大家一個月內渡過「失戀」

全靠狗仔幫手

諗返真係會覺得好浪費時間架，但又好慶幸好彩最後佢冇返自己身邊，自己先可以見更多感受更多

不過有野諗唔通想巴打講下，就係其實對女朋友好好真心愛佢錫佢對方係咪唔會知？我一個人付出咁多，但去到最後佢都係要跟佬走

「對方知唔知？」

對方當然知道，佢跟佬走嘅時候都會知道自己道德上係幾差，就算佢同你講話分手係唔開第三者介入都係自己呃自己，因為感情本身就係一對一嘅關係，而原因唔駛講啦～

但往往好多人都會有咁嘅情況

原男友（姐係你）對段感情好認真，視對方為婚姻對像，而女友係工作或其他情況下認識新男友，之後就話同原男友嘅你話淡左，同第三者無關，一星期後前月友已經同果位新男友一齊左。

（以上情況係派帽標準劇情）

但未完.........
（以下做法就差不多都係標準劇情，但心理我純估計，估咋嗱～ ）


然後原男友就會不斷「挽回」段感情，一開始前女友都會為自己嘅內疚應下一兩句咁，但無奈原男友嘅角色通常都因太唔忿氣太緊張太愛對方不斷請求、甚至係前女友角色認為「騷擾」下不斷乞求挽回


此刻嘅前女友其寶一早已經備受良心、識你地嘅朋友、甚至家人指責佢「貪新忘舊」嘅行為，再加上你嘅不斷乞求佢只會覺得更加煩，開始由內疚變成憎恨你，雖然係佢派帽，佢打從心底裡面可能已經覺得「你好煩」（呢句好多人都被前伴侶話過），「煩」唔係「煩」在騷擾，「煩」在佢覺得今時今日全世界都話佢錯嘅原因，就係你嘅出現

佢會慢慢覺得一切嘅開始係你令到佢良心責備，你令到佢今日變成千夫所指，而忘記其實係佢自己派帽做成，成功將個責任有啲似偷換概念嘅換走，所以好多人最後個情況會變到以下咁


前女友：

（岩岩散）：好內疚
（前男友不斷乞求）： 你好煩

「對方知唔知？」

對方當然知道，佢跟佬走嘅時候都會知道自己道德上係幾差，就算佢同你講話分手係唔開第三者介入都係自己呃自己，因為感情本身就係一對一嘅關係，而原因唔駛講啦～

但往往好多人都會有咁嘅情況

原男友（姐係你）對段感情好認真，視對方為婚姻對像，而女友係工作或其他情況下認識新男友，之後就話同原男友嘅你話淡左，同第三者無關，一星期後前女友已經同果位新男友一齊左。

（以上情況係派帽標準劇情）

但未完.........
（以下做法就差不多都係標準劇情，但心理我純估計，估咋嗱～ ）


然後原男友就會不斷「挽回」段感情，一開始前女友都會為自己嘅內疚應下一兩句咁，但無奈原男友嘅角色通常都因太唔忿氣太緊張太愛對方不斷請求、甚至係前女友角色認為「騷擾」下不斷乞求挽回


此刻嘅前女友其實一早已經備受良心、識你地嘅朋友、甚至家人指責佢「貪新忘舊」嘅行為，再加上你嘅不斷乞求佢只會覺得更加煩，開始由內疚變成憎恨你，雖然係佢派帽，佢打從心底裡面可能已經覺得「你好煩」（呢句好多人都被前伴侶話過），「煩」唔係「煩」在騷擾，「煩」在佢覺得今時今日全世界都話佢錯嘅原因，就係你嘅出現

佢會慢慢覺得一切嘅開始係你令到佢良心責備，係你令到佢今日變成千夫所指，而忘記其實係佢自己派帽做成，成功將個責任有啲似偷換概念嘅換走，所以好多人最後個情況會變到以下咁


前女友：

（岩岩散）：好內疚
（前男友不斷乞求）： 你好煩



好多錯字添～不過以上真係好多朋友巴絲經歷都係咁

點解可以咁中point

明明佢帽我在先但搞到我錯咁

入戲肉至o黎the end
冇辦法啦係唔make sense 架喇

上面個情況似唔似巴打你嘅故事？

都有八成似，但我唔覺得佢有任何悔意，因為佢從來唔會認錯，世界圍住佢轉，有咩唔啱一定係其他人問題，好似今次咁，佢話我成日唔信佢，搞到佢好累分手，但事實係我唔信佢都情有可原，你睇下最後佢都係比帽我帶... 所以對佢來說，今次分手最衰係我

佢呃自己呃到成個小朋友咁

好似我細個默書零分俾阿媽打到仆街，之後匿入廁所不斷同自己講「如果佢平時冇咁惡死唔打我我一定好高分」咁一樣

你個比喻笑到我肚痛

佢根本就係一個小朋友，做D行為似，諗野又似，我同佢係返工識，散左之後我問返D同事，點睇依個人，每一個人都有同一個論點，就係唔成熟小朋友 話佢乜都要人就佢，一唔中意就扁嘴黑面，明明係佢自己有問題，其實佢就係世界中心

因為基本上出到黎做野「承認錯誤」好多時係大家心中最基本嘅「成熟標準」，因為「成熟」嘅人一定具備呢個條件，原因係唔識「承認錯誤」咁人根本冇進步同成長嘅機會，所以陪審團結論一致 被告人係唔成熟嘅小朋友

被判離開原告（你），歸還原告人美好生活，等原告人迎接更美滿嘅人生同愛情

留名學野

根本就係，一個成熟的人係應該承擔自己的過錯，俗語都有話：錯就要認，打就企定！連咁基本的承擔責任都做唔到，我話佢佢又唔中意，覺得我煩，身為前男友的我表示好無奈。一直以來咁錫佢，但出街成日比佢發D小朋友脾氣，個陣好難受

我依家即管睇下佢玩得幾耐，買定花生

客氣喇客氣喇

受寵若雞

乞定啲花生先

（一直以來咁錫佢，但出街成日比佢發D小朋友脾氣，個陣好難受）

呢點好明白，不過因此之後我更明白當自己發父母脾氣時係幾咁忤逆

學巴打話，所以人就係咁先會成長，而唔係原地踏步

有時一個人靜靜地就會諗返起佢，依個時候睇返巴打D流言就係我的支柱，去支持返自己唔好dup

一個月前被分手 情況同巴打差唔多
佢同我講 有個fd同佢表白 佢想接受 果晚佢打咗俾我同我傾
我同佢講 如果你想就放手啦 我自問可以做既都做足
既然你要變心既 跟本就無可能挽留到

Long D 7個月就咁散咗

之後一直做野麻醉自己 強迫自己唔去諗 放工就跑步做運動
放假就不斷做自己鍾意做既野 一個人去行山 露營 影相

雖然仲未move on 但至少改變緊自己令自己變得更好

放心啦巴打，除左我之外仲有好多巴打同你共勉之緊。我tg個group仲有人係度不時叫下春，但大家好有大家互相支持互相鼓勵，有唔少都企左起身，亦有幾位都開始左另一段感情

當你渡過後，回想起黎就會諗起今日嘅事幾咁細小，而且你都會感激今日發生嘅事，因為要有今日發生嘅任何事情先可以造就明日更強大嘅你

打撚死佢！！

一個女人變左心，無論自己做D咩都好，對方只會覺得反感，相反新歡做咩都係順眼嘅，所以最緊要對佢問心無愧，做足男朋友的本份，對方要走都冇辦法

増值自己

C+雞巴打（下稱「雞巴」 ），從你最後答佢果句「如果你想放手，我自問做足，你要變心，我冇可能挽回到」呢句，同埋分手後不斷做運動同做自己鍾諗嘅野，令自己過得更美好。呢方面我諗你同我嘅想法都比較相似，會以利弊去衡量一件事情係咪仲值得浪費時間去作任何無謂嘅挽救，而且都會以最各種正面方式解決呢刻嘅傷感

所以雞巴你雖然仲未move on到，但我認為以你嘅性格應該可以好快冇事，因為你冇原地踏步過，你每日做嘅都係為自己過得更美好，你一定會有收成嘅一日

「冇愧於心」都係我重新得快十分重要嘅因素之一

諗起日後出街唔洗再幫人湊女教女.... 以前岀街好大壓力，佢脾氣又差，成日都要驚佢發脾氣

不過至少都係因為佢，我學識照顧自己女朋友，相信之後段感情應該輕鬆carry到

無戀過入黎睇失戀教學